euroradio.fm

Калі цікавасць па палітычнай дзейнасці ў беларусаў па ўсім свеце і сапраўды няўхільна змяншаецца, то цікавасць да свайго, беларускага па-ранейшае захоўваецца. І нават пашыраецца. Менавіта таму дыяспары ў розных краінах і гарадах працягваюць і самі ладзіць розныя культурніцкія імпрэзы, і запрашаюць да сябе творцаў з іншых мясцін — музыкантаў, пісьменнікаў, мастакоў… Да прыкладу, гітарыста гурта Volski Паўла Трыпуця беларусы ЗША чакаюць з канцэртамі гітарнай музыкі ў сябе.

Чым спадзяецца здзівіць беларусаў ЗША гітарыст Павел Трыпуць і якую праграму падрыхтаваў для гэтага тура? Якія гарады ЗША чакаюць на трасе і ці магчыма з дапамогай музыкі захаваць беларусаў у беларускай павестцы? Што здoлела за год дасягнуць школа OpTeamist Vocal Studio і ці здольныя беларусы ў эміграцыі пабудаваць свой шоў-бізнес? На гэтыя ды іншыя пытанні ў жывым эфіры Еўрарадыё адказваюць гітарыст гурта Volski, заснавальнік і фронтмен гурта OpTeamist Project і музычнай школы OpTeamist Guitar Studio Павел Трыпуць і музыка, выкладчыца вакалу школы OpTeamist Vocal Studio Юлія Марчанка

Сама наяўнасць карупцыйных схем у Беларусі і датычнасць да іх галоўнага (цягам ужо больш за 30 гадоў!) змагара з карупцыяй у краіне, ні шоку, ні нават здзіўлення даўно не выклікаюць. Пра тое, што ўвесць лукашэнкаўскі рэжым трымаецца на “схематозе” і Лукашэнка такую мадэль ухваляе і ўзначальвае, кажуць цягам не аднаго дзесятка гадоў. Але адна справа казаць, а іншая — усё пералічанае сістэматычна і з фактамі даказаць. І вось чарговае расследванне з удзелам “Прэзідэнцкага спортклуба”…

Чаму ўвагу расследвальнікаў прыцягнуў “Прэзідэнцкі спортклуб” і што з ім не так? Якія факты сведчаць на карысць сцвярджэння, што гэтая структура абвароўвае беларусаў? Пра якія сумы ідзе гаворка і як гэта ўсё адаб’ецца на спартовым іміджы Беларусі? Пра гэта і шмат што іншае мы і разважаем у жывым эфіры Еўрарадыё з прадстаўніком ініцыятывы BELPOL Уладзімірам Жыгарам

Падладзіўшы, традыцыйна, усе святочныя мерапрыемствы ў Беларусі пад графік маскоўскага святкавання 9 траўня, Лукашэнка разам з малодшым сынам выправіўся ў госці да Пуціна. Дзе, верагодна, спадзяваўся на перамовы з лідарам Кітая. Ці атрымаў па-выніку нешта большае за фармальныя вітанні, не зразумела. Але пасадзілі “самага вернага сябра Пуціна і Расіі” побач не з Пуціным і Сі Цзіньпінам, а побач з кіраўніком Арменіі Пашынянам.

Чаму прысутнасць на парадзе ў Маскве для Лукашэнкі найважнейшая і што дала Кітаю прысутнасць на святкаваннях у Расіі лідара Кітая? Якія магчымасці для наладжвання адносінаў з ЗША дае рэжыму вызваленне Зянковіча і што стаіць за чарговым памілваннем палітвязняў? Ці варта было Лукашэнку спадзявацца на перамовы з Сі Цзіньпінам у Маскве і што стаіць за маскоўскім дэмаршам Вучыча і Фіцо? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай

Анколаг і гінеколаг Станіслаў Салавей пра рак: самыя распаўсюджаныя віды, лячэнне, канцэрагены, топ фактараў рызыкі, SPF, парады па скрынінгу для мужчын і жанчын, калі трэба бегчы да доктара / Падкаст здаровага чалавека на Еўрарадыё. Аўтар і вядучая — Марыя Сысой https://www.instagram.com/maria_journ

12 траўня гомельскі постпанк-гурт Sož выпусціў новы сінгл "Сэлявільня" — кароткі нарыс па гісторыі Беларусі апошніх пяці год, песню пра тое, як мы адзін аднаго трымаем за руку і падтрымліваем у цяперашні няпросты час, кажа лідар гурта, паэт Алесь Плотка.

