euroradio.fm

Відэа ад “Сумленных людзей”, у якім беларусам прапаноўваецца прагаласаваць супраць усіх на так званых “выбарах” 2025 года, выклікала шмат крытыкі. Маўляў, хай сабе і “супраць усіх”, але ці трэба ўвогуле казаць, каб людзі ішлі на выбарчыя ўчасткі і “стваралі масавасць” для бэтэшнай карцінкі прапаганды... А потым яшчэ і выйшла нейкае непаразуменне з лічбамі праглядаў ды ўпадабанняў…

Як ствараўся ролік пра “галасуй супраць усіх” і ці сапраўды там закладзены заклік да беларусаў ісці на выбарчыя ўчасткі? Ці былі накруткі праглядаў, што не так з лічбамі пад ролікам і навошта было яго рэкламаваць? Ці ёсць чым пахваліцца са зробленага “Сумленнымі людзьмі” цягам 2024 года? На гэтыя ды іншыя пытанні ў эфіры Еўрарадыё адказвае лідарка грамадскай суполкі "Сумленныя людзі", былая віцэ-спікерка Каардынацыйнай рады Алена Жываглод

Чым далей ад дня сённяшняга падзеі 2020 года, тым часцей чуваць словы пра неабходнасць “перагарнуць старонку”, “думаць пра лёсы людзей, а не пра зрынанне рэжыму” і гэтак далей. Да ўсяго дадаецца расчараванне ў лідарах і структурах, якія “нічым не дапамагаюць”, “абяцанай перамогі не прынеслі”, “невядома на што трацяць заходнюю дапамогу”… Карацей, недзе ў развагах пачынае мільгаць тэма “нацыянальнага прымірэння”.

Як на ўспрыманне рэчаіснасці і дзеянняў рэжыму ўплывае адлегласць па часе ад падзей, якія сталі трыгерам сённяшняй “беларускай сітуацыі”? Ці магчымае прымірэнне пераможцы-тырана і яго пераможаных апанентаў? Ці сапраўды можна казаць пра паразу рэвалюцыі і ці ёсць прыкладу паспяховага “нацыянальнага прымірэння”? Пра гэта і шмат што іншае мы і разважаем у жывым эфіры Еўрарадыё з кандыдатам гістарычных навук, маяністам Яўгенам Красуліным

У Беларусі павялічылася працягласць жыцця. Адпаведнымі звесткамі падзяліўся Белстат. Калі ў 2000 годзе працягласць жыцця складала 69 гадоў, то ў 2023-м — 74,6. Пры гэтым мужчыны ў сярэднім жывуць 69,3 года, а жанчыны — 79,7 года. Адначасова праўладныя сацыёлагі праводзяць апытанне, каб паказаць, што ў нас пануюць “традыцыйныя каштоўнасці”, але ў той жа час і кар’ера важная для жанчын...

Пра гэта і шмат што іншае мы і разважаем з гендарнай даследчыцай Ірынай Сідорскай у чарговым выпуску Gender Gap

МВФ кажа, што эканоміка Беларусі ў 2024-м годзе — трэцяя па росце ВУП у Еўропе. Еўразійскі банк развіцця прагназуе, што дзяржаўная палітыка ў сферы аплаты працы і інвестыцый дазволяць захаваць высокія тэмпы росту і ў 2025-м. Адкуль такія паказчыкі і прагнозы? Як так здарылася, калі краіна з усіх бакоў абкладзеная санкцыямі?

Поспехі і факапы беларускай эканомікі ў 24-м абмяркоўваем з эканамістам, кіраўніком праекту "Кошт урада" Уладзімірам Кавалкіным.

