euroradio.fm

19 чэрвеня ў эфіры Еўрарадыё — спявачка, паэтка, удзельніца сямейнага гурта “Бартосікі” Юстына Карпіловіч.

Мы знаходзімся ў сітуацыі, калі нам не стае беларускасці, акрэсленасці нашай ідэнтычнасці. Мы хочам быць беларусамі, але часам гэта вельмі балюча. Бо мы сутыкаемся з пэўнымі невызначанасцямі нашай ідэнтычнасці і таго, што такое быць беларусам, і знаходзімся ў стане неразумення таго, навошта нам гэта вызначанасць патрэбная. Але некалі мы ўсё нявызначанае для сябе акрэслім, сфармулюем і боль пройдзе, перакананая Юстына Карпіловіч.

Пра тое, як не згубіцца ў эміграцыі, ці гатовая моладзь вярнуцца ў Беларусь і адбудоўваць Айчыну і навошта нам сёння “чапляцца” за беларускую мову, мы і разважаем у праграме “Ідэя Х” з Юстынай Карпіловіч.

У ноч на 19 чэрвеня Уладзімір Пуцін даў самы маштабны і рэзанансны каментар за апошнія месяцы, сустрэўшыся з кіраўнікамі сусветных інфармагенцтваў. Ён заявіў, што Расія хоча як мага хутчэй завяршыць канфлікт ва Украіне, але тут жа агучыў ультыматыўныя ўмовы, выключыўшы любыя саступкі.

Са слоў Пуціна, ён гатовы сустрэцца з Зяленскім, але на гэтай сустрэчы трэба паставіць кропку.

Не абышлося без пагроз Кіеву — "сітуацыя для Кіева будзе пагаршацца".

Таксама Пуцін адкрыта прызнаў, што ў Масквы і Мінска ёсць рознагалоссі — і па ваенных, і па палітычных пытаннях, — але даў зразумець, што саюзны фармат будзе толькі ўмацоўвацца.

Больш падрабязна пра тое, якія сігналы пасылае Крэмль усяму свету, гаворым з філосафам і палітолагам Пятром Рудкоўскім.

3 ліпеня ў Варшаве акцёр Павел Гарадніцкі прэзентуе свой монаспектакль “Мужчыны плачуць”, у аснову якога леглі вершы паэта Мікіты Найдзёнава.

“Ідэя даць гэтым вершам загучаць у спектаклі не давала мне спакою даўно, і вось час настаў”, — кажа Павел.

“Мужчыны плачуць” — не першая сольная праца Паўла з эміграцыі. Дагэтуль акцёр ездзіў па Еўропе з монаспектаклем “Паслязаўтра будзе заўтра” — рэальнай гісторыяй беларускага палітзняволенага, якая расказвае пра выжыванне ў няпростых умовах, чалавечнасць і надзею, якiя немагчыма адабраць.

Чаму Паўла прывабіў жанр монаспектакля, чым жывуць беларускія акцёры ў эміграцыі, якія тэмы ад беларусаў цікавыя замежнікам і як на Паўла-акцёра ўплывае Павел — музыка-гура РСП?

Гэта ды іншае абмяркоўваем з Гарадніцкім у жывым эфіры Еўрарадыё.

Чаго чакаць ад візіту ў Мінск спецпасланніка Трампа — Еўразум за 18 чэрвеня | Новости Беларуси за 18 июня by Euroradio

28 чэрвеня ў Варшаве пройдзе футбольны "Кубак Івуліна". Яго прыдумалі ў 2022 годзе на знак салідарнасці з журналістам Аляксандрам Івуліным, які тады сядзеў у калоніі, і тысячамі іншых палітвязняў.

Цяпер "Кубка Івуліна" — брэнд і станоўчы прыклад таго, як беларусы ўмеюць падтрымліваць адно аднога. А Саша Івулін — на волі і сам удзельнічае ў арганізацыі турніра. Але ёсць у такіх ініцыятываў і хэйтары. "Для мяне выглядае дзіўнаватым, калі салідарнасцю з палітвязнямі называецца пагуляць увечары ў футбол", — піша былы палітвязень, журналіст Ягор Марціновіч.

