euroradio.fm

Завяршэнне 2024 года выдалася багатым на падзеі і навіны. Што праўда, цягам усяго года гэтыя навіны часцей былі негатыўнымі і нават трагічнымі, але здараліся і пазітыўныя. Да прыкладу, падчас саміту СНД кіраўнік Арменіі ўдала патроліў Лукашэнку. Але потым здарылася трагедыя з пасажырскім самалётам азербайджанскіх авіяліній, які быў збіты на тэрыторыі Расіі… І гэта далёка не ўсе падзеі апошніх дзён года, на якія варта звярнуць увагу. Як і прыгадаць іншыя важныя падзеі 2024 года.

Што найбольш адметнае здарылася ў свеце міжнароднай палітыкі за год і як гэтыя падзеі адбіліся на Беларусі? Ці варта чакаць, што Арменія і Азербайджан спыняць супрацу з Расіяй? Чым скончацца спрэчкі пра змену стратэгі дэмсіл і хто з беларускага боку сядзе за стол мірных перамоў адносна вайны ва Украіне? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай

Ірына Сідорская. Gender Gap: падводзім вынікі года by Euroradio

І ў 2024 годзе беларусы не спыняліся ў сваёй салідарнасці. Праз розныя дабрачынныя фонды і ініцыятывы яны працягвалі збіраць дапамогу, данаціць на розныя зборы, дапамагалі і падтрымлівалі адно аднаго. Не зважаючы на тое, што большасць беларусаў самі аказаліся ў складанай жыццёвай і фінансавай сітуацыі. Насуперак спробам рэпрэсіўнай машыны лукашэнкаўскага рэжыму спыніць гэтую салідарнасць альбо дыскрэдытаваць фонды.

Што адбываецца вакол фондаў салідарнасці і ці атрымалася ў рэжыму іх дыскрэдытаваць і спыніць працу ў Беларусі? Хто патрабуе сёння найбольшай дапамогі і ці атрымліваецца аказаць яе ўсім, як фукцыянуе служба эвакуацыі? Чым быў адметны для BYSOL 2024 год і якіх выклікаў чакаюць ад года 2025-га? На гэтыя ды іншыя пытанні ў эфіры Еўрарадыё адказвае сузаснавальнік і кіраўнік дабрачыннага фонду BYSOL, праваабаронца Андрэй Стрыжак

Неідэальная эканоміка і ніякага курэння — Еўразум за 27 снежня | Новости Беларуси за 27 декабря by Euroradio

Цягам года то з большай, то з меншай актыўнасцю ў асяродку дэмсіл прасоўвалася стратэгія, якую можна акрэсліць так: “Ці ўсё магчымае мы робім для вызвалення палітвязняў?” У кожнага былі свае адказы на гэтае пытанне, але, што адметна, з цягам часу ўсё больш людзей пераходзіла на пазіцыю неабходнасці перагледзець падыходы да гэтага пытання і змяніць рыторыку адносна лукашэнкаўскага рэжыму. Маўляў, трэба казаць не пра змаганне да перамогі, а пра неабходнасць знайсці варыянты перамоў з рэжымам і вызвалення палітвязняў…

Што дае падставы меркаваць, што рэжым гатовы вызваляць палітвязняў, і на якіх умовах? Хто можа і мусіць весці перамовы з рэжымам і ці гатовы Захад “упісвацца” за беларускіх вязняў? Што дае вызваленне адных, калі наўзамен за краты трапляе яшчэ большая колькасць людзей? На гэтыя ды іншыя пытанні ў эфіры Еўрарадыё адказвае рэдактарка выдання “План Б”, былая палітзняволеная Вольга Лойка

Пераабраная Каардынацыйная рада як пачала свой шлях са скандалаў, так, такое адчуванне, вырашыла і далей прытрымлівацца іміджу структуры, дзе больш супярэчнасцяў, чым здольнасці дасягаць вынікаў сумеснымі намаганнямі. Тым не менш, нешта рабілася, нейкія сустрэчы ладзіліся, абмеркаванні адбываліся.

Чым адметны для Каардынацыйнай рады і агулам дэмакратычных сіл 2024 год і ці можна казаць хоць пра нейкія здабыткі? Ці магчымая змена стратэгіі дэмсіл што да лукашэнкаўскага рэжыму і ці ёсць па гэтым пытанні кансенсус у КР? Якія чаканні на 2025 год і на чым варта сканцэнтраваць свае намаганні дэмсупольнасці? На гэтыя ды іншыя пытанні ў эфіры Еўрарадыё адказвае сябра Каардынацыйнай рады ад фракцыі “Воля”, экс-прадстаўнік “Паспалітага рушання” Сяржук Кядышка

Легендарная сляпая вяшчунка баба Ванга прадказала, што ў 2025 годзе адбудзецца канец свету. Прадказанне супала з прагнозам Настрадамуса, але не спяшайцеся хавацца пад ложак. Бярыце прыклад з палякаў, якія спадзяюцца на лепшае і робяць усё, што ад іх залежыць — напрыклад, працягваюць змагацца з кліматычнымі зменамі і ўводзяць чарговыя правілы сартавання смецця.

Падрабязней пра гэта, а таксама пра тое, якая кухня прызнаная найлепшай на Землі і чаму немцы ядуць на Каляды бульбяную салату ды сасіскі, слухайце ў нашым традыцыйным аглядзе міжнародных падзей.

Апошнія дні 2024 года атрымаліся багатымі на падзеі і сэнсы. Расія (выпадкова) збіла азербайджанскі самалёт — і Азербайджан чакае афіцыйных прабачэнняў. Арменія нахабна дэманструе, што ні ў што не ставіць ЕАЭС. А Лукашэнка здзіўляе Пуціна сваёй хлуснёй пра "Арэшнікі".

Усё гэта абмяркуем у стрыме з Аляксандрам Кныровічам.

Гаворым пра тое, чаму у беларускай эканоміцы не усё так ідэальна як падаецца і з чым яна сутыкнецца ў Новым годзе.

Кандыдатка Ганна і трып у Сувалкі — Еўразум за 26 снежня | Новости Беларуси за 26 декабря by Euroradio