የኢትዮጵያ መከላከያ ሰራዊት የመቀሌ ከተማን ቅዳሜ፣ ኅዳር 19 ቀን፣ 2013 ዓ.ም ሙሉ ለሙሉ መቆጣጠሩ ተገልጧል። ትግራይ ውስጥ የሚደረገውን ውጊያ ተከትሎ በኢትዮጵያ ውስጣዊ እና ዓለም አቀፋዊ ፖለቲካዊ ሒደቶች ምን መልክ ሊይዙ ይችላሉ? ዋነኛ ተግዳሮቶቹስ ምንድን ናቸው? የእንወያይ መሰናዶ።

ኢትዮጵያ ዳግም ተመልሳ ስለጦርነት የሚወራባት ሀገር ከሆነች ከሳምንት በላይ ቀናት ተቆጠሩ። ፌደራል መንግሥት ወደ ጦርነት የገባው በሰሜን ዕዝ የሀገር ዳር ድንበር ሊያስከብር የተሠማራው ጦር  በትግራይ ክልል ኃይል ጥቃት ስለተፈጸመበት መሆኑን ይፋ አድርጓል።

የኢትዮጵያ ፌድራል መንግሥት እና የትግራይ ክልል በይፋ ጦርነት ውስጥ ገብተዋል። ለመሆኑ የጦርነቱ ዳፋ ምን ያህል ይከፋል? ጦርነቱ ኢትዮጵያን ወዴት ያደርሳታል? በዚህ ውይይት ጉዳዩን በቅርበት የሚከታተሉ ሶስት ባለሙያዎች ተሳትፈዋል።

የዉይይቱ ተሳታፊዎች የሰላም ሚኒስትርዋ የእንወያይ ሃሳብ እጅግ ተገቢ ነዉ እስከ መቼ ያሉ እንዳሉ ሁሉ፤ ህወሓት በሕግ ሊጠየቅ ይገባል ብለዉ የተከራከሩ አሉ። ከሁለቱ አስተያየቶች ወጣ ያሉት የዉይይቱ ተካፋዮች ደሞ፤ ሲጀመር የኢትዮጵያን ስቃይ ያበዛዉ ያለሕዝብ እዉቅና በህወሓት የተቀመጠዉ ሕገ-መንግሥት ነዉ፤ ሕገ-መንግሥቱ ይቀየር ብለዋል።