Umsjón Felix Bergsson

Lag dagsins - Desember, Friðrik Ómar. Nýtt jólalag frá þeim mikla meistara.

Fimman - Una Stef

Una sagði af fimm tilvitnunum sem hafa haft djúp áhrif á hana og fylgt henni í gegnum lífið. Tilvitnanirnar komu allt frá Sókrates til móður Unu

Viðtal - Yrsa Sigurðardóttir

Yrsa sagði frá nýju bókinni sinni, Brúðunni. Að auki var rætt um vinsældir íslenskra bókmennta erlendis og ferða Yrsu á bókahátíðir út um allan heim

Umfjöllun - Prúðuleikararnir

Felix rifjaði upp sögu Prúðuleikaranna sem voru vinsælasta sjónvarpsefnið á árunum 1977-1981.

Umsjón Felix Bergsson

Lag dagsins - Myndir, Skítamórall. Gunnar Ólason á afmæli í dag

Fimman - Helena Ólafsdóttir knattspyrnuþjálfari

Fimm íþróttalið sem hafa haft áhrif á Helenu

Þróttur Neskaupstað

KR Reykjavík

Valur Reykjavík

Fortuna Álasund Noregi

ÍA Akranesi

Fréttagetraun - höfundur Árni Freyr Magnússon

Sigurvegari Kristian Guttesen

Viðtal / umfjöllun - Hrafnhildur Gunnarsdóttir kvikmyndagerðarkona frumsýnir Svona fólk í Bíó Paradís í vikunni

Umsjón Felix Bergsson

Lag dagsins - Gus Gus Ladyshave í tilefni af Iceland Airwaves

Fimman - Sigga Beinteins. Fimm bílar sem hafa fylgt henni í gegnum tíðina..

1. Fiat 127 sem var fyrsti bíllinn sem Sigga eignaðist. Hún átti bílinn þegar hún varð 17 ára en þar sem hún á afmæli í júlí varð hún að bíða fram í ágúst að fá loksins skírteinið! Það var lokað vegna sumarleyfa í júlí hjá sýslumanni. En ökuskírteinið kom og Sigga gat keyrt af stað.

2. Mazda 616 sem var klesstur að aftan. Þetta var 1981 og hljómflutningsgræjurnar í bílnum sjálfsagt dýrari en bíllinn sjálfur. Sigga fékk rass af öðrum bíl og setti aftan á Mösduna og Sigga handmálaði bílinn. Litlu síðar klessti Sigga bílinn að framan og aftur var fundinn heillegur hluti en að þessu sinni framhluti og Sigga faldi misfellurnar og náði, ótrúlegt en satt, að selja bílinn að lokum!

3. Mazda 323 - fyrsti glænýi bíllinn sem Sigga eignaðist. Sérpantaður svartur bíll með skyggðum rúðum en Sigga hefur alltaf verið spennt fyrir svörtum bílum. Þetta er 1983/4 og Sigga var farin að vinna í dúklögnum með föður sínum. Í huga Siggu er straumurinn sem fór um hana þegar hún sá bílinn sinn ógleymanlegur. Nýr bíll!

4. Toyota Landcruiser - Stjórnin gerði auglýsingar fyrir Toyota og Sigga fór að eignast bíla frá þeim. Það endar með því að hún fær sér fyrsta jeppann árið 1997. Hún hefur eiginlega verið á jeppum síðar. Samtals eignaðist Sigga 3 bíla af þessari tegund.

5. Range Rover Sport sem er flottasti bíll sem Sigga hefur átt. Þegar Sigga var með Bubba í Idolinu í kringum 2006 og evran var mjög hagstæð sagði Bubbi, sem sjálfur er mikill bílaáhugamaður, að hún yrði að koma sér í B&L og fá sér Land Rover. Sigga endar á því að kaupa þennan glæsilega bíl og þegar hún seldi hann tveimur árum síðar fékk hún tárin í augun.

