「快啲，八千轉，兩米車」

「阿叔，我依部車自動波嚟喎，我又唔係余文樂同黃秋生。」

雖然我哋作為道路使用者嘅老海鮮，香港嘅道路設計差依回事就已經唔係啲咩新鮮事啦，有人仲搞笑話你揸得掂香港條路，咁全世界都揸得到！

不過，對有啲啱啱考到車牌嘅小朋友就唔同，突然要面對好多決定，包括要係5米内諗掂要唔要切線、唔可以開太慢會比人呠、各種放置唔合適的路牌之類，好似連新手村都未出就要打最終Boss咁。

而咁啱得咁蹺，就有位啱啱考到牌嘅P牌主持人同大家分享自己「胖佬」咗幾多次，學車師傅又點面對依位「學霸」？