euroradio.fm

Апазіцыянер Зянон Пазняк прапанаваў правесці мірныя перамовы проста ў Мінску і нават падумаць пра зняццё санкцый.

Што стаіць за гэтай ідэяй і ці можа яна стаць рэальнасцю?

Пра гэта і не толькі ў жывым эфіры Еўрарадыё разважае палітык Анатоль Лябедзька.

Таксама паразмаўляем пра тое, чаго чакаць беларускаму дэмакратычнаму руху ад фэйкаў, накіраваных на яго знішчэнне, і новай кааліцыі ў Літве.

Ці не прыйдзецца Святлане Ціханоўскай “збіраць валізкі” і пры чым тут Сяргей Ціханоўскі?

Акрамя таго ўзгадаем знікненні першага віцэ-спікера Вярхоўнага Савета Беларусі ХІІІ склікання, старшыні Цэнтральнай выбарчай камісіі Віктара Ганчара і бізнесоўцы, грамадскага дзеяча Анатоля Красоўскага.

Чаму рэжым баіцца сваіх былых з сістэмы і ці варта быць асцярожнымі тым, хто быў у ёй не так даўно (ці яшчэ знаходзіцца)?

31 жніўня ў Кітаі прайшоў саміт Шанхайскай арганізацыі супрацоўніцтва, дзе сабраліся кіраўнікі дзяржаў-удзельніц, уключаючы Аляксандра Лукашэнку. Падчас мерапрыемства абмяркоўваліся ключавыя пытанні рэгіянальнай бяспекі, эканамічнага супрацоўніцтва і ўзмацнення ўплыву арганізацый Усходу ў свеце. Паездка Лукашэнкі ў Пекін выклікала цікавасць экспертаў: якое месца Беларусь займае ў гэтай геапалітычнай гульні і як змяняецца яе стратэгія?

У той жа час, на міжнароднай арэне ўзніклі вострыя пытанні. Прэзідэнт ЗША Дональд Трамп адмовіўся ад перамоў паміж Расіяй і Украінай, што можа моцна ўскладніць пошук стабільных шляхоў урэгулявання канфлікту. У Йемене хусіты затрымалі 11 супрацоўнікаў ААН, падрываючы гуманітарныя намаганні, а Вялікабрытанія абвясціла пра намер прызнаць Палестыну, што адкрывае новую старонку ў блізкаўсходняй палітыцы.

Падрабязней пра гэта гаворым з кандыдаткай гістарычных навук Розай Турарбекавай.

Новы сорт бульбы і недахоп медсясцёр — Еўразум за 29 жніўня | Новости Беларуси за 29 августа by Euroradio

Беларускія лякарні быццам бы працуюць у звыклым рытме — палаты не пустуюць, дактары на ​​месцах, статыстыка выглядае нібы прыстойна. Але за гэтымі лічбамі — стомленыя твары тых, хто вымушаны сумяшчаць адразу некалькі ставак, і маўклівыя прабелы ў справаздачах. З 2020-га года дзяржава перастала адкрыта публікаваць звесткі пра медсясцёр, але сёння мы ведаем: з прафесіі пайшлі дзясяткі тысяч спецыялістаў, а іх месца спрабуюць закрываць студэнтамі і інтэрнамі.

Што насамрэч адбываецца ў сістэме аховы здароўя? Чаму маладыя медсёстры не затрымліваюцца ў прафесіі, а дасведчаныя сыходзяць? Якія рэальныя захады маглі б спыніць кадравы абвал?

Пра гэта ў эфіры Еўрарадыё гаворым з доктарам і намеснікам прадстаўніцы па сацыяльнай палітыцы АПК Станіславам Салаўём.

