euroradio.fm

Напярэдадні 8 сакавіка Лукашэнка звярнуўся да беларускіх жанчын са стандартнымі словамі віншаванняў і падзякі. Здавалася б, нічога іншага ад яго чакаць і не даводзіцца, калі б не адно “але” — ён прапанаваў жанчынам звяртацца да яго наўпрост, і ён, нібыта, усе іх праблемы павырашае А да Пуціна звярнулася расійская блогерка Вікторыя Боня, якая даўно жыве ў Манака, але якой баліць за Расію і расіян. Звярнулся, каб расказаць пра праблемы праз адключэнні і блакіроўку інтэрнэту. А яшчэ беларусы даведаліся пра фіналістку конкурсу прыгажосці Алію Кароткую, якая ўсё часцей побач з Лукашэнкам. Здавалася б, такія розныя гісторыі…

Чым скончыліся звароты жанчын да Лукашэнкі і блогеркі да Пуціна, і пра што гэта сведчыць? Як звязаны тыя звароты да Лукашэнкі і Пуціна і гісторыя новай прыгажуні з атачэння Лукашэнкі? Як у гэтых гісторыях праяўляюцца “традыцыйныя каштоўнасці”, і што такое “мова прыніжэння”? Пра гэта і шмат што іншае мы і разважаем у жывым эфіры Еўрарадыё з гендарнай даследчыцай Ірынай Сідорскай

Дзяржава зноў нарошчвае долю ў буйных прадпрыемствах — у абмен на фінансавую падтрымку. У 2025 годзе як мінімум пяць дзяржпрадпрыемстваў атрымалі больш за 32 мільёны рублёў: цэментныя заводы, шкляная і дрэваапрацоўчая галіны. Пры гэтым грошы фактычна не вяртаюцца ў бюджэт — замест гэтага ўзмацняецца кантроль дзяржавы.

На гэтым фоне Беларусь экспартуе тавараў прыкладна ў дзесяць разоў менш, чым Польшча, расце экспарт калію ў Кітай.

Што адбываецца на валютным рынку і як ідуць справы з міжнароднымі пераводамі?

Пра гэта і не толькі ў эфіры Еўрарадыё размаўляем з эканамісткай Анастасіяй Лузгіной.

2020 год паказаў, што беларусы незадаволеныя як Лукашэнкам, так і той сістэмай дзяржаўнага кіравання, якая пры ім была створана. Сістэма, калі ўсё вырашаецца вертыкаллю ўлады, а ад людзей нічога не залежыць — рэжым не цікавіцца меркаваннем грамадзян краіны і не справаздачыцца перад імі ні за свае дзеянні, ні за рашэнні і іх вынікі. Тое, як людзі падчас пратэстаў і кавіднай эпідэміі вырашалі праблемы, якія перад імі паўставалі, як самаарганізоўваліся і бралі на сябе адказнасць, сведчыць: беларусы гатовыя самі адказваць і за сябе, і за сваю дзяржаву. А калі іх яшчэ і троху падвучыць!..

Ці можна дзяржаўнаму кіраванню навучыцца інакш, чым выключна ў Акадэміі дзяржкіравання, і пры чым тут “гарызантальныя сувязі ў грамадстве”? Чым адметная праца Прысмаковай “Асновы дзяржаўнага кіравання: стварэнне навыкаў і інстытутаў” і для каго насамрэч гэтая кніга? Ці можна грамадства, якое дзесяцігоддзямі пазбаўлялі магчымасці прымаць рашэнні, хутка навучыць кіраваць дзяржавай? На гэтыя ды іншыя пытанні ў эфіры Еўрарадыё адказвае прафесарка кафедры дзяржаўнага кіравання Фларыдскага Атлантычнага ўніверсітэта (Маямі, ЗША), даследчыца эканамічнага факультэта Варшаўскага ўніверсітэта, сяброўка Рады БНР Паліна Прысмакова

Трамп працягнуў рэжым спынення агню па Іране. Як вядома, ЗША Іран перамаглі, і цяпер “расколатая ўлада” гэтай краіны толькі павінна дамовіцца паміж сабой і выпрацаваць адзіны план для мірнага пагаднення з ЗША. Відаць, менавіта з гэтай нагоды Іран адмовіўся ад удзелу ў новых перамовах з Вашынгтонам, а Вэнс скасаваў сваю паездку ў Пакінстан. Гэта азначае, што супрацьстаянне працягнецца, і энергетычны крызіс ва ўсім свеце будзе толькі пашырацца. Што праўда, Расія на ім зарабіць наўрад ці зможа — дзякуючы Украіне.

