相信去慣日本嘅香港人嚟講，一講到日本，即刻就會諗到拉麵、阿媽家姐(omakase)、富士山。當然一定唔少得每月都有嘅天神祭之類嘅祭典，每年都吸引唔少旅客到此觀賞，因為係一個好代表到日本當地文化嘅活動之一。

番番嚟香港，我哋都一定有唔少嘅文化活動啦，都比日本唔差得去邊嘅！例如之前個發光蛋活動啦，佢...佢好似同香港文化冇咩關係..

(重新嚟過)

例如之前個白色花海活動啦，佢可以... hmm... 佢可以表達到香港清明時候去掃墓個感覺啦，等等，好似唔係好啱..

呀！有！例如之前個珍寶海鮮舫啦，佢係一部乘載住古色古香嘅海上酒樓啦。你話咩話？依家唔叫海上酒樓，叫海底酒樓？仲要潛水先去到？！唔係掛！

呀！！！！！ 我諗唔到啦！！到底！ 到底香港依家仲有咩先係我哋自己香港文化嘅活動呀？？？？唔通我哋只係得依啲黑色幽默成為我哋香港文化嘅一部分？我唔要呀！！