Fotbolti.net

Úr útvarpsþættinum Fótbolti.net á X977.

Elvar Geir og Tómas Þór fengu Kristján Atla Ragnarsson, sérfræðing um enska boltann, í heimsókn.

Kristján skoðaði lokaumferðina. Fer Manchester United í Meistaradeildina?

Þá valdi Kristján lið ársins í deildinni.

Úr útvarpsþættinum Fótbolti.net á X977.

Elvar Geir og Tómas Þór hita upp fyrir 9. umferð Pepsi Max-deildarinnar.

Þá er lengjudeildarhringborðið dregið fram. Rafn Markús Vilbergsson og Úlfur Blandon skoða fyrsta þriðjung Lengjudeildarinnar og velja besta leikmanninn og besta þjálfarann í þriðjungnum.

Elvar Geir, Tómas Þór og Ingó Sig eru með ykkur í Innkastinu eftir áttundu umferð Pepsi Max-deildarinnar.

Þátturinn er sendur út frá Meistaravöllum, heimavelli KR, og er í boði White Fox, það besta í bransanum og vinsældirnar eru eftir því.

Meðal efnis: Pablo bestur í fyrsta þriðjungi, Breiðablik í vandræðum, baráttuandi HK, vonbrigðisjafntefli hjá KR og FH, flott byrjun Arnars Grétars, Stjarnan skín skært, Breiðholt á toppi Lengjudeildarinnar.

00:00 - Fantasy Premier League

32:22 - 50skills (Pepsi Max kvenna)

1:11:43 - Eyjabitinn (Pepsi Max karla)

Eftir vasklega framgöngu í síðasta þætti sneru Arnór Gauti og Kristófer Máni aftur í hljóðverið og ræddu málin á meðan Aron er að klára lengstu hringferð sögunnar. Þess má geta að strákarnir keyrðu hringinn í kringum landið á tveimur dögum síðustu helgi og voru mættir ferskir í þátt.

Hver verður stigahæstur í síðustu umferð ensku úrvalsdeildarinnar?

Hverja á maður að kaupa ef maður er að nota wildcard í Eyjabitanum?

Er hægt að líta fram hjá Sveindísi Jane eftir þessa frammistöðu?

Leikir unfanfarna daga hjá liðunum á Norðurlandi skoðaðir. Leikir Þór, KA og KF skoðaðir vel og aðeins rætt um hina leikina og pælingar tengdar þeim.

KA vann sinn fyrsta leik í deildinni, Þórsarar gerðu jafntefli og Magni missti niður forystu. Áfram er uppskeran lítil í 2. deild en Tindastóll náði í gott stig á útivelli og Samherjar halda áfram á góðu skriði.

Kvennalið Tindastóls er á toppi Lengjudeildarinnar, Þór/KA er í smá brekku og fyrsta mark Völsungs kvenna.

Dagskráin:

KA: 1-21(mín), Þór 21-31, Magni 31-36, KF 36-44, 2. deild, 44-52, Tindastóll 52-55, Samherjar 55-58, kvennaboltinn 58-65, næstu leikir 65-68.

Umsjónarmenn: Aksentije Milisic og Sæbjörn Þór Þórbergsson.

Það er nóg að gera á Heimavellinum í dag.

Gestir þáttarins eru fyrrum knattspyrnukonurnar Sóley Guðmundsdóttir og Berglind Hrund.

Síðasta umferð Pepsi Max deildarinnar er gerð upp ásamt því að hita upp fyrir stórleik Breiðabliks og Vals í kvöld.

Meðal efnis:

-Dramatísk Pepsí Max umferð

-Maika'i leikmaður vikunnar - Reif sitt lið í gang

-Bestu leikmenn 1.-6. umferða

-Pottþétt Hekla

-Upphitun fyrir stórleikinn á Kópavogsvelli

-Besta byrjunarliðið hjá Val og Breiðablik

Undanúrslitin í enska bikarnum fóru fram um liðna helgi og í þessari viku eru framundan lokaleikirnir í ensku úrvalsdeildinni.

Jóhann Már Helgason, stuðningsmaður Chelsea, og Orri Freyr Rúnarsson, stuðningsmaður Man Utd og útvarpsmaður á Rás 2, eru gestir vikunnar í enska Innkastinu.

Meðal efnis: David De Gea, leikmannakaup sumarsins, varnarvandræði, einkunnagjöf stjóranna, niðursveifla Leicester, drauma byrjunarlið á næsta tímabili, Paul Pogba, Evrópudeildin, toppbaráttan næsta vetur, fallbaráttan, óvænt stjóraskipti Watford og Leeds.

Ástríðan er hlaðvarp sem fjallar um neðri deildirnar á Íslandi.

Þáttastjórnendur eru Óskar Smári Haraldsson og Sverrir Mar Smárason.

Þeir fjalla um liðnar umferðir í 2. og 3. deild karla en það er viðburðarík helgi að baki.

Kórdrengir styrktu stöðu sína enn frekar á toppi 2. deildar og það eru Reynismenn sem eru áfram númer eitt í 3. deildinni.

Innkastið eftir 7. umferð Pepsi Max-deildarinnar.

Tómas Þór Þórðarson og Ingólfur Sigurðsson fóru yfir umferðina með Elvari Geir Magnússyni.

Meðal efnis: Val á besta leikmanni fyrsta þriðjungs, Rýr uppskera Breiðabliks, mikilvægur sigur Vals, Víkingar rúlla yfir ÍA, KR-ingar miklu betri en Fylkismenn, Eiður Smári mættur, nýir þjálfarar byrja vel, skýrsla frá Akureyri, Lengjudeildarhornið.

Útvarpsþátturinn Fótbolti.net laugardaginn 18. júlí.

Elvar Geir Magnússon, Baldvin Már Borgarsson og Magnús Már Einarsson fjölluðu um íslenska fótboltann.

Í fyrri hlutanum var fjallað ítarlega um Pepsi Max-deildina og Lengjudeildina, einnig lítillega um 2. deildina. Rýnt var í þjálfarahræringarnar.

Í seinni hlutanum er Guðlaugur Victor Pálsson landsliðsmaður í viðtali og einnig Valdimar Svavarsson formaður FH.

Í byrjun þáttar: Pepsi Max-deildin

37:00 Lengjudeildin og 2. deildin

63:00 Guðlaugur Victor Pálsson

82:00 Valdimar Svavarsson