euroradio.fm

Навучальны год вось-вось скончыцца. Адны школьнікі з нецярпеннем чакаюць летніх канікул, іншыя — рыхтуюцца да выпускных і ўступных выпрабаванняў.

Бацькі перажываюць.

Якія псіхалагічныя нагрузкі адчуваюць школьнікі і абітурыенты ў перыяд экзаменаў і як мамы і таты могуць дапамагчы ім з гэтым справіцца? Наколькі важна даваць дзецям магчымасць самастойна выбіраць будучую прафесію і што рабіць, калі здаецца, што ім нічога не цікава? Як дапамагчы дзецям убачыць няўдачы не як канец свету, а як магчымасць для росту і развіцця? І як не звар'яцець бацькам на летніх вакацыях?

Падрабязней пра гэта ў эфіры Еўрарадыё размаўляем з дырэктаркай Інстытута сучаснай псіхатэрапіі ў Вільні Ганнай Матуляк.

У другой частцы інтэрв'ю са спецыялісткай пагаворым пра ўчынкі людзей, якія баяцца ўласных слабасцяў, і скрыню, у якую беларусы могуць адпраўляць свае траўміруючыя гісторыі.

22 траўня ў эфіры Еўрарадыё — былы каардынатар "Арт Сядзібы" і сузаснавальнік кампаніі SYMBAL.BY Мікіта Броўка.

Безумоўна, усе нацыянальныя каштоўнасці, кшталту мовы, гісторыі, культуры, пытанні ўмацавання беларускай ідэнтычнасці, свядомасці і самаідэнтычнасці — усё гэта вельмі важна, але не першасна. Нам сёння жыццёва неабходна змагацца за ўсталяванне ў краіне дэмакратыі. Бо без дэмакратыі ўсяго пералічанага ў нас не будзе. Толькі праз дэмакратычныя механізмы мы зможам збудаваць у Беларусі нацыянальную дзяржаву, перакананы Мікіта Броўка.

Пра тое, як звязаныя дэмакратыя і нацыянальная ідэя, ці важнае для шараговых беларусаў пытанне ідэнтычнасці і пра тое, як зрабіць беларускае модным і папулярным, мы і разважаем у праграме “Ідэя Х” з Мікітам Броўкам.

Чаму ў свеце стала так шмат алергікаў — Еўразум за 21 траўня | Новости Беларуси за 21 мая by Euroradio

"Не разумею, як дарослыя людзі могуць галасаваць за мемаў. І як да такога грамадства можа сур'ёзна ставіцца?", — гэта меркаванне 18-гадовага паляка Кшыштафа, які 18 траўня ўпершыню ў жыцці аддаў свой голас на выбарах. Мы, калі шчыра, таксама не разумеем, як можна галасаваць за мемаў, але насельніцтва ў свеце ўсё часцей выбірае папулістаў. Чаму?

Пра гэта, а таксама пра тупік, у які, відавочна, зайшлі перамовы па міры ва Украіне, і пра беларускіх палітзняволеных сёння размаўляем з гісторыкам і палітычным аглядальнікам Аляксандрам Фрыдманам.

Пасля размовы з Уладзімірам Зяленскім і Уладзімірам Пуціным, Дональд Трамп заявіў, што вайна ва Украіне больш не яго праблема — маўляў, няхай дамаўляюцца самі.

Паводле украінскага прэзідэнта, ЗША чакае, што Крэмль дасць "адпаведныя сігналы, як ён бачыць спыненне агню і наступныя крокі".

Але ці могуць быць нейкія перамовы, калі Трамп размаўляе з агрэсарам Пуціным, як з партнёрам? Якія сігналы Масквы маглі б задаволіць Кіеў?

Гэтую ды іншыя гарачыя тэмы беларускай і сусветнай палітыкі абмяркоўваем з доктарам палітычных навук Паўлам Усавым, у якога… ёсць пытанні да Паўла Латушкі.

Выбары ў Польшчы і “страшны суд” над сілавікамі — Еўразум за 20 траўня | Новости Беларуси за 20 мая by Euroradio

— У аўтобусе нехта чхнуў або закашляў — няўжо зноў нейкі вірус?

На жаль, але не толькі набраныя за зіму кілаграмы псуюць наш настрой увесну і ўлетку. Яшчэ адна прычына — алергія.

Па дадзеных Міністэрства аховы здароўя, штогод ад сезонных алергій пакутуюць каля 30 тысяч беларусаў — і гэта толькі тыя выпадкі, якія атрымліваецца выявіць.

Многія людзі блытаюць алергічныя рэакцыі з прыкметамі вірусных інфекцый, могуць гадамі займацца бескарысным самалячэннем і не пераставаць задыхацца.

А чым небяспечныя сезонныя алергіі ў дзяцей і дарослых, ці можна ад іх вакцынавацца і як змагацца з сімптомамі? Як звязаныя алергіі і астма? Ці супрацьпаказаныя вакцынацыі ад вірусных інфекцый, калі ў пацыента выявілі алергію на пылок, марскую ваду або сонца? Чаму адны людзі худнеюць да лета, а іншыя набіраюць увесну новыя кілаграмы, і ці ёсць шанец ад іх хутчэй пазбавіцца?

Пра гэта і не толькі ў эфіры Еўрарадыё размаўляем з урачом Маяй Церакулавай.

Нягледзячы на ​​страшныя рэпрэсіі ў нашай краіне, шмат хто з беларусаў працягвае прытрымлівацца гумманістычных ідэй: калі суд — дык не смерцю. Сілавікоў, як і іншых саўдзельнікаў рэжыму чакаюць люстрацыі.

Але ці магчыма гэта ў будучыні?

Пра тое, якім будзе “страшны суд” над рэжымам і ці рэальны ён увогуле, размаўляем са стваральнікам базы ганьбы luka.zone Пятром Маркелавым.

(Не)мірныя людзі і сварка Латушкі з Пазняком — Еўразум за 19 траўня | Новости Беларуси за 19 мая by Euroradio

19 траўня Дональд Трамп паабяцаў пагаварыць з Уладзімірам Пуціным, Уладзімірам Зяленскім і хаўруснікамі па НАТА, каб спыніць "крывавую лазню" ва Украіне. Нагадаем, што напярэдадні першых за апошнія тры гады расійска-ўкраінскіх прамых перамоваў прэзідэнт ЗША паведаміў, што міру ва Украіне не будзе, пакуль ён сам не пагутарыць з прэзідэнтам Расіі.

Тым часам у Польшчы прайшоў першы тур прэзідэнцкіх выбараў, падчас якога правыя кандыдаты набралі значна больш галасоў, чым прадказвалі палітычныя аналітыкі.

Якія сігналы пасылае нам сусветная палітыка?

Больш падрабязна пра гэта і не толькі ў эфіры Еўрарадыё размаўляем з кандыдаткай гістарычных навук Розай Турарбекавай.