今集，係第五十集牛哥講經，aka五十集而自述，感謝你一路以嚟嘅陪伴。我喺IG邀請聽眾提議我喺第五十集講咩，收集咗幾個回應，作為牛哥講經嘅傳統，就當然要將幾個睇落唔相近嘅回應去貫穿。結果，我決定用《蘇菲的世界》去貫穿呢一集。呢本書可謂給予我讀哲學嘅初心，當我今日重讀呢本書，好似回憶起當日第一次睇哲學嘅自己。內容包括：

・《蘇菲的世界》一開始問到「你是誰？」、「世界從何而來？」，呢兩個簡單嘅問題，展示住哲學嘅關懷

謹此感謝讀書組嘅朋友，無你哋同我一齊讀書，我寫唔出呢一集。

等我哋用一個鐘嘅時間，進入《蘇菲的世界》。

內容提要：

哲學係屬於每一個人，而每一個人都需要哲學，因為哲學本來係要解決每一個人都應該要去思考嘅問題，就係人要點樣存活喺呢個世界、看待呢個世界。

「讀過其他人的想法，多少能幫助我們建立自己的生命觀。」

好奇令人唔習以為常，開放令人擁有可能性，承認自由令人有真誠嘅機會。呢個，就係哲學嘅態度。

記住，一加一唔會因為喺希特拉口中講出嚟就變咗虛假，良知唔係因為王陽明講而真實，真實與否係自己體認、感受返嚟

所以，哲學遙唔遙遠？從文化嚟講，佢代表住人類嘅悠長思考，就算人類文明喺二千年前主要係各自發展，佢哋都同樣由好奇心出發去疑問世界、疑問自我。從生活嚟講，哲學就係你我初心嘅基石。我認為牟宗三講得好好......