euroradio.fm

У 2019-м годзе аналітык культуры Максім Жбанкоў ездзіў па Беларусі са стэндапам пад назвай “Што такое Белкульт і як з гэтым жыць”. Прайшло 6 гадоў, за якія мы перажылі рэвалюцыю і вялікую эміграцыю. Што ж такое беларуская культура ўзору лютага 2025-га года? Ці змянілі новыя рэаліі наш падыход да культуры? Ці навучыў нас час цаніць сваю адметнасць? Што за культурны пласт нарастае на месцы вымытага? Як нам з гэтым жыць?

Якія актуальныя падзеі апошніх сямі дзён мы абмяркуем у рэгулярнай праграме з Паўлам Усавым.

Быў узламаны і прыпыніў сваю дзейнасць ваенны маніторынгавы праект “Беларускі Гаюн” — праз неахайнасць актывістаў дзясяткі, калі не сотні беларусаў могуць трапіць у турмы. Таксама на волю нарэшце выйшла брэсцкая актывістка Паліна Шарэнда-Панасюк. З яе рэжым здзекаваўся апошнія чатыры гады, але так і не змог зламаць.

А яшчэ Аляксандр Лукашэнка захацеў з Беларусі зрабіць “цэнтр прыцягнення рэлігійных канфесій”. Толькі хто цяпер паедзе пад крыло аўтакрата? На гэтыя і іншыя пытанні мы паразмаўляем з Паўлам Усавым — палітолагам, доктарам палітычных навук і сябрам руху “Вольная Беларусь”.

На мінулым тыдні на волю выйшла палітвязынка Паліна Шарэнда-Панасюк. Яе вельмі хутка эвакуявалі з Беларусі і яна змагла ўз'яднацца са сваёй сям'ёй у Вільні.

Паліна правяла за кратамі 5 гадоў. Там яна падвяргалася беспрэцэдэнтным катаванням — ёй двойчы працягвалі тэрмін зняволення, замест пасылак прыносілі мяхі гнілых яблык, бясконца трымалі ў ШЫЗА і ПКТ. "У 23-м годзе я была на вуліцы ўсяго 8 дзён", — кажа палітзняволеная.

Мы пагаворым з Палінай пра доўгія гады чакання волі, здзекі над палітвязынкамі ў беларускіх турмах, пачуццё віны перад дзецьмі, ПТСР і далейшае змаганне за вольную Беларусь.

Гендарны поспех і дрон у Хойніках — Еўразум за 11 лютага | Новости Беларуси за 11 февраля by Euroradio

— Думаю, што настане час, і мы абавязкова сустрэнемся з Папам Рымскім, — заявіў Аляксандр Лукашэнка падчас гутаркі з прадстаўнікамі рэлігійных канфесій.

Мерапрыемства павінна было адбыцца напярэдадні "выбараў", але, відавочна, "ад граху далей" кіраўнік Беларусі перанёс яго на 10 лютага.

Чаму Бог, які справядлівы і ўсё бачыць, дапусціў чарговы тэрмін прэзідэнцтва дыктатара? Як Лукашэнка звальвае вайну на народ і Пуціна і засмучаецца, што яго завуць на святы толькі праваслаўныя? Навошта кіраўніку Беларусі прыйшло ў галаву аб'яднаць канфесіі ў нейкім адзіным цэнтры і ці ёсць у нашай краіне рэлігійная цярпімасць?

Больш падрабязна пра ўсё гэта і не толькі размаўляем з тэалагіняй, эксперткай у галіне рэлігіі, палітыкі і праваабароны Наталляй Васілевіч.

На мінулым тыдні ў ААН прайшло чарговае паседжанне Камітэта па ліквідацыі ўсіх формаў дыскрымінацыі ў адносінах да жанчын. Падчас яго ўпершыню за апошнія 9 гадоў быў прадстаўлены даклад з Беларусі. Прадстаўніца нашай краіны ў ААН Ларыса Бельская рапартавала пра прагрэс у галіне гендарнай роўнасці і пра тое, як усё добра з правамі жанчын Беларусі.

Але даклад Бельскай не пераканаў сяброў Камітэту. Чаму? Пра гэта ў 13:00 па Мінску размаўляем з гендарнай эксперткай Настай Базар. Наста на свае вочы бачыла, як прадстаўніца Беларусі адказвала на пытаніі камісіі, а дагэтуль актывістка прадставіла сваю справаздачу ў ААН наконт сітуацыі з гендарнай роўнасцю ў Беларусі.

Крывавы твітар і суд над Лукашэнкам у Мінску — Еўразум за 10 лютага | Новости Беларуси за 10 февраля by Euroradio

Хто мае плаціць на спатканні — хлопец ці дзяўчына? — Еўразум за 7 лютага | Новости за 7 февраля by Euroradio

Старшыні райвыканкамаў будуць "узгадняць" кіраўнікоў прыватных прадпрыемстваў на "сваёй" тэрыторыі. Бо з дзяржаўнымі прадпрыемствамі ўсё ўжо ясна — іх на калені ўжо не паставіш, давядзецца пакінуць ляжаць. А вось з прыватнікаў яшчэ ёсць, што ўзяць — але дзяліцца яны не спяшаюцца.

Пра кадравыя ноў-хаў лукашэнкаўскіх уладаў, казус Матолькі, вызваленне Паліны Шарэнды-Панасюк, падаткі EPAM і Wargaming у бюджэт Літвы размаўляем сёння з блогерам і палітыкам Аляксандрам Кныровічам.

Хто выратаваў замярзаючае Прыднястроўе. Эканамічныя навіны Беларусі за тыдзень by Euroradio