На сыходзячым тыдні Лукашэнка правёў некалькі перамоваў з амбасадарам Венесуэлы, сустрэўся з прадстаўнікамі Кеніі, кіраўніком СК Расіі і спецпрадстаўніком Трампа Джонам Коўлам. Як на нас, самая важная і цікавая сустрэча — апошняя. Бо яна можа азначаць хуткае вызваленне з турмаў беларускіх палітвязняў.

Гэта а таксама перлы і цэны на гуркі і памідоры тыдня ў 13:00 па Мінску абмяркоўваем з блогерам Аляксандрам Кныровічам

Калі дзяржава адчэпіцца ад "дармаедаў" — Еўразум за 11 снежня | Новости Беларуси за 11 декабря by Euroradio

Чуткі пра пераезд Офіса Святланы Ціханоўскай з Вільні ў Варшаву нечакана вярнуліся ў інфармацыйную стужку. І хоць прадстаўнікі Офіса гэта імгненна абверглі, але пэўныя сумневы ў іх шчырасці застаюцца. Гэтак жа не зусім зразумела, на якім этапе “вялікая здзелка” Лукашэнкі з Трампам і калі варта чакаць як візіту Коўла ў Мінск, так і вызвалення новай групы палітычных вязняў. Што да “беспраблемных для авіяцыі” метэазондаў, то яны як лёталі, так і лётаюць у небе Літвы, за што ЕС пагражае Мінску новымі санкцыямі, а Вільня — новым закрыццём мяжы з Беларуссю.

Ці чакаць пераезду Офіса Ціханоўскай з Вільні і што гэта змяняе для дэмсіл? Чаму затармазілі перамовы Мінска з Вашынгтонам і ці варта разлічваць на вызваленне новай групы палітвязняў да канца года? Як на Беларусь уплывае канфрантацыя з Літвой і чаго чакаць ад новага санкцыйнага пакету ЕС? На гэтыя ды іншыя пытанні ў эфіры Еўрарадыё адказвае рэдактарка выдання “План Б”, былая палітзняволеная Вольга Лойка

Атмасфера на беларуска-літоўскай мяжы, адпаведна і ў палітычных стасунках паміж Мінскам і Вільняй, усё больш накаляецца. Метэазонды з кантрабанднымі беларускімі цыгарэта штоноч уздымаюцца ў неба, з гэтай прычыны праца аэрапорта Вільні спыняецца, літоўскія фуры застаюцца ў "закладніках" на тэрыторыі Беларусі, а літоўскія палітыкі пагражаюць новым закрыццём мяжы. Больш за тое, Літва звярнулася да Бруселя з патрабаваннем паўплываць на Лукашэнку і ЕС падрыхтаваў новы пакет санкцый супраць беларускага рэжыму. Скажам шчыра — не самы спрыяльны фон, каб казаць пра неабходнасць перамоў з рэжымам, спыненні ціску і змену стратэгіі…

Ці сведчыць пазіцыя і дзеянні Мінска адносна Літвы пра гатоўнасць Лукашэнкі да дыялогу — як з Літвой, так і з Еўрасаюзам і беларускім грамадствам? Ці варта разлічваць на тое, што па выніку перамоў з ЗША рэжым пойдзе на змяншэнне рэпрэсій? Як на Беларусь уплывае стратэгія нацбяспекі ЗША і ці варта разлічваць на падпісанне мірнага пагаднення паміж Украінай і Расіяй да канца бягучага года? Гэтыя ды іншыя тэмы абмяркоўваем у жывым эфіры Еўрарадыё з кіраўніком Агенцтва еўраатлантычнага супрацоўніцтва Валерыем Кавалеўскім

11 снежня ў эфіры Еўрарадыё — Югася Каляда, пісьменніца, пераможца прэміі імя Ежы Гедройца.

Нам трэба ствараць такі прадукт, цікавасць да якога прымусіць нашых чытачоў “прадзірацца” праз тую беларускую мову, на якой той прадукт створаны. І хоць у нас яшчэ шмат неасэнсаваных частках нашай трагічнай гісторыі, мы мусім думаць і пра тое, каб ствараць у літаратуры нешта прыгожае і гераічнае, фантастычнае і прыцягальнае. І мы абавязкова з гэтымі задачамі справімся, перакананая Югася Каляда.

Пра тое, як зацікавіць беларусаў беларускасцю, навошта ў эміграцыі культываваць сваю беларускасць і чаму нам неабходна перагледзіць свой трагічны досвед параз, каб рухацца наперад, мы і разважаем у праграме “Ідэя Х” з Югасяй Калядой.

Украінскія вайскоўцы ўсур’ёз узяліся за расійскі “ценявы флот”. Паводле інфармацыі, за апошнія два тыдні ўжо чатыры судны трапілі пад удары марскіх дронаў. Не спыняюцца ўдары і па расійскіх нафтаперапрацоўчых заводах, трапляе пад удары беспілотнікаў і нафтаправод “Дружба”. Што праўда, энергетычныя аб’екты Украіны таксама практычна штодня знаходзяцца пад ударам і моцна пацярпелі ад расійскіх ракет і дронаў. Але вайна справа дарагая. А калі да ваенных выдаткаў яшчэ і санкцыі дадаюцца, то эканоміка можа і не справіцца.

