係依個資訊同網絡超方便嘅時代，你基本上唔需要出街就可以睇到曬唔同地方嘅盛事，係網上就己經有好多直播現場直播依啲盛事，甚至可能一蚊都唔洗洗，最多硬食幾個廣告就搞掂。

的確，就經濟同方便而言，睇直播可能係最好；但有時「親身體驗」依四個字都好重要! 親身洗幾千蚊買張飛、親身去排幾個鐘入場、親身過去賽場體驗氣氛、坐係坐位上曬到懷疑人生。

無論經歷係好好定麻麻地，都係自己用雙眼睇過、雙腳行過、雙手試過，最最最重要係同隔離果位一齊經歷過，種種唔同嘅親身體驗，又點可以係直播上體驗到呢?