«የአስቸኳይ ጊዜ አዋጁ የተኅዋሲዉን ስርጭት ለመቀነስ ይህን ያህል ሚና ይጫወታል ብለን መዘርዘር ባንችልም፤ አደጋዉን ለመቀነስ ሚና እንዳለዉ እሙን ነዉ። በኤች አይቪ ላይ የሰራነዉ ስህተት የኮሮና ላይ ልንደግም አይገባም። የፖለቲካ ልዩነት የሚነሳበት ጊዜ አይደለም። ሁሉም በጥምረት በጋራ የሚሰራበት ጊዜ ነዉ» ተወያዮች ያነስዋቸዉ ነጥቦች ናቸዉ።

የኮሮና ወረርሽኝ ባለጸጋ ድሀ፣ ጉልበተኛ ደካማ፣ ሊቅ መሀይም ሳይል በዓለማችን በአስደንጋጭ ሁኔታ በፍጥነት መሰራጨቱንና የሰዎችን ሕይወት ማጥፋቱን ቀጥሏል። የኢትዮጵያ ዝግጅት እና የበሽታው ሥርጭት የዛሬው እንወያይ የሚያተኩርባቸው ጉዳዮች ናቸው።

የኢትዮጵያን የጤና አገልግሎት በቅርበት የሚያውቁ የሕክምና እና የማኅበረሰብ ጤና ባለሙያዎች ጣልያን፤ ቻይና እና ኢራንን የመሳሰሉ አገሮች ያመሰው የኮሮና ወረርሽኝ 110 ሚሊዮን ገደማ ዜጎች ባሏት አገር ቢስፋፋ የሚፈጠረው ቀውስ አስግቷቸዋል። 15 ሺሕ ገደማ ሰዎችን ለገደለው የኮሮና ወረርሽኝ ኢትዮጵያ እንዴት መዘጋጀት ይገባታል?

በኢትዮጵያ የፖለቲካ ለዉጥ እስኪደረግ ድረስ በሰብዓዊ መብት ጥሰት ሕግና ስርዓትን በማወክ ሰዎችን በማንገላታት የግል መገናኛ ዘዴዎችን በማፈን፤ የመናገር ነፃነትን በመገደብ ይወቀስ የነበረዉ መንግሥት ነበር። አሁን ደግሞ የተለያዩ የፖለቲካ፤ የጎሳ፤ የሃይማኖት ቡድናት ወይም ግለሰቦች ናቸዉ።

ለውይይት በቀረበው የጊዜ ሰሌዳ መሠረት ምርጫ ከተካሔደ ኢትዮጵያውያን ከስድስት ወራት ከአስራ አምስት ቀናት ገደማ በኋላ ተወካዮቻቸውን መርጠው መንግሥት ለመመሥረት ድምጽ ይሰጣሉ። ከዝናባው ክረምት ባሻገር የተካረረው የፖለቲካ ኃይሎች ቅራኔ ከእምነት እስከ ከፍተኛ የትምህርት ተቋማት የዘለቀው የጸጥታ ቀውስ ነፃና ፍትኃዊ ምርጫ ለማካሔድ ያስችላሉ?

በሺሕዎች የሚቆጠሩ የምርጫ አስፈፃሚዎች መልምሎ፤ አሰልጥኖ አሰማርቶ በክረምት ምርጫ ማካሔድ ምን ያክል ይሳካል? ለፖለቲካ ፓርቲዎች እና ምርጫውን ለሚከታተሉ የሲቪክ ማኅበራትስ ምን ፈተና ይዞ ይመጣል? የኢትዮጵያ ወቅታዊ ጸጥታ እና መረጋጋት በእርግጥ ምርጫ ለማካሔድ ያስችላል?