euroradio.fm

Ядравы электарат і больш не дыктатар — Еўразум за 25 лістапада | Новости Беларуси за 25 ноября by Euroradio

Тэма размяшчэння на тэрыторыі Беларусі расійскай ядзернай зброі апошнім часам адышла на трэці план. І ўсё выключна таму, што нібыта большасць пытанняў наконт таго, ці сапраўды яе ў Беларусь завезлі, адпала. Маўляў, і завезлі, і размясцілі, і нават вучэнні адпаведныя правялі. Ну, а калі верыць Лукашэнку, то менавіта ён той "ядзеркай" і будзе камандаваць: вырашаць, калі і па кім яе выкарыстоўваць. Вось толькі ў расследавальнікаў з BELPOL інфармацыя супрацьлеглая той, якую нам упарта прапіхвалі лукашэнкаўская і расійская прапаганды.

Ці была насамрэч прывезеная ў Беларусь расійская ядзерная зброя і што наконт вучэнняў з ёй беларускіх вайскоўцаў? Ці будзе ў Лукашэнкі ў выпадку знаходжання на беларускай тэрыторыі расійскай “ядзеркі” магчымасць ёй камандаваць? Чым небяспечная расійская ядзерная зброя на беларускай зямлі для самой Беларусі і што з сябе рэальна ўяўляе “ядзерная дубінка” Лукашэнкі? На гэтыя ды іншыя пытанні ў эфіры Еўрарадыё адказвае прадстаўнік ініцыятывы BELPOL Уладзімір Жыгар

Ніякі Лукашэнка не дыктатар і рэжым у Беларусі не дыктатарскі. Вось калі б Лукашэнка мог прыйсці ў ЗША, Расію ці Кітай, тупнуць там нагой, загадаць, каб рабілі так, як ён скажа, і ўсё кінуліся выконваць — вось тады б можна было казаць пра нейкага дыктатара Лукашэнку і яго дыктатарскі рэжым! А так… Інструментаў дыктатарскіх няма ў яго! І не трэба казаць пра нейкія там рэпрэсіі ў краіне, палітвязняў, вынішчаную грамадзянскую супольнасць і знішчаную свабоду слова — гэта іншае, вы не разумееце…

Якія вызначэнні ў дыктатуры і на каго разлічаныя гэтыя дзіцячыя адгаворкі Лукашэнкі? Чаму ў свеце робіцца ўсё больш небяспечных для беларусаў краін і як на настроі дыяспары ўплывае сітуацыя з Васілём Верамейчыкам? Чым адметныя апошняе “памілаванне” палітвязняў і злівы тэлефонных размоў Лукашэнкі з Прыгожыным? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук Розай Турарбекавай.

Куды падзець УНС і галаграмны Ісус — Еўразум за 22 лістапада | Новости Беларуси за 22 ноября by Euroradio

Вільню прызналі еўрапейскай каляднай сталіцай 2025 года. Тым часам жыхара Гамбурга асудзілі за тое, што той усталяваў у дзіцячым садку святочную ялінку.

Які падарунак да Калядаў падрыхтавала Ангела Меркель сваім прыхільнікам і якім чынам пенсіянерка з Канады двойчы трапіла ў Кнігу рэкордаў Гінэса — слухайце ў нашым традыцыйным аглядзе міжнародных падзей.

Следам за нашумелым звальненнем з пасады кіраўнічкі "Белсату" Агнешкі Рамашэўскай-Гузы (Agnieszka Maria Romaszewska-Guzy) стала вядома, што тэлеканал перастаў быць асобным каналам і атрымаў статус беларускай рэдакцыі на канале, які падзеліць эфір з расійскай і ўкраінскай рэдакцыямі. Але на гэтым “сюрпрызы” не скончыліся. Гэтак жа нечакана прымаецца рашэнне аб прызначэнні кіраўніцай “Белсата” Аліны Коўшык. І нечаканасць тут не ў тым, што Аліна, якая адпрацавала да свайго сыхода ў палітыку на “Белсаце” шмат гадоў, а ў тым, што яна на той момант была і лідаркай фракцыі ў КР, і прадстаўніцай у АПК… А яшчэ і ўдзел Святланы Ціханоўскай у першай рэдакцыйнай планёрцы пасля прызначэння Коўшык на пасаду прымусіў задумацца.

