euroradio.fm

Словы Святланы Ціханоўскай пра тое, што “ў Еўрасаюза няма ніводнай прычыны аслабляць санкцыі альбо ісці на перамовы з Лукашэнкам, бо рэпрэсіі працягваюцца”, выклікалі крытыку з боку экс-дыпламата і кіраўніка Агенцтва еўраатлантычнага супрацоўніцтва Валерыя Кавалеўскіага. Які перакананы, што менавіта “заігрыванні” Вашынгтона з Лукашэнкам прывялі да вызваленняі шэрагу палітвязняў. І такімі словамі далейшыя перамовы і вызваленні можна сарваць.

Ці сапраўды галоўнай мэтай сустрэчы прадстаўніка адміністрацыі Трампа Келага з Лукашэнкам было пытанне палітвязняў і як моцна ўвогуле хвалюе гэтая тэма Вашынгтон? Што перашкаджае Еўрасаюзу пайсці тым жа перамоўным шляхам, якім ідзе Вашынгтон? Ці сапраўды Трамп можа “адным словам” прымусіць Лукашэнку вызваліць палітвязняў?

Тэма: Каму пяройдзе дарогу Ціханоўскі? — Еўразум за 27 чэрвеня | Новости Беларуси за 27 июня by Euroradio

Па вызваленні з-за кратаў Ціханоўскі з месца ў кар'ер пачаў удзельнічаць у палітычных івэнтах. Якое месца ён зойме ў камандзе Ціханоўскай і ці не займае цяпер гэтае месца хто-небудзь яшчэ? Абмяркуем гэта ў стрыме з блогерам і палітыкам Аляксандрам Кныровічам.

Чаму Лукашэнка вызваліў Ціханоўскага і як дамагчыся, каб вызваленні не спыніліся? Навошта насамрэч Пуцін прыляцеў у Мінск? Чым народная любоў да "бацькі" адрозніваецца ад народнай любові да "daddy"? Гэта ды іншае абмяркоўваем у жывым эфіры а 15-й па мінскім часе.

Ідэя з'явілася пяць гадоў таму, але рэалізавала я яе толькі цяпер, — распавядае Еўрарадыё намесніца ўпаўнаважанага па сацыяльнай палітыцы АПК Юлія Міцкевіч.

Размова пра форум, які прысвечаны жаночаму лідарству (у тым ліку і ў палітыцы), а таксама — гендарнай роўнасці. Мерапрыемства прайшло ў Швецыі на міжнародным узроўні і выклікала шмат спрэчак.

Што здарылася? Больш падрабязна пра гэта гаворым у эфіры Еўрарадыё.

Пра што Келаг і Лукашэнка размаўлялі 6 гадзін — Еўразум за 26 чэрвеня | Новости Беларуси за 26 июня by Euroradio

Еўразвяз рыхтуе новы пакет санкцый, у выніку чаго банкаўскія аперацыі з Беларуссю могуць цалкам спыніцца. А як гэта ўдарыць па беларусах?

Пра гэта і не толькі ў эфіры Еўрарадыё размаўляем з дырэктарам Агенцтва еўраатлантычнага супрацоўніцтва Валерыем Кавалеўскім.

Таксама абмяркуем апошнія гарачыя навіны: вызваленне палітвязняў, сустрэчу неабыякавых беларусаў, саміт ЕАЭС у Мінску з удзелам Пуціна, вучэнні ў рамках ШАС і многае іншае.

26 чэрвеня ў эфіры Еўрарадыё — заснавальніца і фронтвумэн гуртоў “Hangover in Minsk” і “Dymna Lotva” Кацярына Манкевіч.

Не правыя тыя, хто наракае на амаль поўную адсутнасць у беларускім фальклоры бесклапотна-вясёлых песень. Але справа ў тым, што гістарычны лёс у нашага народа такі, што і весялосці не было — адкуль у спевах узяцца. Тым не менш, мы, спяваючы свае гаротныя песні, выжылі. І працягваем выжываць. Насуперак усім тым, хто марыць нас знішчыць. І таму можна з упэўненасцю сказаць, што менавіта ў гаротнасці нашых песень — наша сіла, перакананая Кацярына Манкевіч.

Пра тое, як звязаныя беларускі фальклор і беларускі блэк-метал, чаму для нас так важна захаваць сваю мову і культуру, а таксама пра тое, ці не быў 2020 год памылкай, мы і разважаем у праграме “Ідэя Х” з Кацярынай Манкевіч.

Ён знік у ліпені 2023 года. Ніякіх справядлівых судоў, бясконцыя месяцы без сувязі з блізкімі, цемра турэмных камер. Журналіст Ігар Карней, чые тэксты заўсёды былі вострымі, апынуўся за кратамі — у статусе "экстрэміста", у поўнай ізаляцыі.

Цяпер Ігар на волі. Разам з ім вяртаецца і яго голас — той самы, з якім мы заўсёды разумелі, што такое годнасць і журналістыка.

У эфіры Еўрарадыё мы размаўляем пра жахі беларускага рэжыму, самотнасць у турмах і тое, як не звар’яцець там, куды не даходзяць лісты ды бандэролькі.

Што азначае “выжыў”, калі штодня рыхтаваўся да горшага? Як цяпер аднаўляцца? Як прайшрў эфір на ОНТ і ці варта падзяляць беларусаў на “пратасевічаў” ды “латыпаваў”? Што сёння казаць тым, хто яшчэ там, у беларускай цемры — “бяжыце” ці “малайцы, што не з’яжджаеце”?

Гэта размова не пра тое, што было калісці даўно, але пра тое, што адбываецца ў нашай краіне проста цяпер — балючае, але вельмі важнае.

Нічога не скончылася.

У 2020-м Наталля Дуліна была дацэнткай кафедры італьянскай мовы ў лінгвістычным універсітэце. Падчас пратэстаў яна спрабавала абараніць студэнтаў — увосень яе звольнілі, у 2021 годзе некалькі разоў кідалі ў ізалятар, а ў 2022-м вырашылі пасадзіць надоўга.

Для Еўрарадыё гэтая гісторыя — асабістая: у віну Дулінай закінулі інтэрв'ю, якое выйшла на нашым ютуб-канале. Ці шкадуе выкладчыца пра тую размову? Ці дараввла нам? Што сёння рабіла б не так, як раней? Як сядзяць "экстрэмісткі"? І што будзе далей?

Размаўляем пра гэта з палітзняволенай, якая выйшла з-за кратаў пяць дзён таму

Беларус ідзе пешшу ў Чарнагорыю на гульню "Дынама-Брэст" — Еўразум за 25 чэрвеня | Новости Беларуси за 25 июня by Euroradio