Fotbolti.net

Úr útvarpsþættinum Fótbolti.net á X977.

Elvar Geir og Tómas Þór stýrðu uppgjöri fyrri helmings Pepsi Max-deildarinnar.

Sérfræðingur þáttarins er þjálfarinn og leikgreinandinn Arnar Hallsson sem hefur verið með pistla á Fótbolta.net á tímabilinu þar sem hann rýnir dýpra í leiki deildarinnar. Hann kom með nýja vinkla í umræðuna.

Einnig var opinberað úrvalslið fyrri helmings deildarinnar.

Allir meðlimir Innkastsins sem ekki eru í sóttkví voru samankomnir á Ölveri í Glæsibæ og fóru yfir helstu málin.

Elvar Geir, Gunni Birgis og Ingó Sig gerðu upp fjóra leiki í Pepsi Max-deildinni en burðarleikurinn var stórleikur KR og Vals á Meistaravöllum sem endaði 4-5. Eðlilegt.

Einnig var rætt um komandi leiki íslenskra liða, deilur Skagamanna og Gunna, áhorfendabann og fleira.

Ástríðan er hlaðvarp sem fjallar um neðri deildirnar á Íslandi.

Þáttastjórnendur eru Óskar Smári Haraldsson og Sverrir Mar Smárason.

Farið var yfir leiki helgarinnar í 2. og 3. deild. Áfram halda vandræði Völsungs og Bondhornið var kynnt til leiks

Ungstirnin er nýr hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum.

Þáttastjórnendur eru Arnar Laufdal Arnarsson og Magnús Hólm Einarsson.

Í þessum öðrum þætti er fjallað um Eduardo Camavinga (Stade Rennais), Calvin Stengz (AZ Alkmaar) og Marco Kana (Anderlecht).

Skoðað er hvaða efnilegu leikmenn gætu brotist inn í aðallið sinna félaga og látið að sér kveða í ensku úrvalsdeildinni.

Þá eru gestir þáttarins Ágúst Eðvald Hlynsson og Kristall Máni Ingason, leikmenn Víkings.

Fyrra Innkast vikunnar. Elvar Geir Magnússon, Ingólfur Sigurðsson og Baldvin Már Borgarsson eru í hljóðverinu að þessu sinni.

Farið er yfir leiki helgarinnar í Pepsi Max-deild karla og þeir velja besta markvörðinn, varnarmanninn, miðjumanninn og sóknarmanninn í deildinni.

Þá er síðasta umferð Lengjudeildarinnar gerð upp og úrvalslið fyrri hlutans opinberað.

Innkastið er í boði White Fox.

Seinni hluti útvarpsþáttarins Fótbolti.net á X977 laugardaginn 22. ágúst.

Björn Berg Gunnarsson, fræðslustjóri Íslandsbanka, kom í þáttinn og fræddi fólk um launaþakið sem hefur verið tekið upp í C- og D-deildum enska boltans.

Þessar nýju reglur eru bylting í enska boltanum.

Elvar Geir og Runólfur Trausti ræddu við Björn Berg en þeir þrír ræddu líka um komandi úrslitaleik í Meistaradeild Evrópu, viðureign PSG og Bayern München.

Fyrri hluti útvarpsþáttarins Fótbolti.net á X977 laugardaginn 22. ágúst.

Tómas Þór Þórðarson var sendur í sóttkví rétt fyrir þátt eftir frægt morgunverðahlaðborð á Hótel Rangá en Elvar Geir Magnússon fékk góða menn í hljóðverið!

Runólfur Trausti íþróttafréttamaður á Vísi og Rafn Markús Vilbergsson, fyrrum þjálfari Njarðvíkur, voru með við hringborðið og farið var yfir vikuna í íslenska boltanum. Tómas Þór var svo á línunni.

Pepsi Max-deildin, Lengjudeildin og Evrópuleikir íslenskra liða voru til umfjöllunar.

Það er nóg um að vera hérlendis sem og erlendis um þessar mundir. Framundan eru risa leikir í Meistaradeild Evrópu og Pepsi Max-deildin okkar rúllar áfram með hnökrum.

Ástríðan er hlaðvarp sem fjallar um neðri deildirnar á Íslandi. Þáttastjórnendur eru Óskar Smári Haraldsson og Sverrir Mar Smárason.

Þeir fjalla um 2. og 3. deild karla en þessar deildir eru aftur komnar á fulla ferð eftir hlé sem var gert vegna kórónaveirufaraldursins og nóg að ræða!

Ingólfur Sigurðsson var með þeim í umræðunni um 3. deildina.

Loksins loksins!

Þeir Aksentije Milisic og Sæbjörn Þór Þórbergsson Steinke fóru yfir síðustu leikina fyrir hlé og þá leiki sem hafa farið fram á undanfarinni viku.

Nóg var um að ræða: Engin markaskorun hjá KA, Þórsarar með endurkomu og öflugan sigur og sama gamla hjá Magna. KF getur ekkert gegn Víði, Völsungur vann sinn fyrsta leik en svo ekki söguna meir og 'same shit different day' hjá D/R.

Þór/KA bjargaði stigi gegn Stjörnunni en mætti ofjörlum sínum í Breiðabliki. Tindastóll í góðri stöðu, Völsungur að falla úr Lengjunni en Hamrarnir gætu farið upp úr 2. deild. Þá var einnig rætt um 3. deild karla og C-riðil 4. deildar.

Dagskráin

KA (mín): 1-16, Þór: 16-27, Magni: 27-34 , 2. deild: 34-55

3. deild C-riðill: 55-61, Kvennaliðin 61-68 og framhaldið: 68-77

Ábendingar um umræðuefni: [email protected] eða Boltinn á Norðurlandi á Twitter.