euroradio.fm

Пікіроўка міністраў і дзіцячае атлусценне — Еўразум за 4 лютага | Новости Беларуси за 4 февраля by Euroradio

Да нядаўняга часу еўрапейскія палітыкі разважалі, як абараніцца ад выклікаў, сыходзячых ад Расіі. Але ў выніку пагроза прыйшла адтуль, адкуль ніхто не чакаў — з-за акіяну, у выглядзе самага багатага чалавека ў свеце Ілана Маска.

Маск вырашыў вярнуць еўрапейцам былую веліч і запэўніць немцаў у прыватнасці ў вялікасці іх нацыі. Частка немцаў, як і еўрапейскай палітычнай эліты, у шоку. Ці праглынуць еўрапейскія лідары нахабства Маска, як гэта робяць рэспубліканцы?

Гэта ды іншае абмяркоўваем з гісторыкам і палітычным аглядальнікам Аляксандрам Фрыдманам.

Трэцяга лютага Цэнтральная выбарчая камісія агучыла афіцыйныя вынікі прэзідэнцкіх "выбараў" у Беларусі. Паводле звестак ЦВК, Лукашэнка набраў 86,82% галасоў, чым чакана апярэдзіў сваіх апанентаў.

На фоне страсцей, якія палаюць у ЗША, навіна пра пераабранне дыктатара на чарговы тэрмін прайшла незаўважна. У першыя дні пасля галасавання, калі вынік яго быў ужо, агулам, зразумелы, Лукашэнку павіншавалі лідары толькі некаторых краін.

рып, коклюш і дзіцячае атлусценне — менавіта на гэтыя тры захворванні раіць звярнуць увагу слухачоў Еўрарадыё доктар-педыятр Мая Церакулава ў пачатку 2025 года.

Эпідэмія грыпу лютуе ў Еўрасаюзе. На гэты момант дамінуе штам грыпу тыпу B.

Пакуль еўрапейцы б'юць трывогу, беларускія чыноўнікі па традыцыі супакойваюць грамадзян, маўляў, усё ў нас стабільна. У той жа час яшчэ ў канцы 2024-га Міністэрства аховы здароўя падоўжыла кампанію вакцынацыі ў Беларусі, спаслаўшыся на рост выпадкаў захворвання ў суседзяў.

Легалайз у вольнай Беларусі і зорнае таксі — Еўразум за 3 лютага | Новости Беларуси за 3 февраля by Euroradio

Пуцін як папугай паўтарае і паўтарае, што Зяленскі — нелегітымны прэзідэнт Украіны. Сябе ж Пуцін лічыць легітымным і дадае, што ён гатовы да перамоваў — але не з Зяленскім, а з Трампам. "Але без Украіны такія перамовы не прывядуць да вынікаў, без нас гэта было б няправільна", — адказвае прэзідэнт Украіны.

Тым часам Дональд Трамп кажа, што яго адміністрацыя падтрымлівае кантакты з Украінай, Расіяй і "рознымі бакамі". А дарадца прэзідэнта ЗША па Украіне і Расіі Кіт Келаг заявіў, што ва Украіне, дзе дзейнічае вайсковае становішча, трэба правесці выбары прэзідэнта і Вярхоўнай рады.

Ці магчымыя такія выбары і да чаго яны могуць прывесці? Абмяркоўваем гэта з палітолагам, дырэктарам украінскага Інстытута сусветнай палітыкі, экспертам iSANS Яўгенам Магдам.

ЗША дагэтуль не пракаментавалі выбары ў Беларусі, і некаторыя эксперты мяркуюць, што гэта можа быць звязана з перамовамі, якія вядуцца бакамі. Маўляў, дыялог тычыцца вызвалення палітвязняў, за якіх змагаецца амерыканскі бок. І вызваленне за маўчанне — умова Мінска.

Наколькі імаверная такая версія? Як успрымаць крокі Трампа, якія тычацца міграцыйнай палітыкі і заяваў па Палестыне? Ці прайграла Расія ў Сірыі і ці варта верыць новай адміністрацыі гэтай краіны?

Ахвяра Бондаравай і Твітар пра выбры — Еўразум за 31 студзеня | Новости Беларуси за 31 января by Euroradio

Лукашэнка чуйна ловіць трэнды. Калі Ілан Маск ускідвае руку да Сонца — і ён тут як тут. І ў гэты момант уся дзяржаўная ідэалогія, заснаваная на перамозе ў Вялікай Айчыннай вайне, можа пачакаць.

А беларускаму Цэнтрвыбаркаму так хацелася паказаць, што выбары — гэта ўсенароднае свята, што намаляваныя ім лічбы пачалі выклікаць сумневы нават у людзей, якія вераць лукашэнкаўскай прапагандзе. Палітык і блогер Аляксандр Кныровіч паспрабуе даказаць, што яўка, пра якую адсправаздачыўся ЦВК, папросту немагчымая.

Адборная хлусня і невяртанне медыкаў — Еўразум за 30 студзеня | Новости Беларуси за 30 января by Euroradio