euroradio.fm

Ірэна Кацяловіч. Як сістэмна ратаваць беларускую культуру ў эміграцыі by Euroradio

Аляксандр Класкоўскі. “Трушны” Ціханоўскі і абяцанні Лукашэнкі пабудаваць другую АЭС. Што адбываецца? by Euroradio

Юрыстка Вольга Карпушонак, якая абвінаваціла Паўла Латушку ў харасменце і знікла, знайшлася. Магчыма, у Бразіліі. Сама яна вырашылася на свой супярэчлівы дэмарш, ці нехта кіруе яе дзеяннямі — пакуль не ясна.

А вось дыпламат і былы лукашэнкаўскі чыноўнік Анатоль Котаў знік — ды так пакуль і не знайшоўся. Што стаіць за знікненнямі праціўнікаў Лукашэнкі — і, калі гэта працуюць беларускія спецслужбы, чым гэта ўсё можа працягнуцца і скочыцца?

Размаўляем пра гэта з палітолагам, сябрам "Вольнай Беларусі" Паўлам Усавым. Таксама закранем саміт ШАС, які прайшоў у Кітаі, і новае расчараванне Трампа (што праўда, гэта ізноў Пуцін)

Беларускі Кітай і Латушкавы "дамагальніцтвы" — Еўразум за 2 верасня | Новости Беларуси за 2 сентября by Euroradio

"Краіна для жыцця" — адна з самых вядомых беларускіх арганізацый, што пачалі працаваць на хвалі 2020 года. Яе назва непарыўна звязаная з Сяргеем Ціханоўскім.

Як яго вызваленне змяніла працу КДЖ? Якімі праектамі ўвогуле займаецца фонд — акрамя ютуб-канала, які навідавоку? Як арганізаваная праца Міжнароднага гуманітарнага фонда, у праўленне якога ўваходзіць "Краіна для жыцця", і ці маюць рацыю тыя, хто кажа пра "манапалізацыю" дапамогі палітвязням?

Размаўляем з каардынатарам фонду "Краіна для жыцця" Вячаславам Жукавым.

Лукашэнка захацеў пабудаваць Кітай у Беларусі, пераняўшы палітычны досвед Паднябёсай. І рабіць з “глабальнага простае” — гэта, на яго думку, галоўная фішка кітайскага поспеху ў свеце.

Па словах беларускага кіраўніка, нашу краіну цікавяць як поспехі кітайскага вайскова-прамысловага комплексу так і вытворчасць тавараў народнага спажывання. Дарэчы, апошнія — галоўныя канкурэнты на расійскім рынку: праз іх зніжаецца экспарт Беларусі ў Расію і айчынныя тавары сумуюць на складах, пакрываючыся пылам.

Ці стане Беларусь Кітаем і як насамрэч выглядаюць беларуска-кітайскія адносіны — абмяркоўваем з эканамічнным аглядальнікам выдання “Беларусы і рынак” Андрэем Махоўскім.

Чарговы верасень для многіх з нас пачынаецца не толькі з лекцый, але яшчэ і з пытанняў. У Польшчы абмяркоўваюць новыя правілы легалізацыі дакументаў, якія тычацца беларусаў, што плануюць вучыцца за мяжой. Ці стане прасцей паступаць у мясцовыя ўніверсітэты?

Пагаворым і пра тое, у якіх умовах пачынаюць навучальны год студэнты ў Беларусі.

У эфіры Еўрарадыё — прадстаўніца АПК па моладзевай палітыцы і студэнцтве Маргарыта Ворыхава.

Беларускі рэжым усё часцей глядзіць на ўсход: не толькі на Маскву, але і на Пекін. Сустрэча Лукашэнкі з Сі Цзіньпінам у Кітаі паказала — кіраўнік дзяржавы адкрыта кажа пра жаданне вучыцца ў "старэйшага брата". Мудра, акуратна, без рэвалюцый — так, як у Кітаі. І гаворка тут не толькі пра эканоміку ці інвестыцыі, але і пра палітычную мадэль.

Кітай прапануе супрацоўніцтва ў навуцы, тэхналогіях і прамысловасці. Лукашэнка ж, здаецца, бачыць у гэтым яшчэ і гатовы "рэцэпт" для Беларусі — ад індустрыяльных паркаў да таго, як утрымаць сістэму без зменаў.

Дык што насамрэч стаіць за гэтым збліжэннем: прагматызм, стратэгія ці чарговая залежнасць?

Пра гэта і не толькі ў эфіры Еўрарадыё размаўляем з палітычным аглядальнікам Арцёмам Шрайбманам.

Кітайскі сусвет, расійскія макароны і гісторыя вялікага кахання — Еўразум за 1 верасня | Новости Беларуси за 1 сентября by Euroradio

У беларускім інфармацыйным полі зноў бурліць! Гэтым разам у цэнтры скандалу апынуўся Павел Латушка, які днямі распавёў, што атрымаў пашпарт Новай Беларусі. Сябра Каардынацыйнай рады Вольга Карпушонак абвінаваціла кіраўніка НАУ ў “ціску, гвалце і сексуальным дамаганні”. Сітуацыя вельмі заблытаная — палітык абяцае, што будзе абараняць сваю рэпутацыю ўсімі магчымымі метадамі.

Тым часам з’явіліся новыя звесткі пра былога паплечніка Паўла Латушкі — Анатоля Котава. Паводле крыніц турэцкай паліцыі, палітактывіст, якога шукаюць ужо амаль два тыдні, сплыў з Трабзона на прыватнай яхце — у кірунку Сочы. Дзе ён цяпер — загадка.

Між іншым лідарка дэмсілаў Беларусі Святлана Ціханоўская, сустракаючыся з міністрамі замежных спраў ЕС, адзначыла, што сёння падтрымку дэмакратычнай Беларусі варта разглядаць як інвестыцыю ў бяспеку ўсяго кантынента.

Ці пачынаюць у Бруселі сапраўды так успрымаць беларускі кейс, і што гэта можа значаць для адносін паміж Мінскам і Масквой?

Пра ўсё гэта і не толькі ў жывым эфіры Еўрарадыё размаўляем з юрыстам і адвакатам Міхаілам Кірылюком.