Umfjöllun um bókaútgáfu ársins. Þorgeir Tryggvason gagnrýnandi og félagi í Ljótu hálfvitunum settist í kaffi með Felix og ræddi spennandi bókaútgáfu ársins en nú streyma skáldverk, ljóð, barnabækur, glæpasögur og ýmiskonar bækur á markað.

Fréttagetraun - sigurvegari Magnús Eðvaldsson Hvammstanga

Fram og til baka 4.11.2018

Umsjón Felix Bergsson

Lag dagsins - Enginn nema þú, Buffið.

Pétur Örn Guðmundsson söngvari, sem enn þann dag í dag er kenndur við Jesú eftir að hann lék í Súperstar í lok 20. aldar, kom í Fimmuna og sagði okkur af fimm U-beygjum í lífinu.

Fyrsta U-beygjan var er Pétur var 10 ára og hætti við að leggja á glæpabrautina enda gripinn við innbrot í Blómaval

Sú næsta var er Pétur Örn ákvað að skólagöngunni væri lokið.. Í bili amk.. Þetta var þegar hann fékk boð um að koma í hljómsveit með Begga Morthens og Siggu Guðna og hætti í háskólanámi

Þriðja U-beygjan kom þegar Pétur Örn hljóp niður Laugarveginn til að komast í prufu, fékk hlutverk í Hárinu í Gamla bíói og varð atvinnumaður í tónlist, söng og leik.

Fjórða U-beygjan varð þegar Pétur Örn hætti að drekka. Þá var það sönglína í lagi Cardigans, Feathers And Down sem opnaði augu söngvarans sem setti tappann í flöskuna og þar hefur hann verið síðan.

Síðasta U-beygjan varð þegar Pétur Örn festi kaup á sinni fyrstu íbúð nýlega á Selfossi. Hann upplifir að hann sé kominn í skjól.

Umfjöllun / viðtal - Hvítárbrúin er 90 ára Helgi Bjarnason blaðamaður á Morgunblaðinu

Fréttagetraun - sigurvegari Sveinn Guðfinnsson á Akureyri

Umsjón Felix Bergsson

Lag dagsins - Pálmi Sigurhjartarson Nafnið þitt af nýrri plötu Pálma sem kemur út í byrjun næsta árs.

Fimman - Elísabet Brynjarsdóttir forseti stúdentaráðs HÍ kom í heimsókn og lagði í Fimmuna. Hún var frumleg og lagði til fimm strætóleiðir sem hafa haft áhrif á líf hennar. Í gegnum rabbið kynntumst við þessari skemmtilegu og kraftmiklu ungu konu nánar.

Umfjöllun - saga hamborgarans af lemúrnum.

Fréttagetraun - sigurvegari Enok Klemensson

Umsjón Felix Bergsson

Lag dagsins - Karl Olgeirsson og söngkonan Rakel Sif Sigurðardóttir, Hann gat ekki setið kyrr en Karl er að gefa út plötu og nótnabók, Mitt bláa hjarta

Fimman - Sigrún Waage leikkona og flugfreyja kom í Fimmuna og valdi fimm leiksýningar sem hún tók sjálf þátt í og breyttu lífi hennar. Sýningarnar fimm eru:

Sjálfstætt fólk

Vesalingarnir

Ofviðrið

West Side Story

Ég heiti Guðrún

Umfjöllun / viðtal - Parkinson samtökin, Vilborg Jónsdóttir, sjúkraliði og formaður Parkinson samtakanna kom í morgunkaffi og sagði af átaki samtakanna til byggingar Stuðningsseturs fyrir fólk með Parkinson

Fréttagetraun - sigurvegari Karl Hillers

Fram og til baka 14.10.2018

Umsjón Felix Bergsson

Lag dagsins - hæ þú hæ þú Bíbí Laufdal og Daníel Diego

Gísli Rúnar Jónsson - Blessað stríðið (sem gerði syni mína ríka)

Fimman - Sigurður Þ Gunnarsson eða Siggi Gunnars útvarpsmaður á K100 kom í heimsókn og morgunkaffi. Fimman hans voru eftirfarandi STAÐIR:

Old Compton Street - þar sem Siggi fann sig í hinsegin heimi London

KA heimilið - þar sem Siggi eyddi mörgum stundum með föður sínum og stofnaði fyrstu útvarpsstöðina sína aðeins 12 ára gamall, Útvarp Jólajól

Hrísey - þar sem Siggi bjó í tvö ár enda sonur sveitarstjórans og skólastjórans. Hrísey segir hann að sé dásamlegur staður

Sunderland - þar sem Siggi tók sína mastersgráðu í fjölmiðlafræði með áherslu á útvarp og útvarpsrekstur

Hrísarlundur - þar sem Siggi fór með ömmu sinni allt frá barnsaldri og fram á unglingsár og hlustaði á hana og vinkonur hennar ræða landsins gagn og nauðsynjar. Já og slúðrið líka..

Viðtal - Þórunn Lárusdóttir kvikmyndagerðarmaður í Sitges. Kvikmyndin Shattered Fragments, sem Þórunn Lárusdóttir leikstýrir og skrifar handrit að, ásamt öðrum, var valin til frumsýningar á hinni virtu kvikmyndahátíð í Sitges, á Spáni. Hún var frumsýnd fimmtudaginn 4. Okt í Retiro kvikmyndahúsinu í Sitges.

Fréttagetraun - sigurvegari Guðlaug Árnmannsdóttir

Seljabraut 38

109 Rvk.

Fram og til baka 07.10.2018

Lag dagsins - Ef tími vinnst til, Guðrún Gunnarsdóttir

Höfundur lags: Haraldur Sveinbjörnsson

Höfundur texta: Bragi Valdimar SKúlason

Af nýrri plötu sem heitir Eilífa Tungl og það eru útgáfutónleikar 24.okt. í Salnum.

Fimman. Gestur Felix var Guðrún Hafsteinsdóttir markaðsstjóri Kjöríss og formaður stjórnar Samtaka iðnaðarins.

Guðrún er einstakur hrakfallabálkur og sagði hlustendum af fimm óhöppum sem hafa haft mikil áhrif á líf hennar. Þar var af mörgu að taka.

1 og 2 voru óhöppin sem Guðrún lenti í sumarið sem hún var 18 ára en það sumar var hún hrufluð í andlitinu allt sumarið. Fyrra óhappið tengdist hlaupatúr og sætum ítölskum ferðamönnum sem horfðu á hana hrynja á hausinn. Það síðara kom til vegna þess að Guðrún svaf yfir sig þegar hún var á mikilvægri morgunvakt hjá Kjörís.

Þriðja óhappið varð í Hamborg þegar Guðrún bjó þar með fyrrverandi eiginmanni og börnum þeirra. Vikuna sem hún ætlaði að flytja reyndi hún að grípa dóttur sína en datt þá niður tröppur og sleit liðbönd

Fjórða óhappið varð svo á aðfangadag þegar Guðrún ákvað að taka til í stofunni og fara út með jólapappírinn í ruslið

Og það fimmt varð þegar hún var að keyra út jólakortin og hafði hlegið mikið að móður sinni sem datt. Í kjölfarið datt Guðrún sjálf og rann undir bílinn sinn!

Við fengum svo auka óhapp þegar Guðrún lýsti því þegar hún fór á gönguskíði í fyrsta sinn og datt meira en hún gekk..

Umfjöllun - Sólveig Ólafsdóttir segir frá Iceland Food Centre 1965

Fréttagetraun sigurvegari Kristján Ingimarsson

Búland 4

765 Djúpivogur

Fram og til baka 30.09.2018

Umsjón Felix Bergsson

Lag dagsins var með Beach Boys. Kokomo frá árinu 1988 en það var fyrsta topplag Beach Boys í 22 ár. Lagið var samið fyrir kvikmyndina Coctail.

