【That’s OR 講開又講｜S2 EP7】籌備足足一年｜From Zero to Pilot｜震撼求婚計劃揭盅｜男友背住我考機師牌｜仲癲到買埋飛機｜九年愛情長跑故事分享《One Night Talk》（11.6.2025）主持：Sophie｜Jessie〔Sophie’s Update〕 💍 I SAID YES ✨求婚當日，比人矇晒眼、戴住耳機，賣豬仔咁搬咗我上飛機，一開眼罩嗰刻，未婚夫就捉住我隻手一齊推操縱桿，望住架飛機慢慢起飛，成件事好唔真實，我第一個反應其實係「你係咪真係識揸㗎」😂個心定落耐之後先開始欣賞到高空望落去嘅優美風景，同時覺得身旁呢位機師真係幾型仔😍慶幸天公做美，land之前見到超靚嘅夕陽，粉紅色嘅晚霞💕✨我哋喺Harrison一間Resort 到降落，原來未婚夫一早約咗成班朋友喺場地到集合，多謝大家幫手佈置，佢知我鍾意小丸子，預備咗好多小丸子紙牌，仲有玫瑰花瓣鋪喺地下做decoration，非常夢幻❤求婚成功後我哋就入屋BBQ慶祝，度過愉快嘅一晚～✨其實呢單野確實非常「勞民傷財」，多謝成班朋友賞面出席，大家都各司其職，令到成件事非常之完美，多謝大家令我嘅求婚經歷刻骨銘心，尤其係未婚夫費盡心思，送比我一個獨一無二嘅體驗💖PS 我份人係好鍾意去旅行睇風景，但一直都好驚搭飛機，每次起飛都要捉實同伴隻手，有次同未婚夫飛，佢安慰我話其實飛機意外機率係低過汽車好多，我就話「如果係你揸我就安心啲啦」嗰陣當然係講笑，估唔到若干年後，佢真係實現到呢個小小嘅夢想～SO PROUD OF HIM！佢嘅堅毅帶俾我動力，令我希望可以同佢一齊成長一齊進步，我諗呢個就係兩個人喺埋一齊嘅意義啦(˶‾᷄ ⁻̫ ‾᷅˵)Sorry今集冇咩Jessie嘅戲分，踏入人生新階段，太多野想講，下集再同大家update Jessie嘅近況😛📅 星期四晚上 7 點半Spotify / Apple Podcast 見！#ThatsOr講開又講#廣東話Podcast#溫哥華生活#異地再講#遠距離Podcast#一個溫哥華一個香港加入ONT討論台 與主持展開激情對話：t.me/onenighttalk604linktr.ee/Onenighttalkwww.threads.net/@onenighttalk604