euroradio.fm

Яшчэ да інаўгурацыі і афіцыйнага ўваходжання ў Белы Дом у якасці прэзідэнта ЗША Дональд Трамп нарабіў шуму сваімі замежнапалітычнымі заявамі і амбітнымі геапалітычнымі планамі. Тут і пра далучэнне Канады да ЗША 51-м штатам, і пра набыццё Грэнландыі, і пра вяртанне Панамскага канала, і гэтак далей. Гэта, а яшчэ спрэчныя памкненні паплечніка новаабранага прэзідэнта ЗША, прадпрымальніка Ілана Маска, улезці са сваімі парадамі ў палітыку шэрагу еўрапейскіх краін стварылі напружанне ў адносінах з будучай адміністрацыя Трампа і ім самім.

Якія мэты пераследуе Трамп сваімі гучнымі замежнапалітычнымі заявамі і ці будзе ён імкнуцца іх ажыццявіць, як стане дзейным прэзідэнтам? Ці варта чакаць, што тэма міру ва Украіне не знікне з парадку дня Трампа ў будучыні, і чаго ад гэтых перамоў чакаць беларусам? Ці ёсць шансы ў Лукашэнкі наладзіць адносіны з Трампам і ці пойдзе Еўрасаюз насустрач Мінску пасля 26 студзеня? На гэтыя ды іншыя пытанні ў эфіры Еўрарадыё адказвае палітычны аналітык, аглядальнік Віталь Цыганкоў

Насуперак усяму і ў вымушанай эміграцыі беларусы працягваюць ствараць новыя культурныя праекты, запісваць альбомы, выдаваць кнігі, ладзіць канцэрты, выставы і тэатральныя пастаноўкі. Не выключэнне ў гэтай працы на беларускую культуру і “Вольны хор”, які абяцае сёлета прадставіць прыхільнікам і аматарам харавых спеваў новы альбом. А яшчэ яго кіраўніца, дырыжорка Галіна Казіміроўская рыхтуе да выдання кнігу, распачынае спецыяльны праект са сваім калектывам “Concordia Choіr” і нешта цікавае рыхтуе ў межах Беларускай школы мастацтваў імя М. Равенскага ў Варшаве…

Якія чарговыя цікавосткі знайшла Галіна Казіміроўская ў архівах лонданскай бібліятэкі імя Скарыны і што плануе рабіць са знойдзенымі рарытэтамі? Ці варта чакаць новага альбома ад “Вольнага хору” і што за кнігу рыхтуе яго дырыжорка да друку? Што за праект разам з “Concordia Choir” пачынае Казіміроўская ў Варшаве і чым жыве Беларуская школа мастацтваў імя М. Равенскага? На гэтыя ды іншыя пытанні ў эфіры Еўрарадыё адказвае мастацкая кіраўніца і дырыжорка калектыву “Concordia Choіr”, заснавальніца “Вольнага хору” і Беларускай школы мастацтваў імя М. Равенскага ў Варшаве Галіна Казіміроўская

За паўтара месяца да выбараў у Германіі павялічваецца папулярнасць ультраправай партыі “Альтэрнатыва для Германіі”. Той самай, якую называюць “прапуцінскай” і падтрымку якой выказаў найбліжэйшы паплечнік Дональда Трампа, новаспечаны эксперт па еўрапейскай палітыцы Ілан Маск. Але папулісты, правыя ды іншыя “пуціністы” набываюць пэўную папулярнасць і ў іншых краінах Еўропы. Нібыта гэта вынік стомленасці ад вайны, якую гэты ж Пуцін і распачаў ва Украіне. І якую новаабраны прэзідэнт ЗША абяцае хутка скончыць.

Якія прычыны прыводзяць да росту папулярнасці ультраправых і прапуцінскіх сіл і чым гэта пагражае Еўропе і Беларусі? Ці варта чакаць, што ў будучыні тэма міру ва Украіне не знікне з парадку дня Трампа і чаго чакаць беларусам ад гэтых перамоў? Ці варта бачыць нейкі знак у факце дэмастрацыі фота Бабарыкі і які адказ на гэты знак магчымы? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай

Мудрасць палешукоў і "белыя" долары — "Раніца з Еўрарадыё" за 11 студзеня by Euroradio

Праблема з драўнінай і паажар у Каліфорніі — Еўразум за 10 студзеня | Новости Беларуси за 10 января by Euroradio

2025 год пачаўся хай і не з вызвалення з-за кратаў новай групы палітвязняў, але з не менш важнай навіны: пасля 623 дзён інкамунікада былі паказаныя фота Віктара Бабарыкі і выкладзенае ў свабодны доступ кароткае відэа з ім. Усё гэта адбываецца на фоне электаральнай кампаніі па “пераабранні” Лукашэнкі, заяў пра неабходнасць прысутнасці прадстаўніка афіцыйнага Мінска на перамовах па дасягненні міра ва Украіне і… рэпрэсій у самой Беларусі, якія не спыняюцца ні на гадзіну.

Як варта ўспрымаць рашэнне рэжыму прадэманстраваць грамадскасці Бабарыку і ці варта чакаць, што следам можа быць апублікаванае фота Сяргея Ціханоўскага? Ці стане гэта пачаткам палітычнай адлігі і чаго рэжым чакае ў адказ? Ці здольныя дэмсілы ў 2025 годзе змяніць сваю стратэгію адносна пытання вызвалення палітвязняў? На гэтыя ды іншыя пытанні ў эфіры Еўрарадыё адказвае рэдактарка выдання “План Б”, былая палітзняволеная Вольга Лойка

Музей Вольнай Беларусі, які ўжо некалькі гадоў працуе ў цэнтры Варшавы, — гэта не толькі памяшканне, дзе адбываюцца розныя культурніцкія імпрэзы, канферэнцыі, прэзентацыі ды тэатральныя прэм’еры. Гэта і сапраўдны музей, які цягам усяго часу свайго існавання збірае экспанаты для будучых экспазіцый. І ўжо сабраная немалая калекцыя розных цікавостак.

Як прайшоў 2024 год для музея Вольнай Беларусі і чым ён быў адметны? Ці шмат экспанатаў сабрана ў музеі і з чаго складаецца калекцыя? Ці адпавядае беларускі музей за мяжой чаканням беларусаў і што плануецца змяніць у яго працы? На гэтыя ды іншыя пытанні ў эфіры Еўрарадыё адказвае кіраўніца музея Вольнай Беларусі, адказная за сацыяльныя і культурныя пытанні ў Народным антыкрызісным упраўленні Наталля Задзяркоўская.

Мінск цалкам перайшоў на артэзіянскую ваду — гэта добра! Лепш позна, чым ніколі. Але беларусы ў Лукашэнкі ўсё розўна апынуліся вінаватымі: па-першае, у тым, што не цэняць магчымасць карыстацца пітной вадой і "бесшабашна" ставяцца да рэсурсаў. А па-другое, у тым, што за гэтую самую ваду недаплачваюць.

Тым часам у Беларусі пачаліся праблемы з лесам. Урад нават ўвёў мыты на экспарт лесаматэрыялаў і вырабаў з драўніны — для "перадухілення дэфіцыту". Як такое можа быць, каб у Беларусі скончыўся лес?

Абмяркоўваем гэта з блогерам і палітыкам Аляксандрам Кныровічам.

У новым выпуску праграмы "Хаў мач" гаворым пра новую сістэму рэгулявання коштаў і тлумачым, якое дачыненне да беларускай эканомікі мае пустыня Сахара.

Вяртанне Сталіна і падман з электрамабілем — "Раніца з Еўрарадыё" за 10 студзеня by Euroradio