euroradio.fm

Дэмакратычныя рэаліі і фейкі прапаганды — Еўразум за 16 траўня | Новости Беларуси за 16 мая by Euroradio

Сотні калі не тысячы людзей адрымалі так неабходную ім у вымушанай эміграцыі юрыдычную падтрымку і кансультацыі ад супрацоўнікаў аддзела прававой дапамогі Цэнтра беларускай салідарнасці. Найперш па дапамогу ў ЦБС звярталіся тыя, хто тэрмінова выехаў з краіны ў выніку палітычнага пераследу. Людзі, якім была неабходная міжнародная абарона. Але не толькі. У любым выпадку, усё неабходнае беларусы атрымлівалі ад юрыстаў і адвакатаў ЦБС бясплатна. Толькі нажаль прававы аддзел днямі заявіў аб спыненні сваёй працы.

Што стала прычынай спынення працы аддзела прававой дапамогі і што рабілася для таго, каб гэтага не здарылася? Колькі людзей за ўвесь час працы аддзела звярталіся па дапамогу і па якіх пытаннях? Чаму не атрымлалі падтрымкі з боку структур дэмсіл і што цяпер рабіць людзям, якім неабходная юрыдычная дапамога? На гэтыя ды іншыя пытанні ў жывым эфіры Еўрарадыё адказвае кіраўніца аддзела прававой дапамогі Цэнтра беларускай салідарнасці Вольга Дабравольская

Блогер Аляксандр Кныровіч не стаў спікерам Каардынацыйнай рады. Большасць дэлегатаў гэтай апазіцыйнай струтуры, якая мае на мэце знайсці рашэнні для пераадолення палітычнага крызісу ў Беларусі, прагаласавалі за Арцёма Брухана.

Арцём — цяпер ужо былы намеснік Паўла Латушкі ў АПК і НАУ, а фракцыя Латушкі — самая буйная ў радзе. Кныровіч хацеў, каб Каардынацыйная рада не была падпарадкаваная Аб'яднанаму пераходнаму кабінету і не брала гранты ў донараў — асабліва пасля знікнення былой спікеркі Анжалікі Мельнікавай і 100 тысяч долараў, выдадкаваных на КР. Але гэта ўжо неістотна.

Ці пакіне Кныровіч КР і што будзе з фракцыяй "Пракопьеў — Ягораў", да якой належыць блогер? Ці стане КР эфекктыўным органам пры Арцёме Брухане? Якія рэальныя праблемы вырашыла КР за часы свайго існавання? Пра гэта ды іншае гутарым з Аляксандрам

Новы спікер Брухан і зніклая бульба — Еўразум за 15 траўня | Новости Беларуси за 15 мая by Euroradio

Вызваленне палітвязняў, якога дамагліся прадстаўнікі адміністрацыі Трампа ад Лукашэнкі, і нядаўняе “памілаванне” 42 зняволеных узмацнілі разыходжанні ў бачанні далейшай стратэгіі дзеянняў дэмсіл у дачыненні да рэжыма. Тым, хто выступае за перамовы з рэжымам і зняццё санкцый дзеля вызвалення палітвязняў, гэта дало дадатковыя аргументы на сваю карысць. Тым, хто настойвае на ўзмацненне ціску на рэжым, і гэта вызваленне (вынік, па іх перакананні, ціску), і пашырэнне рэжымам расійскай агрэсіі супраць Украіны, таксама дазваляе не здаваць свае пазіцыі. Не спрыяюць магчымасці дамовіцца і пастаянныя “агентурныя” ды фінансавыя скандалы ўнутры дэмсіл…

На што больш падобна тое, што адбываецца ў дэмсілах: трагэдыю, камедыю ці шпіёнскі трылер? Ці застаюцца ў Захада інструменты ціску на Лукашэнку і ці гатовы Захад гэтыя інтсрументы ўжыць? Ці здольныя беларусы супрастаяць пашырэнню “рускага свету” як унутры Беларусі, так і за яе межамі? На гэтыя ды іншыя пытанні ў жывым эфіры Еўрарадыё адказвае кавалер ордэна Брытанскай імперыі, арт-дырэктар Беларускага свабоднага тэатра, праграмны дырэктар Creative Politics Hub Мікалай Халезін

110 расійскіх беспілотнікаў атакавалі Украіну. Гэта адбылося ў ноч на 15 траўня — менавіта сёння ў Стамбуле праходзяць першыя перамовы пасля 2022 года з Масквой і Кіевам. Уладзімір Пуцін вырашыў не ляцець у Турцыю і адправіў туды свайго памочніка Уладзіміра Мядзінскага. Быў гатовы адмовіцца ад сустрэчы і Уладзімір Зяленскі, але партнёры Украіны з ЗША і Еўропы пераканалі яго прыехаць.