Fimman - Guðrún Björnsdóttir Framkvæmdastjóri Félagsstofnunar stúdenta kom í fimmuna og fjallaði um fimm viðburði hjá FS frá því að hún hóf störf þar fyrir 20 árum. Viðburðirnir hafa allir haft mikil áhrif á hana

1 þegar Guðrún fékk starfið eftir ófá viðtöl við stjórn FS á þeim tíma

2 Þegar Háskólatorgið var opnað árið 2007

3 Stúdentakjallarinn var bylting á háskólasvæðinu

4 Ráðstefna sem Guðrún fór á í Berlín og breytti sýn hennar á uppbyggingu stúdentagarða með líðan nemenda að leiðarljósi

5 Fagnaður í tilefni af 50 ára afmæli FS

Umfjöllun um diskótekið Studio 54 í New York í tilefni af RIFF

Fréttagetraun - sigurvegari Ída Þorgeirsdóttir í Reykjavík

Umsjón Felix Bergsson

Lag dagsins - Bjartmar Guðlaugsson syngur lagið um sólarlandaferðina, Sólarlanda frá 1988.

Fimman - Friðrik Ómar Hjörleifsson

Friðrik Ómar rifjaði upp fimm hrekki sem hafa haft áhrif á hann og aðra í gegnum tíðina.

Fjarstýringin. Á Dalvík þegar Friðrik Ómar var átta eða níu ára fór hann með fjarstýringuna af heimilinu og sat ásamt Kötu vinkonu sinni fyrir utan gluggann hjá nágrönnunum Magga og Ernu og skipti reglulega um stöð, heimilisföðurnum til mikillar armæðu. Þetta fannst þeim vinunum svakalega fyndið og upplýstu aldrei um sína sök í þessu máli. Fyrr en núna..

Klappstóllinn. Herbert frændi, Friðrik Ómar 10 ára og pabbi hans fóru saman á Hóla í Hjaltadal á mikla kirkjuhátíð. Þeir enduðu á fremsta bekk á klappstólum fyrir framan alla biskupa og preláta landsins. Þegar staðið er á fætur til að taka við blessun ákveður Friðrik að lyfta upp setunni á klappstól föður síns sem auðvitað datt á gólfið með þvílíkum látum, fjólublár af reiði. Þrátt fyrir örlitla skömm skemmtu þeir frændur sér konunglega og hlógu alla leiðina heim yfir þessum ósvífna hrekk.

Jólahrekkurinn. Friðrik Ómar hefur sérstaka ánægju af því að hrekkja Sólveigu Gestsdóttur móður sína og einhver jólin lét hann ókunna konu senda móður sinni jólakort með innilegum þökkum fyrir auðsýnda samúð. Móðir Friðriks hafði kortið hjá sér allt aðfangadagskvöldið og velti þessu fyrir sér og skildi ekkert í þessu fyrr en Friðrik Ómar útskýrði loksins fyrir henni hvernig í pottinn væri búið.

Valgeir. Þessum hrekk var líka beint gegn móður Friðriks Sólveigu Gestsdóttur. Hann bjó þá á efri hæðinni hjá vinum sínum Guðrúnu Gunnarsdóttur og Valgeiri Skagfjörð á Hlíðarvegi í Kópavogi. Einhvern daginn hringdi hann í móður sína og sagði henni að nú væri allt í háalofti í Kópavoginum því hann væri tekinn saman við Valgeir og Guðrún og dæturnar væru alveg brjálaðar. Viðbrögð móður hans voru mjög ánægjuleg því hún jesúsaði sig dálítið en stóð svo algjörlega með syni sínum og bauð honum og Valgeiri að koma norður og búa hjá sér. Samtalið tók hann upp og spilaði svo í sextugsafmælinu hennar.

Bohemian Rapsody. Að þessu sinni varð Regína Ósk söngkona og vinkona Friðriks fyrir hrekknum en hún er mikill fullkomnunarsinni. Friðrik var búinn að ganga frá því við alla hina í hljómsveitinni að vera gríðarlega fölsk í byrjun Bohemian Rapsody fyrir framan troðfulla Eldborg en Regína stóð fremst og vissi ekki hvaðan á sig stóð veðrið. Aðalmálið þegar verið er að hrekkja er að gera fólk vandræðalegt og já, Friðrik Ómar verður að sjá viðbrögðin.

Umfjöllun var um