Як адбывалася прызначэнне і што прымусіла прыняць прапанову ўзначаліць “Белсат”? Ці захаваецца “Белсат” у ролі ўплывовага СМІ пры абмежаваным вяшчанні і якія змены яшчэ чакаць рэдакцыі? Ці меў Офіс дачыненне да прызначэння Коўшык і што наконт палітычнай ангажаванасці і цэнзуры? На гэтыя ды іншыя пытанні ў эфіры Еўрарадыё адказвае былая прадстаўніца Аб'яднанага пераходнага кабінета па нацыянальным адраджэнні, былая лідарка фракцыі “Еўрапейскі выбар” у Каардынацыйнай радзе, галоўная рэдактарка “Белсат” Аліна Коўшык

Пытанне адукацыі і падтрымкі ды захавання нацыянальнай ідэнтычнасці ў дзяцей вымушаных эмігрантаў з Беларусі застаецца актуальным і праз некалькі гадоў пасля выезду з краіны. Асабліва калі магчымасці арганізаваць школы з беларускамоўнай адукацыяй няма. І тут на дапамогу прыходзяць школы “выходнага дня”, адукацыйныя курсы, культурніцкія праекты і ініцыятывы для дзяцей.

Чым адметная Школа для дзяцей ЦБС і чаму там вучаць? Ці магчыма праз такія ініцыятывы захаваць у дзяцей іх ідэнтычнасць і навошта гэта ў эміграцыі? З якімі складанасцямі сутыкаецца школа і ці атрымліваецца іх вырашаць? На гэтыя ды іншыя пытанні ў эфіры Еўрарадыё адказваюць супрацоўніца школы для дзяцей Цэнтра беларускай салідарнасці Ганна Ермакова і прэс-сакратар ЦБС Антось Жукаў

22 лістапада Лукашэнка прыехаў са стэндапам у МДЛУ. Пачаў з таго, што з назвы ўніверсітэта трэба выкінуць слова "лінгвістычны", а скончыў тым, што ніякі ён не дыктатар. Паралельна прагаварыўшыся, што гэта ён загадаў на тры дні адключыць у Беларусі інтэрнэт у жніўні 2020-га.

Абмяркуем гэта з блогерам і палітыкам Аляксандрам Кныровічам. А таксама пагаворым пра курс долара, які перакрочыў 3 рублі 40 капеек і не захацеў спыняцца, дэпартацыю каліноўца Васіля Верамейчыка з В'етнама ў Беларусь, расійскі "Арэшнік".

На тыдні Лукашэнка правёў у сваёй рэзідэнцыі пасяджэнне “прэзідыума Усебеларускага народнага сходу”. У лепшых традыцыях без трэшовых заяў не абышлося. Кшталту таго, што старшыні выканкамаў павінны прызначаць кіраўнікоў… прыватных фірм ды іншых структур. Але найбольш смешна выглядаў клопат Лукашэнкі наконт самога УНС, які павінен існаваць такім чынам, каб сваім існаваннем нікому не перашкаджаць працаваць. А тым больш не ствараць прэцэдэнт двоеўладдзя.

Якія мэты насамрэч пераследаваў Лукашэнка, сабраўшы пасяджэнне з прэзідыумам УНС і што насамрэч цікавага там прагучала? Ці магчымае ў Беларусі двоеўладдзе і чаго баіцца Лукашэнка на самай справе? Ці жыццяздольная структура УНС і чым адметная выбарчая кампанія-2025? На гэтыя ды іншыя пытанні ў эфіры Еўрарадыё адказвае намеснік прадстаўніка па транзіце ўлады Аб’яднанага пераходнага кабінета, намеснік кіраўніка Народнага антыкрызіснага ўпраўлення, прадстаўнік фракцыі “Спіс Латушкі і Руху “За свабоду” ў Каардынацыйнай радзе Арцём Брухан

Змаганне на вецер і экстрадыцыя ваяра — Еўразум за 21 лістапада | Новости Беларуси за 21 ноября by Euroradio