Тым часам Лукашэнка памілаваў 42 палітвзняў. 13 з іх маюць хранічныя захворванні, адзін — інваліднасць. Дзесяць асоб — старэйшыя за 50 гадоў, адзін дасягнуў пенсійнага ўзросту.

Што і каму дэманструе дыктатар гэтым актам вызвалення і ці можна сказаць, што ён гатовы спыніць свае рэпрэсіі? Навошта ў Беларусь запрасілі Вярхоўнага камісара ААН па правах чалавека паралельна з планамі Лукашэнкі — падпісаць дамовы аб выдачы беларусаў з дзевяццю краінамі? Дыялог с Лукашэнкам пачынаецца, а ці гатовыя беларускія дэмсілы да размовы і хто мог бы стаць амбасадарам добрай волі?

Чаму Пуцін не паляцеў на перамовы ў Стамбул і ці здольны новы Папа Рымскі Леў XIV падтрымаць беларусаў?

Падрабязнее пра ўсё гэта ў эфіры Еўрарадыё размаўляем з дырэктарам Агенцтва еўраатлантычнага супрацоўніцтва Валерыем Кавалеўскім.

15 траўня ў эфіры Еўрарадыё — беларускі добраахвотнік, ваяр тактычнай групы “Eisenhyänen” з пазыўным “Днепр”.

Тое, што Лукашэнка не адмовіцца ад улады без барацьбы, даўно стала відавочным. А гэта азначае, што беларусы мусяць быць гатовыя змагацца за сваю свабоду, за сваю краіну, за сваю будучыню. І не выключана, што яшчэ і за незалежнасць сваёй Айчыны. Бо Расія так проста наўрадці адмовіцца ад намеру анэксаваць Беларусь. Але нават у выпадку сілавога сцэнара Лукашэнка і яго набліжаныя павінны быць асуджаныя справядлівым судом, які разгледзіць усе доказы іх злачынстваў, перакананы добраахвотнік “Днепр”.

Пра тое, ці здольныя беларусы змагацца за сваю свабоду і сваю краіну, чаму ў дачыненні да Лукашэнкі не мусіць быць самасуду і ці насамрэч у беларусаў усё ў парадку з ідэнтычнасцю, мы і разважаем у праграме “Ідэя Х” з добраахвотнікам “Дняпром”.

Наўзамен зніклай Анжалікі Мельнікавай новым спікерам Каардынацыйнай рады абраны Арцём Брухан. Намеснік Паўла Латушкі ў Аб’яднаным пераходным кабінеце і ў НАУ. Па выніку галасавання Арцём Брухан апярэдзіў па колькасці набраных галасоў свайго адзінага апанента — прадстаўніка фракцыі “Беларусы” (былы Блок Пракоп’ева-Ягорава) Аляксандра Кныровіча. Спадчына новаму спікеру КР дасталася, скажам шчыра, не зайздросная.

Навошта пагадзіўся на ўдзел у барацьбе за месца спікера КР і з якой праграмай ішоў на выбары? Як успрымае словы, што ён не самастойная фігура і ці магчыма ўратаваць КР? Як страта грошай уплавае на дзейнасць КР і якія высновы варта зрабіць з “кейса Мельнікавай”? На гэтыя ды іншыя пытанні ў жывым эфіры Еўрарадыё адказвае спікер Каардынацыйнай рады, намеснік прадстаўніка па транзіце ўлады Аб’яднанага пераходнага кабінета, намеснік кіраўніка Народнага атыкрызіснага ўпраўлення Арцём Брухан

Сляды зніклай з беларускіх крамаў бульбы знайшліся. Дзякуючы Лукашэнку, натуральна. Больш за тое, знайшлі і вінаватых у знікненні з паліц “другога хлеба”. І нават ужо прыдумалі, як тых вінаватых пакараць. Ну, а беларусам… Беларусам параілі пацярпець. Пакуль расіяне даядаюць беларускую бульбу. Дарэчы, не толькі з бульбай Расія падкінула (і працягвае гэта рабіць) непрыемных сюрпрызаў беларускай эканоміцы і Беларусі агулам.

Што насамрэч стала прычынай знікнення бульбы з паліц крам і ці сапраўды вінаватыя ў гэтым названыя людзі? Ці выратуе сітуацыю Камітэт дзяржкантролю і ці вырашыцца справа з бульбай цягам месяца? Што адбываецца з інфляцыяй, што чакае курсы валют і куды эканоміку Беларусі цягне Расія? На гэтыя ды іншыя пытанні ў жывым эфіры Еўрарадыё адказвае аўтар і вядоўца праграмы "Оптымум" на канале “Беларусы і рынак”, эканамічны аглядальнік Андрэй Махоўскі

Смерці палітвязынак і свет пасля сустрэчы ў Стамбуле — Еўразум за 14 траўня | Новости Беларуси за 14 мая by Euroradio