Ein Pæling

www.patreon.com/einpaeling

Heiðar Guðjónsson er fráfarandi forstjóri fjölmiðlasamsteypunnar Sýnar, sem rekur meðal annars Vodafone, Stöð 2, Vísi og Bylgjuna. Hann hefur verið umsvifamikill á ýmsum sviðum atvinnulífsins, bæði á Íslandi og víða annars staðar.

Í þessu hlaðvarpi ræðir Þórarinn við Heiðar um fyrirtækjarekstur á Íslandi, hvatastýringu, hvernig það er að reka fjölmiðil, aðkomu stjórnvalda að verðmætasköpun, erfitt umhverfi til sérhæfingar á Íslandi, ábyrgð og skyldur ungs fólks, samfélagsmiðla, lýðræði og hvort það sé rétt að útskúfa Rússum.

Er Brynjar Níels hinn nýji almannatengill? Hafa Hjörvar Hafliða og FM95Blö meiri áhrif á íslenska menningu heldur en fólkið á Twitter? Brugðust stjórnvöld rétt við í veirufaraldrinum? Hvaða flokk kýs hinn þögli meirihluti?
Árni Helgason, fyrrum hlaðvarpsstjórnandi Hismisins, lögmaður og fleira, reynir ásamt Þórarni Hjartarsyni að svara þessum spurningum og fjölmörgum öðrum.

Már Wolfgang Mixa, lektor í fjármálum við Háskóla Íslands, komst nýlega í fréttirnar þegar hann tjáði fjölmiðlum að það myndi ekki koma honum á óvart ef að húsnæðisverð myndi koma til með að taka dýfu á næstunni.

Í þessu hlaðvarpi er rætt um hvað hafi áhrif á fasteignaverð, ástæður þess afhverju Már telur að það muni koma til með að taka dýfu, leigumarkaðinn, kjaraviðræður, hrunið og fleira.

www.patreon.com/einpaeling

Kristín Sif er útvarpskona, áhrifavaldur, afrekskona í hnefaleikum og margt fleira. Í þessu hlaðvarpi er rætt um áhrif samfélagsmiðla á sálarlíf ungs fólks og áhrifavalda. Farið er yfir hvort að þetta sé óumflýjanlegur veruleiki barnanna okkar, hvernig maður getur komist hjá því að vera stanslaust tengdur, breytt samskiptamynstur og margt fleira.

Vilhjálmur Árnason er þingmaður Sjálfstæðisflokksins. Hann telur sjávarútvegskerfið vera mikilvæga stoð í íslensku samfélagi og að gagnrýni á það byggist helst á öfund þeirra sem að keyptu ekki kvóta eða seldu hann snemma.

Í þessum þætti er rætt um réttlæti, Samherjamálið, milliverðlagningu, uppbyggingu kerfisins, hugmyndafræði og margt fleira.

Þórarinn Ingi þingmaður Framsóknarflokksins mætir í annað skipti í hlaðvarpið. Að þessu sinni er rætt um niðurgreiðslu í landbúnaði, stöðu fæðuöryggis í heiminum vegna innrásarinnar, samráð, hugmyndafræði og margt fleira.

Bjarni Kristinn Gunnarsson er sálfræðingur sem að hefur tjáð sig um áhrif samfélagsmiðla á ungt fólk. Í þessu hlaðvarpi spyr Þórarinn Bjarna úr spjörunum um framtíðarhorfur í þessum efnum, hvað sé hægt að gera til þess að sporna við vanlíðan og kvíða ungs fólks og hvers vegna þessir geðheilsukvillar hafa aukist undanfarin ár.

Þorsteinn Guðmundsson er klínískur sálfræðingur en margir muna eflaust eftir honum úr sjónvarpsþáttunum sívinsælu Fóstbræðrum. Þórarinn ræðir við Þorstein um vanlíðan, áföll, kvíða, samskipti foreldra, reiða foreldra og margt fleira. Að lokum spyr Þórarinn Þorstein hver sé hans uppáhalds stikla í Fósbræðrum.

Þórarinn ræðir við Bergþór Ólason þingmann Miðflokksins. Rætt er um stöðu Miðflokksins, innflytjendamál, orkumál og menningu.

Hjörtur J. Guðmundsson er alþjóðastjórnmálafræðingur sem hefur undanfarið skrifað pistla um leiðtogakosningar Íhaldsflokksins í Bretlandi á ýmsum vettvöngum.

Í þættinum er rætt um þessar snörpu en mikilvægu kosningar en kjörinn leiðtogi verður sjálfkrafa forsætisráðherra Bretlands. Farið er stuttlega yfir sögu leiðtogavals Íhaldsflokksins, rætt um Brexit, ESB, "Rauða Múrinn" í norðri og fleira.