16 траўня каманда прэзентуе сінгл нажыва ў варшаўскім клубе Voodoo Club. Разам з гамельчукамі на сцэну выйдуць музыкі гурта Relikt, якія таксама нядаўна выпусцілі новую кампазіцыю "Сцізорык".

Кошт парадаў і небяспека замаразкаў — Еўразум за 8 траўня | Новости Беларуси за 8 мая by Euroradio

Беларускія клубніцы даражэйшыя за грэцкія, а кошты на кабачкі, якія восенню нікому за дарма не патрэбны, у паўтара разы перавышаюць кошт ананасаў? Гэта яшчэ нічога! Вось жыхары Магілёва, напрыклад, днямі бачылі іранскія кавуны, якія прадавалі танней за нашу бульбу.

Мо, так і трэба?

Пакуль беларусы з жахам абмяркоўваюць кошты на рынках, золатавалютныя рэзервы краіны ставяць новыя рэкорды, а курсы долара і еўра зноў падаюць.

Як паўплывае звальненне 18 тысяч працаўнікоў БЧ на эканоміку Беларусі? Ці прамяняюць пакістанскія айцішнікі родны край на дзяржаву, у якой не шануюць уласных праграмістаў?

Наколькі шчыльным можа быць эканамічнае супрацоўніцтва Беларусі і Кітая? Ці можна верыць у абяцанні прэм'ер-міністра Аляксандра Турчына пра павышэнне дабрабыту і дасягненне высокіх стандартаў жыцця насельніцтва нашай краіны ў агляднай будучыні? 67 тысяч замежнікаў "без віз" ад пачатку года наведалі Беларусь — што далей?

Самыя гарачыя навіны беларускай эканомікі ў эфіры Еўрарадыё абмяркоўваем з эксперткай у сферы дзяржаўнага кіравання і міжнароднага развіцця, магістаркай эканомікі Алісай Рыжычэнка.

8 траўня ў эфіры Еўрарадыё — літаратар, рэпер Віталь Рыжкоў.

Такое пачуццё, як крыўда, магло б стаць для беларусаў вельмі добрай нацыянальнай ідэяй. У тым выпадку, калі б мы маглі карыстаць гэтае пачуццё для падмацавання сваёй ідэнтычнасці і ў якасці матывацыі адстойваць сваё. Бо, насамрэч, крыўда — вельмі моцная эмоцыя. Яна здольная штурхаць людзей да адстойвання свайго гонару, годнасці і самасці, — перакананы Віталь Рыжкоў.

Пра тое, ці здольная літаратура абудзіць у людзях жаданне вярнуць сабе сваю ідэнтычнасць, ці існуе ў Беларусі падзел на “прабеларускую” і “прарасійскую” часткі і чаму крыўда мусіць стаць важным складнікам нашай нацыянальнай ідэі, мы і разважаем у праграме “Ідэя Х” з Віталём Рыжковым.

Жарты ў эміграцыі і чаканне белага дыму — Еўразум за 7 траўня | Новости Беларуси за 7 мая by Euroradio

Здымкі першага беларускамоўнага стэндап-канцэрта пройдуць у Варшаве. Яго зладзіць комік (і па сумяшчальнасці журналіст Еўрарадыё) Міхась Ільін. Мерапрыемства нашага калегі пройдзе 10 траўня. І ў вас ёсць магчымасць далучыцца да гэтай гістарычнай падзеі! Бо гэта не проста камедыйнае шоу. Гэта першы беларускамоўны стэндап-канцэрт, які трапіць у інтэрнэт.

Чаму было прынятае рашэнне запісаць канцэрт і ці сапраўды гэта будзе першы беларускамоўны стэндап-канцэрт, які трапіць у інтэрнэт? Якія цікавсткі і сюрпрызы чакаюць наведвальнікаў імпрэзі і ці будуць адмысловыя госці? Што з сябе ўяўляе беларускамоўны стэндап і ў чым адрозненні стэндапа за мяжой і ўнутры Беларусі? Пра гэта і шмат што іншае мы і разважаем у жывым эфіры Еўрарадыё са стэндап-комікам Міхасём Ільіным