euroradio.fm

Вучэнні “Захад-2025”, якія ладзяць сумесна расійскія і беларускія вайскоўцы, перавялі ад межаў углыб Беларусі. Што дазволіла суседзям, найперш у Літве, уздыхнуць спакайней. Тым не менш, пагроза правакацыі з беларускай тэрыторыі ў адрас Літвы ці Польшчы захоўваецца. Як не выключаюць заходнія ваенныя эксперты і таго, што беларускія вайскоўцы будуць скарыстаныя ў расійскай вайне супраць Украіны.

Ці здымае пагрозу ваеннай правакацыі перавод вучэнняў углыб Беларусі і ці гатовыя беларускія вайскоўцы падтрымаць расіян у такіх парвакацыях адносна Польшчы альбо Літвы? Ці застаецца рызыка таго, што беларускіх вайскоўцаў выкарыстаюць у вайне з Украінай? Якія высновы варта зрабіць Мінску з аперацый СБУ, праведзеных у Расіі, і ці магчымыя такія аперацыі ў Беларусі? На гэтыя ды іншыя пытанні ў жывым эфіры Еўрарадыё адказвае грамадскі актывіст, былы сузаснавальнік “Белага легіёна”, кіраўнік “Паспалітага рушання” Сяргей Бульба

Ва ўмовах санкцый у рэжыма Лукашэнкі не так ужо і шмат варыянтаў для атрымання фінансавай падтрымкі, крэдытаў альбо інвестыцый. У Расіі сёння шмат сваіх патрэб, на якія патрэбныя грошы, і асабліва раздаваць няма. Нават калі гэта “лепшы сябра і бліжэйшы саюзнік” Лукашэнка. Вось і даводзіцца шукаць іншыя варыянты. Напрыклад, у Кітаі. І там нібыта гатовыя і крэдыты даваць, і інвест-праекты падтрымліваць, і пэўнымі тэхналогіямі дзяліцца. Але ў кожным з выпадкаў ёсць шмат “але”…

Ці гатовыя кітайскія “бізнес-колы” ўкладацца ў беларускія праекты і што ў Беларусі цікавіць кітайскі бізнес? Чым небяспечны і так далёка не бесплатны кітайскі сыр для беларускай эканомікі? Ці сапраўды Лукашэнка перадумаў наконт 150 тысяч гастарбайтэраў з Пакістана? Пра гэта і шмат што іншае мы і разважаем у жывым эфіры Еўрарадыё з палітыкам і блогерам Аляксандрам Кныровічам

Складанасці з міжнароднай абаронай для беларусаў і прыезд патрыярха Кірыла ў Мінск — Еўразум за 5 чэрвеня | Новости Беларуси за 5 июня by Euroradio

Лукашэнка злятаў у Кітай, дзе сустрэўся з “прадстаўнікамі дзелавых колаў” і кіраўніком гэтай краіны Сі Цзіньпінем. Па выніку заявіў, што “ўсё прайшло надзвычай добра”. Ну, кітайскі лідар павіншаваў яго з “перабраннем”, запрасіў на чарговае пасяджэнне ШАС, але нічога пра выраўнанне дысбалансу ў беларуска-кітайскім гандлі сказана не было. А ёсць жа яшчэ і экспансія кітайскіх вытворцаў у Беларусь, якія ставяць на мяжу выміранне беларускіх канкурэнтаў. Той жа “Атлант”, для прыкладу…

Якія пагрозы беларускім вытворцам нясе кітайская экспансія ў Беларусь і што наконт нашага гандлю з Кітаем? Ці зрабіў рэжым высновы з “бульбяной” сітуацыі і што адбываецца на рынку працоўнай сілы і вакансій у Беларусі? Ці чакаць беларусам роста заробкаў і што адбываецца з курсамі валют у абменніках? Гэтыя ды іншыя эканамічныя тэмы абмяркоўваем у жывым эфіры Еўрарадыё раз на два тыдні з эксперткай у сферы дзяржаўнага кіравання і міжнароднага развіцця, магістаркай эканомікі Алісай Рыжычэнка

Перамовы паміж адміністрацыяй Трампа і рэжымам Лукашэнкі як пачаліся, так і, выглядае на тое, скончыліся з вызваленнем людзей, якіх ЗША і імкнуліся вызваліць. Працягу як мінімум не бачна. І не зусім зразумела, па чыёй ініцыятыве (ці віне) гэтага працягу няма. Прымазацца да перамоў па дасягненні міра ва Украіне ў Мінска таксама не атрымалася. На пацяпленне адносінаў з Еўропай сёння ніхто не разлічвае. Застаецца толькі верыць у пашырэнне адносінаў з Кітаем ды планаваць транзіт праз адмену выбараў…

Што змянілася ў адносінах паміж Мінскам і Пекінам і ці пераходзіць канчаткова Лукашэнка пад васалітэт Кітаю? Якія высновы варта зрабіць Лукашэнку па выніку атак СБУ па расійскіх аб’ектах і што чуваць наконт перамоваў ЗША з Мінскам? Ці чакаць пераменаў ад польскіх уладаў у дачыненні да беларусаў і ці працягваюць адчувацца наступствы “кейса Мельнікавай”? На гэтыя ды іншыя пытанні ў жывым эфіры Еўрарадыё адказвае лідар спіса “Каманда Латушкі і рух “За свабоду””, кіраўнік Народнага антыкрызіснага ўпраўлення і намеснік кіраўніцы Аб’яднанага пераходнага кабінета Павел Латушка

На фоне перамоў у Стамбуле, а таксама як падвядзенне іх вынікаў, узмацніліся не толькі расійскія штурмы па зямлі, але і атакі ўкраінскіх адмыслоўцаў па ваенных і стратэгічных аб’ектах як глыбока ўнутр Расіі, так і на акупаваных тэрыторыях. Пуцінская прапаганда настойвае, што вынікі тых атак на аэрадромы стратэгічнай авіяцыі і Крымскі мост нязначныя і іміджавых страт для расійскага кіраўніцтва не маюць. Але відавочна, што гэта не так. Чамусьці і Лукашэнка заціх і не выступае са сваімі звыклымі геапалітычнымі развагамі як з нагоды перамоў у Стамбуле, так і з нагоды атак СБУ. Але вучэнні “Захад-2025” углыб Беларусі адвялі.

