www.patreon.com/einpaeling

Arndís Anna hefur verið áberandi í umræðum undanfarna daga um hælisleitendur og hópbrottvísun sem á að framfylgja á næstu dögum. Í þessu hlaðvarpi er rætt um pólitískan áhuga fyrir auknum stuðningi við hælisleitendur, hversu mörgum Ísland eigi að taka á móti, menningarárekstra, aðlögun, reynslu Norðurlandanna og fleira.

Þórarinn ræðir við góðvin þáttarins, hana Ívu Adrichem. Umræðuefnið að þessu sinni er vændi. Rætt er um hvort að heimspekileg sjónarmið sem snúa að því hvort að ófrítt fólk eigi að hafa aðgengi að vændi, valdaójafnvægi, ábyrgð kúnna og kynlífsverkafólks, rétttrúnað og margt fleira.

Þórarinn ræðir við Bjarna Benediktsson, fjármálaráðherra, um ýmis mál. Meðal annars persónulegar pólitískar áherslur og hugmyndafræði Bjarna, stjórnmál á Íslandi, kulnun og atvinnulífið, Íslandsbankasöluna og margt fleira.

www.patreon.com/einpaeling

Jónas Atli er hagfræðingur og fyrrum blaðamaður Kjarnans. Í þessu hlaðvarpi er rætt um peningamagnskenningar, fjármálalæsi, orsakir og afleiðingar mismunandi efnahagsstefna og fleira.
Sérstaklega er rætt um pólitísk loforð sem ekki taka tillit til raunveruleikans.

www.patreon.com/einpaeling

Gunnar Smári Egilsson er flestum hlustendum kunnur. Að þessu sinni ræðum við sveitastjórnakosningarnar á laugardaginn kemur, 14. maí. Um hvað snúast kosningarnar? Einnig yfirvofandi kreppu á húsnæðismarkaði, kjör hinna verst settu, frjálshyggju og fleira. Í síðari hluta þáttarins eru landsmálin og Íslandsbankasalan í brennidepli. Rætt er um stöðu ríkisstjórnarflokkanna, formann Sjálfstæðisflokksins og pólitískar afleiðingar bankasölunnar.

www.patreon.com/einpaeling

Þórarinn ræðir við Helga Áss Grétarsson um ýmis málefni. Helgi býður sig fram fyrir Sjálfstæðisflokkinn í næstkomandi borgarstjórnarkosningum en margir þekkja til hans í umræðunni um #MeToo sem hann skipti sér af þegar sú umræða stóð sem hæst. Helgi er hvergi banginn við að snerta á erfiðum málefnum og standa við sínar skoðanir.
Rætt er um leikjafræði og stjórnmál, hvernig ferill hans sem stórmeistari í skák hefur haft áhrif á þankagang hans um samfélagsmál og hans ímynd af siðuðu samfélag.

www.patreon.com/einpaeling

Þórarinn ræðir við Grétar Theodórsson um kaup Elon Musk á Twitter. Grétar er almannatengill, stundakennari við HÍ og annar stjórnenda hlaðvarpsins Hismið.

Í þættinum er rætt um áhrif sölunnar á lýðræðislega umræðu, áhrif samfélagsmiðla á stjórnmál víðsvegar um heiminn, reynt að greina fyriráætlanir Musk með nýja samfélagsmiðlinn sinn og hvort að vestræn lýðræðissamfélög séu komin með leið á sínum stjórnmálamönnum.

Síðasti borgarstjórnarkosningaþátturinn. Þórarinn ræðir við Einar Þorsteinsson um áherslur Framsóknarflokksins fyrir kosningarnar 14. maí. Rætt er um húsnæðismál, skotárás á bíl borgarstjóra, samgöngumál, velferðarmál og kjaramál.

Guðmundur Arnar er sviðsstjóri CERT-IS, netöryggissveitar Fjarskiptastofu sem vinnur náið með almannavörnum við að verja Ísland fyrir netárásum. Hér ræðir Þórarinn við Guðmund um álitamál sem að snúa að netöryggi. Hvaða áhrif hefur stríðið í Úkraínu á varnir Íslands? Er Ísland í verri eða betri stöðu en önnur ríki? Er líklegt að netárásir muni færast í aukana vegna ástandsins? Hvað með upplýsingaöryggi einstaklinga? Hvernig er hægt að nota upplýsingar gegn okkur, hvernig nýta hakkarar sér vankunnáttu almennings og hvernig er hægt að koma í veg fyrir að verða fyrir netárás? Að lokum er rætt um áhrif gervigreindar og heimspekileg álitamál sem snúa að því hvort það sé jákvætt eða neikvætt að öfl á borð við Anonymous ryðji sér til rúms. Öfl sem lúta ekki ríkisvaldi.

Sigurður Hannesson er framkvæmdarstjóri Samtaka iðnaðarins. Þórarinn ræðir við Sigurð um hvað stríðið í Úkraínu og eftirmálar Covid-19 þýði fyrir iðnaðargeirann á Íslandi. Rætt er um hrávöruskort, húsnæðismál, kjaramál og fleira. Að lokum er rætt í nokkuð löngu máli um orkumál og sérstöðu Íslands í þeim efnum.