留言告訴我你對這一集的想法： https://open.firstory.me/user/ckj14v8uxb9y708635lyqkgxo/comments
真歡喜邀請臺語台台長呂東熹、製作人黃培育，歌手張雅淳做陣來節目分享《咱的歌》台語囡仔歌專輯佮1/28的專輯發佈會活動。
＊＊＊＊＊＊＊＊＊＊＊＊＊＊＊＊＊＊＊＊＊
＊《咱的歌》：台語囡仔歌專輯發佈會＊
＊01/28 (日）下晡 1點｜四四南村 ＊
＊ 市集｜12:30，舞台｜13:00 ＊＊＊＊
＊＊＊＊＊＊＊＊＊＊＊＊＊＊＊＊＊＊＊＊＊
這幾年台灣受著「抖音」ê影響，咱ê少年家使用華語ê腔調竟然出現刁工的「捲舌音」，予原本就面對危機的台語閣較是「水鬼夯重枷」。
好加在，有真濟堅持ê母語工作者，用各種方式創作並且提供囡仔的需求，包括這擺，公視台語台邀請全台灣所有對母語、對音樂有熱情ê朋友，作伙來寫台語囡仔歌，
創造出屬於台灣這片土地家己ê歌謠，予原本就真少ê台語囡仔歌，數量會當增加，題材會當創新，
《咱的歌-台語囡仔歌創作專輯》邀請三位金牌音樂製作人，黃培育、柯智豪、曾仁義，𤆬領入選者進入專業的音樂製作，
閣有臺文專家白聆、王秀容提供台文的專業協助，透過共同討論、重新編曲配唱，為入選作品量身打造專屬風格，發行專輯。

1月28，禮拜！將欲佇四四南村舉行《咱的歌》專輯發佈會，現場有入選的九組優秀創作者現場演唱專輯收錄的歌，嘛有濟濟台語市集！
包括
公視台語台、台灣月琴民謠協會、牽囡仔ê手 行台語ê路、李江却台語文教基金會、台灣母語聯盟、
新竹市本土語推廣協會、聲五洲布袋戲團、昊天嶺文史工作室、彰化縣台灣語文研究推廣協會(彰化台文協會)、sNug給足呵護

1月28，中晝12點半開始，歡迎樓頂招樓跤，阿母招阿爸，囡仔姊招囡仔兄，同齊來 #咱的歌專輯發佈會 ，好聽！好耍！好踅！

Powered by Firstory Hosting