euroradio.fm

"Невыносна": памёр Мікіта Мелказёраў — Еўразум за 22 снежня | Новости Беларуси за 22 декабря by Euroradio

На мінулым тыдні ў Мінску нарэшце прайшло мерапрыемства, да якога краіну рыхтавалі цягам некалькіх месяцаў супольнымі намаганнямі прапаганды, чыноўнікаў і ідэолагаў, міліцыі і КДБ, — Усебеларускі народны сход. Два дні, цягам усяго гэтага сходу, Лукашэнка змагаўся са… “збеглымі”. Праз пяць гадоў пасля таго, як ён іх усіх перамог. Ну яшчэ крыху заключаў “вялікую здзелку” з Трампам, хваліўся “Арэшнікам”, хаяў суседзяў і назіраў за барацьбой за сваю ўвагу паміж Гайдукевічам, Канапацкай і Васкрасенскім.

У чым адрозненне паміж сходам народных абраннікаў і масоўкай для аднаго актора і пры чым тут УНС? Чаму Лукашэнка працягвае ваяваць са “збеглымі” і каму ён хоча прадаць чарговую перамогу над апанентамі 2020 года? Пра што сведчыць нібыта лагодная пікероўка Гайдукевіча з Канапацкай і як зменіцца КР з вызваленнем Калеснікавай, Знака і Бабарыкі? На гэтыя ды іншыя пытанні ў эфіры Еўрарадыё адказвае спікер Каардынацыйнай рады Арцём Брухан.

Лукашэнка ізноў адчуў сябе гульцом на полі вялікай палітыкі. Ён цяпер не проста шаптун Пуціна, а ледзь не кансультант у Трампа, і дае яму парады не толькі як паводзіць сябе з гаспадаром Крамля, але і як ЗША лепш сябе паводзіць у Венесуэле. Пры гэтым самога Лукашэнку не адпускае 2020 год, і ён працягвае змагацца з ворагамі ў выглядзе дэмакратычных сіл. Нават ягоная згода на вызваленне палітвязняў поўная помсты: людзей не проста вызваляюць, а дэпартуюць з краіны, пазбаўляюць іх пашпартоў і гэтак далей. Дый кандыдатаў на вызваленне, выглядае, падбіраюць не выпадкова, як і напрамак для дэпартацыі.

Якую “вялікую здзелку” па выніку плануюць разыграць Лукашэнка з Трампам і ці варта разлічваць на працяг у выглядзе спынення рэпрэсій? Чаму больш увагі надаецца словам Бабарыкі і Калеснікавай пра Крым і неабходнасць далейшага вызвалення, чым словам Бяляцкага пра працяг вызваленняў і патрабаванні спыніць рэпрэсіі? Ці мусіць Ціханоўская перадаць лідарства Бабарыку і ці патрэбны беларусам яшчэ адзін “цэнтр сілы”? Пра гэта і шмат што іншае разважаем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай.

Выказванні Бабарыкі ўкраінскаму блогеру і перлы Лукашэнкі на УНС — Еўразум за 19 снежня | Новости Беларуси за 19 декабря by Euroradio

На Усебеларускім народным сходзе 2025 года Лукашэнка гаварыў пра "збеглых" нашмат больш, чым звычайна. Ну не даюць яму спакойна спаць беларусы, якія з'ехалі за мяжу!

Адначасова выраслі патрабаванні да беларусаў, што застаюцца жыць у Беларусі. Медыкам трэба прырасці да месцаў, куды іх размеркавалі, жанчынам — нараджаць траіх дзяцей і больш, а дрэваапрацоўцы, у "мадэрнізацыю" якой 15 гадоў таму ўбухалі $1 млрд, нарэшце стаць прыбытковай.

Усё гэта, а таксама трывожны міжнарожны кантэкст абмяркоўваем з блогерам Аляксандрам Кныровічам. Мы, дарэчы, прыдумалі назву для гэтых штотыднёвых стрымаў: "Дарагая Беларусь!". Як вам?

Сёння ранкам Еўрарадыё пабачыла тых, каго вы таксама хацелі б пабачыць — Еўразум за 18 снежня | Новости Беларуси за 18 декабря by Euroradio

Дэмсілы прэзентавалі пяцігадовую стратэгію трансфармацыі эканомікі — і да яе адразу ўзнікла шмат пытанняў. Чаму яна такая аптымістычная? Ці сапраўды можна дасягнуць адчувальных пераменаў за 5 гадоў? І ўвогуле, навошта яна цяпер патрэбная — гэтая стратэгія?

Пагаворым пра гэта з прадстаўніцай АПК па эканоміцы і фінансах Алісай Рыжычэнка. Таксама абмяркуем, чаму так падобныя графікі курсаў беларускага і расійскага рубля да долара і ці магчыма ўявіць беларускую эканоміку асобна ад расійскай. І пра сітуацыю з экспартам беларускіх калійных угнаенняў — здаецца, Літва і Украіна пачалі канкураваць за тое, праз чый порт будзе адбывацца перавалка.

18 снежня ў эфіры Еўрарадыё — сацыёлаг Філіп Біканаў.

У нас і так хапае таго, што нас падзяляе. Ад палітычных поглядаў і да моўнага пытання. І неабходна рабіць усё магчымае, каб пазбягаць канфранцыі і падзелаў у беларускім грамадстве. Інакш нам не дайсці да Беларусі сваёй мары, не пабудаваць сваю дзяржаву. З іншага боку, ёсць тэмы, дзе неабходная прынцыповасць. Да прыкладу, пытанне мовы. Калі да 2022 года і можна было казаць пра дзве дзяржаўныя мовы ў нашай краіне, то пасля пачатку вайны стаўленне да моўнага пытання змянілася. Што не павінна зашкодзіць беларусам паразумецца, перакананы Філіп Біканаў.

Пра тое, ці вызначыліся беларусы са сваёй ідэнтычнасцю, ці гатовыя мы змагацца за сваю краіну і чым беларуская нацыянальная ідэя адрозніваецца ад ідэй іншых нацый, мы і разважаем у праграме “Ідэя Х” з Філіпам Біканавым.

Незалежныя медыі — гэта вам не Tinder — Еўразум за 17 снежня | Новости Беларуси за 17 декабря by Euroradio

Апошняя вялікае вызваленне беларускіх палітвязняў, сярод якіх апынуліся лідары пратэстаў 2020 года Віктар Бабарыка і Марыя Калеснікава, абудзіла беларускую грамадскасць. Першая прэс-канферэнцыя палітыкаў, дэпартаваных рэжымам ва Украіну, выклікала ў часткі людзей крытыку за падзякі Лукашэнку і нежаданне каментаваць вайну ва Украіне.

Як вызваленне лідараў “бабарыканцкаў” можа змяніць расклад сілаў у беларускіх дэмсілах? Хто яны сёння ўвогуле — і якое іх месца ў беларускім палітычным спектры: умераныя цэнтрысты, папулісты ці нешта іншае?

Трывогу выклікала і адмена ЗША санкцый супраць беларускіх калійных угнаенняў.

Ці пачатак гэта вялікага сяброўства Трампа і Лукашэнка? Ці будзе Вашынгтон ціснуць на Вільню з патрабаваннем адмены санкцый, каб калій паехаў у Клайпеду?

Пра гэта і не толькі ў эфіры Еўрарадыё пагаворым з палітолагам Паўлам Усавым.