Ці можна казаць, што Іран выстаяў у супрацьстаянні з ЗША і Ізраілем, і якога працягу гэтага канфлікту варта чакаць? Як на сітуацыю з энерганосьбітамі і энергетычны крызіс уплываюць удары Украіны па нафтагазавай сітэме Расіі, і ці маюць пад сабой глебу заявы Зяленскага наконт паглыблення ўцягвання Расіяй Беларусі ў вайну? Як выглядаюць спробы Офіса ўсталяваць кантакты з лідарамі БРІКС, і што стаіць за пазіцыяй Літвы наконт наладжвання адносін ЗША і ЕС з рэжымам Лукашэнкі? Пра гэта і шмат што іншае мы і разважаем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай

Лукашэнка ізноў загаварыў (не пра тое, што “ён наеўся ўлады і гатовы быў бы саступіць сваё крэсла іншаму, але”… — гэта слухаць ужо нават не цікава) пра памылковую адмову ад сістэмы кіравання “як у Савецкім Саюзе”. Захад падмануў, а мы, савецкія людзі, і паверылі. Што праўда, беларусы даўно, спадзяюся, не савецкія, вяртання ў аднапартыйнае камуністычна-гэбісцкае мінулае не жадаюць. Але адзін прыхільнік краіны самага смачнага пламбіру настойліва імкнецца нас туды запіхаць. І не саромеецца пра гэта сказаць. І гэта без уліку моўнага пытання, якое ў чарговы раз падзяліла беларусаў.

Што стаіць за настальгіяй Лукашэнкі па часах “вялікага Савецкага Саюза” і ці магчыма сёння зацягнуць у тое мінулае Беларусь? Ці не перабольшана моўная праблема для літаратараў і выдаўцоў за мяжой і ці магчымы па гэтым пытанні кансенсус? Як выглядаюць сёлетнія выбары ў Каардынацыйную раду і ці зможа яна вярнуць сабе давер беларусаў? Пра гэта і шмат што іншае мы і разважаем у жывым эфіры Еўрарадыё з сябрам “Вольнай Беларусі”, кіраўніком варшаўскага Цэнтра палітычнага аналізу і прагнозу Паўлам Усавым

Беларусам забароняць скардзіцца ў Тык-Ток? — Еўразум за 17 красавіка | Новости Беларуси за 17 апреля by Euroradio

Дэбаты: Мартынава супраць Пракопчык | выбары ў КР by Euroradio

Каб беларусы мелі да бульбы не толькі скварку (і чарку), але і рыбу — менавіта такой праблемай заняўся Лукашэнка. І паехаў у рыбгас. Там яму і прыгожых “рыбаў паказалі”, і якасць корму для рыб на сабе выпрабаваў дырэктар фірмы-вытворцы — скарыстаўся момантам і сам тых кармоў на вачах у Лукашэнкі і міністраў пад’еў. Ці падаравалі Лукашэнку на развітанне мех рыбы, як напярэдадні карову на жывёлагадоўчай ферме, невядома, але загад пабудаваць такіх жа прыбытковых рыбгасаў штук 10 па краіне — атрымалі.

Чаму Лукашэнка працягвае ўдаваць з сябе спецыяліста па ўсіх пытаннях, і што цяпер чакае рыбгасы ў Беларусі? Як можна скардзіцца Лукашэнку праз ТікТок, калі Качанава хоча, каб за такія скаргі людзей каралі? Ці будзе пакараны забудоўшчык “Мінск-Свету”, і пра што сведчыць сітуацыя са Статкевічам, які нібыта дагэтуль знаходзіцца за кратамі? На гэтыя ды іншыя пытанні ў эфіры Еўрарадыё адказвае рэдактарка выдання “План Б”, былая палітзняволеная Вольга Лойка ў 13:00. Праграма выходзіць раз на два тыдні.

эма дактароў у Беларусі і беларускіх дактароў за мяжой не адпускае як галоўнага эксперта па медыцыне — Лукашэнку, так і саміх дактароў. Эксперт па ўсіх пытаннях “на блакітным воку” расказвае, што ў Беларусі і дактароў хапае, і заробкі ў іх добрыя, і ўзровень медыцыны вышэйшы за еўрапейскі. А тыя няўдзячныя, каго дзяржава вывучыла бясплатна і хто з’ехаў за мяжу, толькі і могуць, што мыць у Польшчы прабіркі і марыць пра вяртанне. Вось толькі што самі дактары — як у Беларусі, так і за мяжой, — што пацыенты ў беларускіх паліклініках такога аптымізму, як у Лукашэнкі, адносна сітуацыі з лекарамі і медыцынай у краіне не маюць.

Што насамрэч адбываецца з беларускай медыцынай і канкрэтна з кадрамі ў гэтай сферы? Як можна выправіць сітуацыю і ці дапамогуць у гэтым замежныя студэнты і мігранты? Ці можна з дапамогай гульні Мацкевіча змяніць сітуацыю ў дэмсілах, і што такое “Сувалкі клуб”? Пра гэта і шмат што іншае мы і разважаем у жывым эфіры Еўрарадыё з блогерам Аляксандрам Кныровічам

Ці зменяцца адносіны Венгрыі і Беларусі пры новым прэм'еры — Еўразум за 16 красавіка | Новости Беларуси за 16 апреля by Euroradio