Hannde kadi taskaram men on ko Koddiwaar heblaa. Teɓɓere men no yewta fii ɗii layyaaji waɗayɗi ka juulde donkin (taske/ kuulde layya). Baali no yeeyee e nder Abijan laamorde leydi ndii. Ko balɗe seeɗa pet heddii ɗoo yo ndee juldeere donkin. Ɗuuɗuɓe no himmani soodugol njawdi fii ndee juuldeere. Ko holto ɗii dammi woni iwde? Ko woni coggu majji ?  Ngam jaabade ɗee naamne, eɗen njaɓɓii Ibrahim Daawu. Cukko horeejo, halfinaaɗo njuɓɓudi golle njeeyngu daabaji e nder Koddiwaar. En yewtidan kadi enen e Bela Maamuudu Dontoru Sankara Bari, ko yeeyoowo mbaali gila duɓɓi 40 e nder Ajame, Abijan. Baaba Sankare woni ko to Por-Buwe, ko addayɗo dammi tawa ko Mali e Burkina o ittiɗi.