Era actualitat dera Val d'Aran en aranés. Ua naua pana telefonica, era tresau enguan, a deishat sense servici pendent 24 ores as usatgèrs d'Orange e Vodafone en Aran e Alt Àneu. Tecnics dera CHE avaluaran aguest mès d'octobre er estat der arriu Garona ath sòn pas per diuèrsi pòbles dera Val d'Aran dempús qu'eth CGA damanèsse un plan urgent d'acondicionament der arriu.

Aué, "En cimalh dera lengua nòsta" ath torn dera senténcia deth TSJC qu'anullaue bona part deth decret tà blindar eth catalan, e de retruc er aranés, coma lengua veiculara enes aules.

Era actualitat dera Val d'Aran en aranés. 8 associacions de Les, en Quate Lòcs, convòquen ua manifestacion tà diuendres damb eth lèma "Lheuem era votz per Gaza". En Institut d'Ostalaria de Les eth cors a començat damb ua naua propòsta educativa, un cicle formatiu de grad miei de Suenhs Auxiliars d'Infermeria. Entà conèisher de prumèra man aguestes nauetats qu'auem visitat era Escòla.

Era actualitat dera Val d'Aran en aranés. Era valoracion der ostiu damb eth conselhèr de Torisme, Josep Canut, e es propòstes de tardor com es jornades de codina "Mar e montanha". Tanben era inauguracion dera delegacion der Institut d'Estudis Aranesi - Academia Aranesa dera Lengua Occitana (IEA-AALO), que se plaçarà laguens der Institut d'Estudis Catalans en Barcelona.

Era actualitat dera Val d'Aran en aranés. Era visita oficiau dera conselhèra d'Igualtat e Feminisme dera Generalitat de Catalunya, Eva Menor, tà tractar deth traspàs des competéncies. Eth manifèst de Lengua Viua damb motiu deth Dia Europèu des Lengues e eth prumèr capitol d'"Er hiu der Archiu" en collaboracion damb er Archiu Generau d'Aran.

Era actualitat dera Val d'Aran en aranés. Aué, es tresaus jornades de Natura de Bossòst, eth projècte Migrabat de seguiment d'arrates-caudes menaçades qu'a localizat dues naues espècies que non s'auien vist jamès ena Val d'Aran e es marmòtès, qu'ena val d'aran se pòden caçar. Tanben era actualitat esportiua d'aguesti dies damb eth fotbòl coma protagonista.

Era actualitat dera Val d'Aran en aranés. Eth detalh deth darrèr plen deth CGA en que s'aprovaue ua declaracion de supòrt damb era poblacion de Gaza, en aguest sens Torisme Val d'Aran a deishat de trabalhar damb touroperadors israelians. 'La ecuacion que resuelve el enigma' ua òbra de ficcion escrita per Samuel Baeza, a on ua part dera accion se place en Bossòst. E eth 'Cimalh dera Lengua Nòsta' ath torn der emplec des lengues oficiaus e non oficiaus en Congrés. Eth deputat Jorge Pueyo.

Era actualitat dera Val d'Aran en aranés. Era Infinite Race Val d'Aran a barrat era dusau edicion damb un rècord de participants e damb un guanhador Jordi Boixeda que completaue 36 torns.

Era actualitat dera Val d'Aran en aranés. Eth detalh deth plen der Ajuntament deth Naut Aran deth passat 18 de seteme en que se cedís ath CGA un locau en Salardú entà que destine a parc auxiliar de pompièrs o punt operatiu permanent. Tanben vos parlam de nauetats en estudi deth permafròst en Pirenèu. Es prumèri resultats mòstren qu'aguest permagèu ei fòrça mès complèxe, diuèrs e dinamic de çò que se pensaue enquia ara.

Era actualitat dera Val d'Aran en aranés. Mès de 200 estatges toristics deth Naut Aran non pòden anonciar-se enes plataformes digitaus pr'amor que non complissen damb toti es requisits entà figurar en nau registre de loguèr d'estatges toristics. Es integrants de Sarabat an passat peth programa tà parlar deth 3au disc deth grop, "Moria quin sarabat", qu'an presentat en dirècte aguest ostiu.

Era actualitat dera Val d'Aran en aranés. Er rotenona, un biocida naturau tà eliminar peishi invasors, s'a començat a aplicar ena zòna de Tres Estanhs, en Palhars Sobeiran dempús de comprobar era sua efectivitat en estanh de Manhèra. Torne eth fotbòl damb era Copa tàs equips aranesi. Abans de començar era liga parlam damb eth president dera UE Bossòst, Miguel Almansa.