Faggudu e ɓamtaare Afrik

E nder kaa taskaram “Faggudu e Ɓamtaare AfriK’’, limoore 7, yewtere ndee, no fewti  piyee rewvɓe woɓɓe  noddira ɗum susu rewɓe. Tontine de femme e ɗemngal fransiire.

Ko woni piyee rewɓe ? Holko ɗum loowi e nder mum ? Ko ɗum ɓeydata e faggudu leydele Afriki? Ngam jaabaade ɗee naamne, en yewtidan e  Maymuuna Besel BALDE, Ngonɗo Weelingara, leydi Senegali, dilloowo e susu rewɓe.

Kajjatu SOH, loliirɗo Salliya, ko debbo ngardiiɗo susu rewɓe to leydi Gine. Omo faamina en ɓamtaare  e  jokkere enɗam ko woni e nder ɗum.

Timminirten ko heɗaade fedde wi’eteende E-Tontine, dental susu rewɓe wonungal e  internet, Lammba KA, gooto e maɓɓe aran ɗoo maakoda e men ko woni ɗum.

E nder yewtere Faggudu e Ɓamtaare Afrik hannde, en haalan ko fewti  faggudu karalle kese, yeeyo e soodo e dow palleeji internet.  Ɗum no wi’ee e ɗemngal fransiire, Ekonomi Niimerik.

Ko woni Faggudu karalle kese ? Holko ɗum mofti?  Ko ɗum ɓeydata e faggudu leyɗeele Afrik?  No yeyiirte e no sodiirte e nder internet?  Ko rafi koronawiris wayli e ɗum? Ngam jaabaade ɗee naamne, koɗo men ko Mammadu Alajji LI, yertiyanke Karalle kese, fagguduyanke e golluɗo e mum duuɓi keewɗi.

Amna TAAL, burkinaajo, yeeyoowo e internet ma artu e no yiiri e nguu ngeyngu .

E nder kaa taskaram “Faggudu e Ɓamtaare AfriK’’, limoore 5, En haalan fii alhaali walla fiyaake fcfa. Toɓɓere nden hannde no faati e waylugol fcfa waɗta Eco. Holko ɗum soomi e nder mum ? Ko woni miijo yeeyooɓe e ndee eɓɓoore ? Ko humɗum e ɓamtaare ɗum addanta leyɗeele renduɗe fcfa ? Ko waɗi ngal laatinal leeli ?

Ngam jaabaade ɗee naamne, koɗo men ko Pr Amadu BA, Jannginoowo ko faati toppitaaku to Duɗal Uniwersite Gaston Berger Sen Luwi, Senegaal.

En heɗoto yi’anɗe yeeyooɓe  ko faati e nguu mɓayliigu. Caɗeele ɗe ɓe tijji arday e ɗum.

E nder oo taskaram “Faggudu e Ɓamtaare AfriK’’, limoore 4, En haalan fii alhaali sagalle walla wi’en impôt e fransiire e nder leyɗeele Afrik. Toɓɓere nden hannde no faati e sagalle walla lampa woɓɓe wi’a sakala .

Holko woni sagalle ? holno yoɓirtee ? holmo (hommbo) ɗum waɗɗii ? E holko sagalle nafata  leydi?

Ngam jaabaade ɗee naamne, koɗo men ko Demba Muussa DEMBELE, Hertiyanke e winndiyanke Faggudu.

Ma en kaalu ko faati e caɗeele ɗe yeeyooɓe njogii to Gabon, e caaɗeele golanooɓe ko’e mum en to Mali.

Ɗaahiru JALLO, golloowo e fannu lampa, sagalle maa o artan en e ko waɗi  sagalle no waɗɗii e kadi no haani yoɓeede.  O anndinan en no  buuɗi sagalle reniirtee.

E nder ndee yontere, taskaram mon Faggudu e ɓamtaare Afrik no tefa ko yowitii e luumo  ngeyngu Comci kiɗɗi ( comci donkaa/ comci yuguyugu). Hannde jeere nden no hebbini fef ɗii comci. Yalli ɗum no cincude golle? Kori ɗum no battinde e nder faggudu Afrik?  Ñawu koronaawiriis darnii nguu ngeyngu?  E nder yewtere, men ƴaaɓike ɓoggol ngol gila ka ɗi suɓetee haa ka ɗi yeeyetee. Aliiw  JALLO yeeyoowo mawɗo wonɗo Cees, Hawa DIKKO, debbo nder suudu, burkinaajo, nafkoowo e ɗin comci, Aamadu BARI faggiyankeejo. Ɓee fow aray seeditoo e oo taskaram.

Ndee yewtere hino haala fii alhaali remugol maaro e nder leyɗeele hirnaage Afrik. Ko waɗi maaro no remee e ɗuuɗal (keewal), kono ɗum haɗaali yo soodoye ka yaasi? Tawu so Afriyankooɓe no ñaama maaro remaako e nder Afrik? Ko holɗe e pehe (peeje) haanaa ƴetteede ngam Afrik daña kuɓindal (yonoral) nguuree? Dillooɓe e baŋŋe maaro aran ɗoo seedotoo e oo taskaram. Najiiru SALL remoowo  e nder waalo Senegaal. Muusa Aamadu UMAAN, kontaabuljo jeyaaɗo Mali, gollidoowo e Alhasaane Sow, soodoyoowo maaro yaasi. Mammadu SEEN janngoowo e kadi gollanoowo hoore mum. Faatumata Bangi debbo nder suudu jeyaaɗo Burkina Faso.

Taskaram Faggudu e Ɓamtaare Afrik waɗanan on yewtere ko yowitii e battane ñawu koronaawiriis faggudu leyɗeele hirnaage Afrik. Holto (honto) faggudu ɗee leyɗe fewndinoo ado nguu ñawu jaalaade, holto ɗe fewndii hannde ?

Dokter Haamidu BARI hertiyankoojo faggudu, jannginoowo ka iniwersiteeji Gine.

Helmere faggudu, en fensitan ko woni inflation (yanugol mbuuɗi walla kaalis.