Ці існуе ён — “ценявы флот Расіі”, і ці здольныя яго патапіць украінскія марскія дроны і еўрапейскія санкцыі? Наколькі балючыя ўдары УСУ па расійскіх НПЗ і што адбываецца ў нафтагазавым сектары Расіі? Ці ўплываюць на эканоміку Расіі заходнія санкцыі і ці праўда, што расійскія заказчыкі не здольныя аплаціць замовы, зробленыя ў Беларусі? На гэтыя ды іншыя пытанні ў эфіры Еўрарадыё адказвае эксперт нафтагазавага рынку Міхаіл Круціхін

Дзень правоў чалавека адзначаецца ва ўсім свеце 10 снежня. Для беларусаў шмат у чым гэтая дата фармальная. Бо мы ўжо даўно жывём у парадыгме “часам не да законаў”.вось толькі гэтая “часовасць”стала пастаяннай. Больш за тое, з кожным днём лукашэнкаўскі рэжым накладае на гэтыя правы ўсё больш абмежаванняў. Калі ж хтосьці прымае рашэнне пакінуць гэтую тэрыторыю без правоў, то трапляе ў пастку міграцыйных абмежаванняў і праблем эміграцыі. Справіцца з якімі часам магчыма толькі дзякуючы падтрымцы суайчыннікаў. І дрэнна, калі гэтай падтрымкі не знаходзіш…

Якіх змен у міграцыйнай палітыцы краін ЕС чакаць у надыходзячым годзе і наколькі моцна гэтыя змены ўдараць па беларусах? У якім стане развітваецца з 2025 годзе праваабарончая супольнасць і ініцыятывы дабрачыннай дапамогі? Што адбываецца з беларускай супольнасцю і ці здольныя беларусы на ўзаемадапамогу і салідарнасць? Пра гэта і шмат што іншае мы і разважаем у жывым эфіры Еўрарадыё з юрысткай, сузаснавальніцай дабрачыннай ініцыятывы “Партызанка” Ганнай Маціеўскай і адвакаткай Марыяй Колесавай-Гудзілінай.

Як беларусы вярнулі папулярнасць спеваку Хлястову — Еўразум за 10 снежня | Новости Беларуси за 10 декабря by Euroradio

Пакуль Лукашэнка лётаў у М’янму ды Алжыр з Аманам, прадстаўнікі дэмакратычных сіл ладзілі сустрэчы ў краінах ЕС ды прэзентацыі розных нібыта важных дакументаў на сур’ёзных пляцоўках кшталту Еўрапарламента. А яшчэ займаліся пашырэннем складу Альянсу дэпутацкіх груп “За дэмакратычную Беларусь” — да ўжо існуючых далучыліся групы ў Нарвегіі і Малдове. Жыццё віруе. Нават Каардынацыйная рада ажыла і не толькі заявіла пра пачатак падрыхтоўкі ды чарговых “протапарламенцкіх” выбараў, але і нібыта нейкія праекты законаў дэлегаты пачалі разглядаць.

У чым унікальнасць Альянсу дэпутацкіх груп “За дэмакратычную Беларусь” і якія беларускія пытанні яны сапраўды здольныя вырашаць? Ці стаіць нешта рэальнае за заявамі Еўрапарламента пра падтрымку беларускага народа ў яго змаганні з рэжымам Лукашэнкі і куды пойдуць чарговыя 30 мільёнаў еўра падтрымкі беларускай супольнасці ад ЕС? Чым адметны ваяж Лукашэнкі па краінах “далёкай дугі” і ці ёсць будучыня ў Каардынацыйнай рады? На гэтыя ды іншыя пытанні ў эфіры Еўрарадыё адказвае кіраўнік цэнтра “Еўрапейскі дыялог”, дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька

“Мы перакананыя, што 2020 год выштурхнуў беларусаў як унікальную супольнасць далёка наперад. І нам крок па кроку трэба асэнсоўваць сябе ў новай гістарычнай рэальнасці. Нам хочуць сцерці памяць пра духоўны подзвіг “2020”. Але насамрэч мы толькі пачынаем, цяпер асэнсаваны супольны рух”... З такой заявай у публічную прастору выйшла каманда Фундацыі Belarus 2020 і анансавала “стрыжнявы праект таго, дзеля чаго Фундацыя ўтваралася” — бестэрміновую агульнанацыянальную кампанію “Кніга Памяці “2020”.

Чаму так важна зафіксаваць падзеі 2020 года і якім чынам гэтая фіксацыя мусіць адбывацца? Хто хоча сцерці нам “памяць пра духоўны подзвіг “2020” і як пазбегнуць суб’ектыўных ацэнак дзейнасці дэмсіл, лідараў ці асабіста Ціханоўскай? Чаму кампанія аб’яўленая бестэрміновай і ці сапраўды падзеі 2020 года паваротныя ў беларускай гісторыі? На гэтыя ды іншыя пытанні ў эфіры Еўрарадыё адказвае публіцыст, пісьменнік, заснавальнік Фундацыі Belarus 2020 Севярын Квяткоўскі.