Ці будуць мець палітычныя наступствы для расійскага кіраўніцтва атакі СБУ і ці варта чакаць прарыву на перамовах па міры ва Украіне? Чаму Трамп верыць Пуціну і чым пагражае выхад ЗША з “украінскага трэка”? Якую ролю адводзіць Крэмль Лукашэнку і ці магчымыя перамовы Мінска з Захадам за спіной у Масквы? Пра гэта і шмат што іншае мы і разважаем у жывым эфіры Еўрарадыё з паліттэхнолагам, пісьменнікам, блогерам Міхаілам Шэйтэльманам

5 чэрвеня ў эфіры Еўрарадыё — мастак, дызайнер Уладзімір Цэслер.

У любой нацыі на пэўным гістарычным этапе мусіць быць свая нацыянальная ідэя. Тое, што вядзе да краіны яе мары, дапамагае будаваць дзяржаву і свой дабрабыт. Беларусы таксама мусяць нарэшце сфармуляваць сваю ідэю — ідэю, у якой адлюструецца Беларусь іх мары. І хай гэта будзе такая ідэя, якой хочуць самі беларусы. Вось толькі прыйсці яна павінна не з “народных глыбінь”, а мусіць быць прапанаваная тымі людзьмі, у якіх сапраўды ёсць бачанне таго, як лепш пабудаваць беларускую нацыянальную дзяржаву, перакананы Уладзімір Цэслер.

З чым Лукашэнка вярнуўся з Кітая і якія кнігі беларускія літаратары будуць чытаць летам — Еўразум за 4 чэрвеня | Новости Беларуси за 4 июня by Euroradio

На айчыннай метал-сцэне з’явіўся новы гурт — “Hangover in Minsk”. Больш за тое, гэта такі адмысловы праект, які самі музыкі называюць “фестывальным DSBM з жаночым вакалам з Польшчы/Беларусі”. Гурт “Hangover in Minsk” быў створаны ў стане пахмелля пасля фестывалю “Dark Easter Metal Meeting 2024”. Усё пачалося з жартаў пра “дэпрэсіўны піўны метал” падчас 12-гадзіннай паездкі з Мюнхена ў Варшаву. І працягнулася дэбютным альбомам “Party Is Over” з удзелам гасцей Déhá і Кіма Карлсана, які выйшаў 16 красавіка 2025.

“На першы погляд можа падацца, што гэта бестурботны альбом пра п’янку. Але насамрэч гэта гісторыя страты. Гэта музыка пра спробу патапіць свой боль у алкаголі — і ў нейкі момант табе нават становіцца крыху весела. Ты сыходзіш у запой, бо здаецца, што губляць ужо няма чаго. Але ў выніку пахмелле ўсё адно наганяе цябе,” — кажуць музыкі, адстаўляючы пустыя келіхі...

Як насамрэч нарадзілася ідэя гурта “Hangover in Minsk” і ці варта таго яно было? Ці сапраўды існуе такі музычны стыль, як “дэпрэсіўны піўны метал” і ці маюць музыкі рэцэпт ратавання ад пахмелля? Як прыхільнікі сустрэлі новы праект і ці мае ён перспектывы на заходняй метал-сцэне? На гэтыя ды іншыя пытанні ў жывым эфіры Еўрарадыё адказваюць заснавальнікі і ўдзельнікі гуртоў “Hangover in Minsk” і “Dymna Lotva” Кацярына Манкевіч і Яўген Чаркасаў

Міграцыйная палітыка краінаў, у якія найперш выязджаюць беларусы у выніку пераследу на радзіме, відавочна становіцца больш жорсткай. І калі ў той жа Польшчы толькі павялічваюцца патрабаванні да мігрантаў, то ў Літве яшчэ паспрабуй не трапіць у спіс тых, хто “нясе пагрозу нацыянальнай бяспецы”! І пераезд у іншую краіну ў пошуках легалізацыі не заўсёды ратуе сітуацыю, бо пачынае дзейнічаць так званае “Дублінскае пагадненне”. Выслізнуць за межы яго складана нават з дапамогай адваката.

Ці з’явілася магчымасць аспрэчваць і абыходзіць патрабаванні “Дублінскага пагаднення” і што рабіць, калі ты пад яго трапляеш? Ці былі закранутыя на Форуме беларусак і беларусаў свету праблемы легалізацыі і ці ёсць у дэмсіл прапановы, як іх вырашыць? Што такое сталкінг і як з ім змагацца, калі ты ў чужой краіне? Пра гэта і шмат што іншае мы і разважаем у жывым эфіры Еўрарадыё з юрысткай, сузаснавальніцай дабрачыннай ініцыятывы “Партызанка” Ганнай Маціеўскай і адвакаткай Марыяй Колесавай-Гудзілінай