Кодэкс аб ахове здароўя і вынікі года ад “Чык-Чырык” — Еўразум за 23 снежня | Новости за 23 декабря by Euroradio

Амерыканскім грамадзянам рэкамендавана ўстрымацца ад паездак у Беларусь. А ўсё праз “адвольнае прымяненне законаў беларускімі ўладамі, рызыкі затрымання, патэнцыйныя магчымасці масавых пратэстаў, садзейнічанне Беларуссю вайне Расіі супраць Украіны, абмежаваныя магчымасці пасольства ЗША аказаць дапамогу грамадзянам ЗША ў краіне”. Такую рэкамендацыю надоечы агучыў Дзярждэп ЗША. У гэты ж час Лукашэнка ладзіць чарговую турпаездку — цяпер у ААЭ. Які будзе вынік для Беларусі, сказаць складана, але, можа, і не па гэта ён у той бок вандруе… Затое вядома, з якімі мэтамі вандруюць на Захад ганцы рэжыму.

Як на імідж Беларусі ўплываюць такія рэкамендацыі Дзярждэпа і ці прымушае гэта задумацца заходніх палітыкаў пра неабходнасць наладжвання адносінаў з Мінскам? Ці маюць плён паездкі Лукашэнкі ў ААЭ і іншыя краіны таго рэгіёна і чаму Украіна так нервова адрэагавала на яго заявы пра ўдзел у мірных перамовах? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай

Пра тое, што санкцыі “не працуюць”, “пагаршаюць жыццё не Лукашэнкі, а простых беларусаў”, “штурхаюць Беларусь у абдымкі да Масквы”, мы чуем не толькі з боку лукашэнкаўскай прапаганды, але і ад асобных прадстаўнікоў дэмакратычных сіл. На прыкладзе падсанкцыйнага прадпрыемства БЕЛАЗ раследавальнікі BELPOL на пальцах тлумачаць, як “санкцыі не працуюць” у выпадку гэтага гіганта. А дакладней, як гэта ўплывае на прыбытак “сям’і”, якая, калі верыць папярэднім фільмам-расследаванням, фактычна абкрадае завод і бюджэт краіны, узбагачаючыся на гэтым.

Як санкцыі ўплываюць на схемы, з дапамогай якіх “сям’я” і яе стаўленікі ўзбагачаюцца за кошт БЕЛАЗа? Ці сапраўды санкцыі, накладзеныя на прадпрыемствы, б’юць па простых беларусах і што наконт прывязкі да Расіі і расійскага рынка? Чаму застаецца магчымым экспарт прадукцыі падсанкцыйных прадпрыемстваў у краіны ЕС? На гэтыя ды іншыя пытанні ў эфіры Еўрарадыё адказвае прадстаўнік ініцыятывы BELPOL Уладзімір Жыгар.

Элітны лэндлорд і сіла Жазэль — Еўразум за 20 снежня | Новости Беларуси за 20 декабря by Euroradio

З Беларусі абмежавалі вываз бульбы. Пакуль што на тры месяцы — але скажам шчыра, надзеяў, што ў лютым бульбы ў Беларусі раптам стане больш, няма. Што адбываецца? Гэта так улады вырашылі ламаць стэрэатыпы?

Абмяркуем гэта з палітыкам і блогерам Аляксандрам Кныровічам. А таксама пагаворым пра Пуціна, якому то сумна, то страшна, Лукашэнку, які стаяў ля вытокаў развіцця TikTok у Беларусі (ну, ён так кажа) і мільёны, вылучаныя на дапамогу беларускай грамадзянскай супольнасці.

Кракаўскую ялінку прызналі самай прыгожай ялінкай у свеце. Яна абагнала нават навагоднюю ялінку ў Нью-Ёрку! Тым часам у Іспаніі склалі рэйтынг самых “выхаваных” і “нявыхаваных” гарадоў, а папулярны “дубайскі шакалад” у Германіі назвалі шкодным.

Калі выйдзе новы “Супермэн” і падрабязней пра ўсё тое, што адбываецца ў свеце, слухайце ў нашым традыцыйным аглядзе міжнародных падзей.