Fotbolti.net

Það var nóg að ræða í Fantabrögðum - íslenski boltinn kominn aftur af stað og þá þarf að hressa uppá liðin sín. Strákarnir fóru yfir það helsta í draumaliðsdeildum Eyjabita og 50skills og aðallega þá hvað fór úrskeiðis.

Innkastið snýr aftur eftir veiruhlé! Elvar Geir, Tómas Þór og Gunni Birgis eru í þættinum í dag og fara yfir allt það helsta í íslenska boltanum.

Pepsi Max-deildin og Lengjudeildin eru til umræðu.

Meðal efnis: Dramatískur Stjörnusigur, Brynjólfur kom sér á blað, Arnar Gunnlaugs sá rautt, Ingvar vonbrigði, Fjölnismenn eiga enga von, leiðindi á Hlíðarenda, flautuvíti á Skaganum, Gunni giskar og Lengjudeildarhornið.

Úr útvarpsþættinum Fótbolti.net á X977.

Guðmundur Benediktsson hefur áhyggjur af málum hjá Barcelona.

Hann lýsti ótrúlegum 8-2 sigurleik Bayern München gegn Barcelona í Meistaradeild Evrópu.

Rætt var við Gumma Ben í útvarpsþættinum Fótbolti.net á X977.

Úr útvarpsþættinum Fótbolti.net á X977.

Elvar Geir Magnússon, Tómas Þór Þórðarson og Úlfur Blandon ræða um íslenska boltann.

Pepsi Max-deildin er í aðalhlutverki og leikir gærkvöldsins krufnir ásamt því að komandi leikir eru skoðaðir. Farið er yfir helstu tíðindi, áhugaverð ummæli Óla Stefáns Flóventssonar og Lengjudeildin skoðuð.

Einnig er rætt við Daníel Hafsteinsson sem skoraði bæði mörk FH í 2-1 útisigri gegn KR í gær.

Björn Már Ólafsson, helsti sérfræðingur Íslendinga um ítalska boltann, gerir upp tímabilið 2019-20 í ítölsku A-deildinni.

Í þessum þætti ræðir Elvar Geir við Björn Má um þetta sérstaka tímabil þar sem heimsfaraldurinn hafði mikil áhrif. Það eru spennandi hreyfingar í gangi hjá liðunum. Hvar er mesta gleðin og hvar eru vonbrigðin?

Liðin eru skoðuð og Björn Már velur úrvalsliðið.

Það ríkir gleði á Heimavellinum eftir að heilbrigðisráðherra og KSÍ gáfu grænt ljós á að Íslandsmótið í knattspyrnu gæti haldið áfram að rúlla. Framundan er því mikið líf og fjör.

Ungstirnin er nýr hlaðvarpsþáttur á Fótbolta.net þar sem aðaláherslan er lögð á umfjöllun um unga framtíðarleikmenn í boltanum.

Þáttastjórnendur eru Arnar Laufdal Arnarsson og Magnús Hólm Einarsson.

Í þessum þætti er fjallað um Ozan Kabak (Schalke), Ryan Gravenberch (Ajax) og Sebastiano Esposito (Inter) en talið er að þessir strákar eigi mjög bjarta framtíð.

Þá kom Andri Fannar Baldursson, leikmaður Bologna, í heimsókn og var rætt um allt sem hefur verið í gangi hjá honum í atvinnumennskunni.

Upptaka af útvarpsþættinum Fótbolti.net á X977 þann 8. ágúst.

Elvar Geir og Tómas Þór fjölluðu um óvissuástandið í íslenska boltanum við Pál Kristjánsson, formann KR, og Frey Alexandersson, aðstoðarlandsliðsþjálfara.

Einnig var rætt um Meistaradeild Evrópu.

Dagskráin:

04:30 Meistaradeild Evrópu

18:45 Umræða um veiruástandið í íslenska boltanum

33:30 Viðtal við Pál Kristjánsson

59:30 Viðtal við Frey Alexandersson

Ástríðan er hlaðvarp sem fjallar um neðri deildirnar á Íslandi.

Þrátt fyrir að boltinn sé stopp um þessar mundir þá heldur Ástríðan áfram á fullri ferð. Þáttastjórnendur eru Óskar Smári Haraldsson og Sverrir Mar Smárason.

Þeir fjalla um 2. og 3. deild karla og í þætti dagsins er sérstakt þriðjungsuppgjör í báðum deildum. Valdi eru fimm bestu leikmenn í hvorri deild það sem af er tímabili.

Þá eru fréttapunktar og hitamál í brennidepli í þættinum.

Gunnar Björn Ólafsson, stigahæsti leikmaður Fantasy Premier League á Íslandi tímabilið 2019-2020, kom í heimsókn til Arons og Gylfa og fór yfir hvernig maður verður Íslandsmeistari í FPL. Hann deildi öllum sínum leyndarmálum, svo sem hvenær hann spilar hinu villta spili (e. wildcard), hvernig hann gerir skiptingar og hvaða tölfræði hann skoðar.

Þessi þáttur er skylduhlustun fyrir alla þá sem deila þeim draumi með þáttastjórnendum að verða besti Fantasy spilari hinnar íslensku þjóðar.