今集要講嘅書係《人類學家的無政府主義觀察》，所以喺開頭嘅時候，會講下我所觀察到嘅消費劵使用頻率，而消費劵嘅目的，可能比你我諗嘅仲要深遠。

喺早幾集我哋講到《成功的反思》，可以見到一個社群主義者點樣以哲學嘅方式去審視政府同人民、才知者同非才知者嘅對立。而《人類學家的無政府主義觀察》除咗同樣揭示政府同人民嘅對立，更以此顯示秩序同混亂嘅對立，將秩序嘅井然、死板，混亂嘅創新、不堪一一道來，以一個中立嘅視角陳述各自嘅利弊，以嘗試尋求政府同人民嘅平衡點。

邀請你同牛哥一齊，戴上作者嘅「實踐中嘅無政府主義」嘅眼鏡，去用作者所觀察到嘅一塊又一塊碎片，去拼湊出一幅屬於你自己嘅無政府主義式生活嘅心態。

希望聽到最後嘅時候，你能夠感受到我所感受到嘅「我們最幸福」。

（正文由07:08開始）