Дык ці патрэбная палітвязням такая салідарнасць? І што яшчэ мы можам зрабіць? Гэтую і іншыя надзённыя тэмы абмяркоўваем з Аляксандрам Івуліным.

18 чэрвеня — пяць гадоў таму быў затрыманы патэнцыйны кандыдат у прэзідэнты Віктар Бабарыка. У 2020 годзе ягоная кампанія зрабіла немагчымае: абудзіла грамадства, удыхнула надзею і адкрыла дзверы для сотняў тысяч людзей, якія паверылі — усё можна змяніць. Яго затрыманне стала адным з першых ланцужкоў у падзеях, што ператварыліся ў вялікі нацыянальны рух.

Ужо доўгі час ад Віктара Бабарыкі, які адбывае свой тэрмін за кратамі (калі ён увогуле жывы), няма ніякіх навін, а пытанне справядлівасці і будучыні Беларусі ўсё яшчэ адкрыта.

Сёння ў эфіры Еўрарадыё мы прыгадаем, якім быў галоўны канкурэнт Лукашэнкі ў прэзідэнцкай гонцы 2020-га, пра што ён гаварыў і марыў і што адбывался ў штабе напярэдадні выбараў.

Госць эфіру — Іван Краўцоў, былы каардынатар штаба Бабарыкі, які ведае сітуацыю знутры: ад падрыхтоўкі праграмы да моманту, калі ўсё змянілася за лічаныя гадзіны.

Гэта будзе размова не толькі пра мінулае, але і пра тое, што мы выносім з таго часу сёння.

Пакуль Іран і Ізраіль абменьваюцца ракетнымі ўдарамі, а Масква працягвае бамбіць гарады Украіны, у Канадзе прайшоў саміт “Вялікай сямёркі”. Яшчэ да мерапрыемства прэзідэнт ЗША Дональд Трамп у чарговы раз парадаваў Уладзіміра Пуціна. Ён заявіў, што выключаць Расію з клуба ў 2014 годзе было памылкай — Расія, як і Кітай, павінна вярнуцца за стол перамоваў (за які, дарэчы, сёлета запрасілі ўкраінскага прэзідэнта).

На думку экс-міністра замежных спраў Украіны Уладзіміра Агрызкі, Трамп пакінуў саміт раней часу менавіта, каб пазбегнуць сустрэчы з Зяленскім, бо яму няма чаго прапанаваць і "няма чым патлумачыць, чаму ён працягвае выгароджваць Пуціна".

Сам Трамп растлумачыў свой учынак тым, што яму трэба сканцэнтравацца на канфлікце, які абвастрыўся паміж Ізраілем і Іранам і патрабуе яго ўвагі.

Ці можа вяртанне Расіі ў G7 змяніць баланс сіл у сусветнай палітыцы і бяспеку ў Еўропе? Ці вытрымае амерыканскі прэзідэнт тую колькасць чужых войн і канфліктаў, у якія ўвязваецца і ці расстаўляе Трамп прыярытэты? Якія яшчэ важныя заявы прагучалі на саміце і як вайна Ізраіля і Ірана паўплывае на планы Лукашэнкі?

Пра гэта і не толькі ў эфіры Еўрарадыё размаўляем з доктарам палітычных навук Паўлам Усавым.

(Не)халоднае лета 25-га і падарункі для палонных — Еўразум за 17 чэрвеня | Новости Беларуси за 17 июня by Euroradio

Чэрвень, Мінскае мора, шашлыкі, цёплае піва… і раптам — панос, ваніты і пошук аптэкі.

Што рабіць, каб не падхапіць кішэчную інфекцыю пасля купання, хот-дога або сумнеўнага марозіва? Чым небяспечныя летнія інфекцыі для дзяцей — і як хутка зразумець, што з імі нешта не так?

Пра тое, як адпачыць летам з кайфам, а не з "Смектай" і які чарговы небяспечны вірус выявілі ў Кітаі, размаўляем з доктаркай-педыятаркай Маяй Церакулавай.

Нахабныя пчолы і незаўважныя суседзі — Еўразум за 16 чэрвеня | Новости Беларуси за 16 июня by Euroradio