Fram og til baka 21.04.2019

Páskadagur

Umsjón - Felix Bergsson

Lag dagsins var sungið af Regínu Ósk og er úr Söngvakeppninni 2006, árið sem Silvía Nótt vann. Lagið heitir Þér við hlið og er eftir Trausta Bjarnason og Magnús Þór Sigmundsson

Skömmin - úr vanmætti í sjálfsöryggi er ný bók eftir sálfræðinginn Guðbrand Árna Ísberg. Hann kom í kaffispjall og ræddi um nýju bókina, skömmina sem jákvæða tilfinningu sem gæti hjálpað okkur í daglegu lífi og sagði af árum sínum í Danmörku en þar vann hann meðal annars með flóttamönnum.

Fimman - Katrín Jakobsdóttir.

Forsætisráðherra, Katrín Jakobsdóttir, kom og fór í gegnum fimmuna. Hún valdi sér fimm staði og sagði frá þeim og áhrifum þeirra á líf hennar. Staðirnir eru:

1 Vogahverfið

2 Dynjandi

3 París

4 Strandir

5 Ægisíðan í Reykjavík

Fram og til baka 14.apríl 2019

Umsjón - Felix Bergsson

Lag dagsins - Amor úr Söngvakeppninni 2014. Flytjandi Ásdís María Viðarsdóttir. Þetta er árið sem Pollapönk vann.

Fimman - Elva Ósk Ólafsdóttir

Elva talaði um fimm eyjar sem hún hefur heimsótt og sagði sögur!

1 Færeyjar þegar Elva Ósk var 12 ára

2 Grænland í leikferð með Þjóðleikhúsinu

3 Belle Ile eyjan undan strönd Brittany. Hugmyndin kom í Kolaportinu

4 Kúba en Elva heimsótti eyjuna þegar hún fór ein í ferðalag til karabíska hafsins

5 Gustavia eða Saint Barts. Ein af karabísku eyjunum. Þar fann Elva Ósk skeljaströnd og naut hennar alein

Viðtal - Andri Ólafsson bassaleikari og söngvari sagði frá tónleikum sem Uppáhellingarnir og Sigga Thorlacius halda í kvöld.

Tríóið Uppáhellingarnir hverfist öðru fremur um þéttradda samsöng (close-harmony) af gamla skólanum, en leikur auk þess undir hjá sjálfu sér: Steingrímur Karl Teague á píanó, Rögnvaldur Borgþórsson á gítar og Andri Ólafsson á kontrabassa. Nefna mætti sönghópa á borð við Mills bræður, The Pied Pipers og The Four Freshmen sem fyrirmyndir.

Til að kóróna söng þeirra á Múlanum bætir hin eina sanna Sigríður Thorlacius sinni - og þar með hinni fjórðu - rödd við, en auk samsöngsnúmera býður hópurinn upp á vel valin einsöngslög. Matthías M.D. Hemstock heldur svo utan um allt saman með þýðum, þéttum trommuleik.

Á efnisskránni verða útsetningar Andra af söngdönsum þeirra Jóns Múla og Jónasar Árnasona auk tveggja frumsaminna númera, en annars þekkilegar N-Amerískar tónsmíðar frá öndverðri 20. öld.

Fréttagetraun - sigurvegari Friðrik Guðmundsson Reykjavík

Fram og til baka 07.04.2019

Umsjón Felix Bergsson

Lag dagsins var eins og undanfarið úr Söngvakeppninni. Að þessu sinni var farið til árins 2007 og lagið Áfram með Sigurjóni Brink rifjað upp.

Fimman - Jóhann G Jóhannsson leikari. Jóhann fór í gegnum fimm atburði sem hafa haft djúp áhrif á líf hans. Atburðirnir eru þessir:

1 Þorlákur þreytti. Jói var sex ára þegar hann fékk að fara með Jóku systur sinni á æfingar hjá leikfélagi Kópavogs og ákvað þá strax að verða leikari

2 Nonni og Manni. Jói sótti um og fékk hlutverk í sjónvarpsþáttunum um Nonna og Manna. Það var ævintýraleg reynsla sem hjálpaði honum á lífsins vegi

3 Árásin. Jói varð fyrir fólskulegri árás í miðborg Reykjavíkur sem hafði mikil áhrif á hann og hefði getað brotið hann niður en honum tókst að snúa því upp í sigur þegar hann hélt til Bandaríkjanna í leiklistarnám

4 Fæðing Jóa litla. Fyrsta barn Jóa og konu hans Guðrúnar Kaldal fæddist og það breytti öllu. Síðar kom Krummi til sögunnar.

5 Dagarnir 1-6 apríl. Jói rifjar upp vikuna þegar Jói sonur hans fékk flogaveikikast í fyrsta sinn og lífið breyttist hjá þeim öllum. Í lok þessarar viku kom annað áfall þegar faðir Jóa féll frá.

Í síðari hluta þáttarins var Megas aðal maðurinn enda afmælisbarn dagsins.

Fram og til baka 31.03.2019

Umsjón Felix Bergsson

Lag dagsins var eins og undanfarna sunnudaga úr Söngvakeppninni. Sóley sem Björgvin Halldórsson og Katla María sungu árið 1989. Lagið er eftir Gunnar Þórðarson.

