በአሜሪካ ውጭ ጉዳይ መሥሪያ ቤት የአፍሪካ ጉዳዮች ረዳት ሚኒስትር ፍራንክ ጋርሺያ የኢትዮጵያ ጉብኝት የንግድና የመዋዕለ-ንዋይ ዕድሎች ከፍተኛ ትኩረት ተሰጥቷቸዋል። ጋርሺያ ከውጭ ጉዳይ ሚኒስትር ጌዲዮን ጢሞቲዎስና የገንዘብ ሚኒስትሩ አሕመድ ሽዴ ቢወያዩም ከጠቅላይ ሚኒስትር ዐቢይ አሕመድ ጋር ስለመገናኘታቸው በይፋ የተባለ ነገር የለም።

በትግራይ ክልል በተለይ ካለፉት ሦስት ሳምንታት ወዲህ በሰው አልባ አውሮፕላን (ድሮን) «ተከታታይ እና ተጠናክሮ የቀጠለ» ጥቃት እየተፈፀመ መኾኑን ህወሓት ገለፀ። የድርጅቱ ቃል ዐቀባይ እንዳሉት የድሮን ጥቃቶቹ በሰዎች መኖሪያ ቤቶች፣ በትምህርት ቤቶች፣ በአርሶ አደር መንደሮች እና ንጹሐን ሰዎች በሚኖሩበት አካባቢ ነው።

በማዕከላዊ ኢትዮጵያ ሕዝቦች ክልል በመስቃን እና ማርቆ አካባቢዎች የሚታየውን የፀጥታ ችግር ለመፍታት ያስችላል የተባለ የሰላም ምክክር በምሥራቅ ጉራጌ ዞን ቡታጅራ ከተማ ተካሄደ።

በምዕራብ ወለጋ ዞን ጋንጂ ወረዳ ውስጥ የሚገኘው የቱሉ ካፒ የወርቅ ፕሮጀክት በጸጥታ ችግር አንድ ሠራተኛው መገደሉን ኬፊ የተባለው ኩባንያ አመለከተ። ዓርብ ነሐሴ 29 ቀን 2018 ዓ.ም የወርቅ ፕሮጀክቱ በሚገኝበት ቦታ የጸጥታ ችግር መከሰቱን ተከትሎ ለጊዜው የፕሮጀክቱን ሥራ ማቆሙን አስታውቋል።

በሕወሃት እና በፌደራል መንግሥት መካከል የተፈጠረውን ውጥረት ተከተሎ በአላማጣ ከተማ በግዳጅ ወታደራዊ ምልመላን ያልተቀበሉ ወጣቶች በታጣቂዎች በጥይት ተደብድበው መገደላቸውን የአካባቢው ነዋሪዎች እና የሟች ወዳጆች ተናገሩ። የከተማዋ አስተዳደር በበኩሉ የወጣቶቹ ሕይወት ያለፈው በግዳጅ ምልመላ ሳይሆን በግል ቂም በተነሳ ግጭት መሆኑን ገልጿል።

አሜሪካ እና ኢትዮጵያ ከቅርብ ጊዜያት ወዲህ ከጸጥታው ትብብር ባሻገር ግንኙነታቸውን ወደ ኢኮኖሚ ትብብር ለማስፋት ፍላጎቶችን እያሳዩ ነው። ከሰሞኑ በኢትዮጵያ ጉብኝት ያደረጉ የአሜሪካ ባለሥልጣን ዋና ትኩረታቸውን በንግድ፣ በመዋዕለ ንዋይ ፍሰት እና ሰፋፊ ኢኮኖሚያዊ ትብብር ላይ አድርገው ከኢትዮጵያ ባለሥልጣናት ጋር መክረዋል።

የምርምሩ ትኩረት ፎቶተርማን ናኖ ቴራፒ የሚባል የሕክምና ዘዴ ሲሆን፣ ይህም የኬሞቴራፒ (ጨረር) አስከፊ የጎንዮሽ ጉዳቶች ሳይኖሩት፣ማለትም ጤናማ የሰውነት ህዋሳት ሳይጎዱ በሌዘር የሚሰሩ ጨረሮችን በመጠቀም የካንሰር እብጠቶችን ወይንም ቱመርስ ለይቶ የሚያጠፋ የላቀ ቴክኖሎጂ ነው።

በህክምናው ረገድ ማንኛውም መድኃኒት ልክና መጠን እንዳለው የህክምና ባለሙያዎች ያሳስባሉ። ሆኖም ግን ብዙዎች በየምክንያቱ በቀላሉ ስለሚያገኙዋቸው የተለያዩ የህመም ማስታገሻ መድኃኒቶችን ሲወስዱ ይታያል። እንደ ፓራሴታሞል ያሉ የህመም ማስታገሻ መድኃኒቶችም አውቀውም ሆነ ሳያውቁ እየደጋገሙ መውሰድ ምን ያስከትላል?

«የምርጫው ውጤት እንዲሁ በቀላሉ ችላ የምንለውና እንደወትሮው መቀጠል የምንችልበት አይደለም። ይኸን አናደርግም። በሰፊው ተወያይተናል። በእኛ ላይ ተፅዕኖ አሳድሯል። እኔንም በግል ነክቶኛል። እውነቱን ልናገር ይኸ የክርስቲያን ዴሞክራት ኅብረት ፓርቲ በዓመታት ውስጥ ብቻ ሳይሆን በበርካታ አስርት ዓመታት ውስጥ የደረሰበት ከባድ የምርጫ ሽንፈት ነው»

በሃርቡ፣ ቻግኒ፣ ጃዊ እና ቃሉ አካባቢዎች የሚኖሩ ተፈናቃዮች እንደሚሉት ከሆነ፣ ለወራት ያህል ምንም አይነት የምግብ እርዳታ አላገኙም። በተለይም በቻግኒ ከተማ የሚገኙ ተፈናቃዮች የምግብ እጦት በተጨማሪ በወባ ወረርሽኝ እየተጠቁ እንደሚገኙ ይናገራሉ