Офіс Святланы Ціханоўскай, Аб'яднаны пераходны кабінет, Каардынацыйная рада, Народнае антыкрызіснае ўпраўленне, "Вольная Беларусь", "Еўрапейская Беларусь", "Форум дэмакратычных сіл", Агенцтва еўраатлантычнага супрацоўніцтва, (спіс можна працягваць) — палітычныя структуры ў выгнанні, якія прадстаўляюць беларусаў і іх інтарэсы ў высокіх кабінетах на Захадзе. Часта яны знаходзяцца ў апазіцыі адно да аднога альбо да руху вакол Святланы Ціханоўскай і лічаць сваю дзейнасць самай правільнай у цяперашнім кантэксце, калі Лукашэнка толькі ўмацоўвае ўладу, утапіўшы краіну ў рэпрэсіях і выпхнуўшы за мяжу сотні тысяч апанентаў.

Але ці трэба нам столькі прадстаўнікоў? І пры вырашэнні якіх пытанняў беларусам сапраўды патрэбна дапамога пасярэднікаў? Якія ініцыятывы неабходныя ў эміграцыі? Пра гэта размаўляем з блогерам і палітычным актывістам Аляксандрам Кныровічам. Закранем і галоўнага бульбазнаўцу краіны.

Хто ў сям'і мусіць мыць посуд? — Еўразум за 28 жніўня | Новости Беларуси за 28 августа by Euroradio

Падчас камандзіроўкі ў Магілёўскую вобласць Лукашэнка жорстка раскрытыкаваў “таргашоў”: кіраўнік Беларусі патрабуе, каб гандлёвыя сеткі цалкам падпарадкаваліся дзяржаўным задачам — ад коштаў да напаўнення паліц.

Ключавое даручэнне — ад 1 кастрычніка ніякай "амерыканскай гадасці" ў Mak.by, толькі беларуская бульба і катлеты.

Але бульба — не адзіная страва ў гэтым меню. Беларусь стала галоўным пакупніком расійскіх макаронаў: сюды ідзе трэць усяго экспарту. Пра тое, што гэта значыць для нашага рынку і чаму залежнасць ад імпарту толькі расце — пагаворым з магістаркай эканомікі Алісай Рыжычэнка.

А яшчэ абмяркуем кітайскі рынак, дзе Беларусь ужо губляе пазіцыі — ад драўніны да курыных лапак. Якія рызыкі гэта нясе для бюджэту і што ўсё гэта значыць для нас?

28 жніўня ў эфіры Еўрарадыё — музыка, спявак, актор Зміцер "Vinsent" Папко.

Мы павінны нарэшце зразумець, што быць прыхільнікам дэмакратычных каштоўнасцяў і суверэннай Беларусі недастаткова. Без нацыянальных складнікаў, без усведамлення важнасці для нас, як для нацыі, вяртання сабе сваёй мовы, гісторыі мы не пабудуем сапраўды незалежнай і моцнай дзяржавы. Бо моцнай дзяржава можа быць толькі ў тым выпадку, калі яна будзе стаяць на нацыянальным падмурку, перакананы Зміцер "Vinsent" Папко.

Пра тое, чаму беларусы так насцярожана ставяцца да моўнага пытання і чаму мова для нас важная, як музыка ўплывае на свядомасць і ці магчымая перамога над рэжымам мірным шляхам, без крыві, мы і разважаем у праграме “Ідэя Х” са Змітром "Vinsent" Папко.

Мінула 2 тыдні з моманту званка Трампа Лукашэнку, а беларускія палітвязні так і не выйшлі на волю. То бок, спачатку самалёты кампаніі "Белавія" паляцяць у Еўропу і толькі тады на мяжу пойдуць аўтобусы, у якіх будуць і Мікалай Статкевіч, і Сцяпан Лантыпаў, і Віктар Бабарыка, і Марыя Калеснікава? Ці іх сярод вызваленых не будзе? І якая краіна пагадзіцца прыняць 1300 чалавек?

Гэта ды іншае абмяркоўваем з гісторыкам і палітычным аглядальнікам Аляксандрам Фрыдманам.

Турчын і "асцярожны аптымізм" — Еўразум за 27 жніўня | Новости Беларуси за 27 августа by Euroradio