Fimman - Hjördís Geirsdóttir söngkona

Hjördís Geirsdóttir var gestur Felix í Fimmunni og talaði um fimm atriði sem breyttu lífi hennar en þar var nú aldeilis af miklu af taka

1 Hjördís sá KK sextettinn Ragga Bjarna og Ellý árið 1958 á Selfossi. Fór í kjölfarið að syngja á böllum á suðurlandi. Það var á þessum árum sem hún kynntist eiginmanninum Þórhalli Geirssyni.

2. Hjördís var flutt í höfuðborgina en söng á böllum fyrir austan og var gjarnan fengin til að leysa aðrar söngkonur af, t.d. Helenu Eyjólfsdóttur þegar hún var barnshafandi. Í kjölfarið fór Hjördís að syngja með Karli Lilliendahl og hljómsveit, m.a. Í hinum nýja Víkingasal á Hótel Loftleiðum.

3. Hjördís var orðin tæplega fimmtug þegar hún venti sínu kvæði kross og fór í sjúkraliðanám. Þá hafði hún verið að sinna heimili, börnum og eldri fjölskyldumeðlimum og fann sig gríðarlega vel innan veggja heilbrigðisstofnana.

4. Hjördís fékk símtal frá Úrval Útsýn og verður skemmtanastjóri í ferðum Íslendinga erlendis í 15 ár. Hún söng og trallaði og stjórnaði hinum og þessum ævintýrunum.

5. Í kjölfarið á því að Hjördís hættir að starfa sem sjúkraliði dettur hún inn í félagsstarf fyrir eldri borgara í Hæðargarði með áherslu á fólk með heilabilanir. Það starf hefur aldeilis undið upp á sig með kórastarfi og söng með stórsveit.

Öll þessi sextíu ár hefur Hjördíds verið að syngja með öllu hinu stússinu og hún heldur hátíðartónleika í Salnum þann 14. apríl

Umfjöllun The Searchers halda lokatónleika í Milton Keynes í kvöld en hljómsveitin hefur einmitt verið starfandi í 60 ár. Stefán Halldórsson tónlistaráhugamaður var á línunni og sagði af sveitinni sem hann hefur þrisvar séð á tónleikum.

Fréttagetraun - sigurvegarar Enok Sigurgeir Klemensson og Garðar Jónsson

Fram og til baka 24.03.2019

Umsjón Felix Bergsson

Lag dagsins - söngvakeppnin, Hugur minn fylgir þér, Ólöf Jara Skagfjörð frá 2009

Fimman - Sólveig Jónsdóttir rithöfundur fjallaði um fimm staði sem hafa haft áhrif á líf hennar og birst í verkum hennar síðar en nýjasta bókin hennar, Heiður, kom út á síðasta ári og hefur fengið frábæra dóma. Þar fjallar hún um ástandið á Írlandi en það er einmitt einn staðanna sem Sólveig nefndi. Þetta voru staðirnir hennar Sólveigar:

1. heimahagarnir Galtarholt í Hvalfjarðarsveit en þar ólst Sólveig upp ásamt foreldrum og þremur systkinum. Öllum þessum árum síðar talar Sólveig enn um að skutlast heim þegar hún heimsækir foreldra sína í Galtarholt.

2. Akranes en þangað fluttist Sólveig 16 ára til að hefja nám í Fjölbrautarskólanum á Akranesi á náttúrufræðibraut. Hún lærði latneska fræðiheitið á öllum íslenskum varpfuglum, svona bara af því að það var ekkert í sjónvarpinu, eins og hún orðaði það. Henni þykir mjög vænt um Akranes

3. Reykjavik sem tók á móti Sólveigu 21 árs háskólanema sem nam stjórnmálafræði. Hún flutti í vesturbæinn og fann bæjarstemmninguna sem hún þekkti frá Akranesi. Að auki bjó hún í Breiðholtinu og hafði útsýni yfir borgina og sundin blá.

4. Írland en þar fann Sólveig góða tengingu og byrjaði að skrifa. Amma hennar hafði alltaf sagt henni af tengslum Íslendinga við Kelta og það blundaði í Sólveigu að kanna það nánar. Hún varð fyrir hugljómun þegar hún heimsótti hið fræga fangelsi Kilmainham gaol og sökkti sér niður í söguna af baráttu Íra fyrir sjálfstæði.

5. Edinborg í Skotlandi en þar stúderaði Sólveig þjóðernishyggju til MA prófs við Edinborgarháskóla. Hún var úti þegar hrunið varð og stofnaði fyrirtæki sem sá um veisluþjónustu. Svo hélt hún líka áfram að skrifa þó fyrsta bókin, Kortér, birtist ekki fyrr en nokkrum árum síðar. En það er önnur saga..

Umfjöllun - björgunarsveitin í Borgarnesi Brák, Elín Matthildur Kristinsdóttir

Fréttagetraun, höfundur Árni Freyr Magnússon

Fram og til baka 17.03.2019

umsjón Felix Bergsson

Lag dagsins - Minn hinsti dans, Páll Óskar

Fimman Haukur Harðarson íþróttafréttamaður. Fimm kvikmyndir sem breyttu lífi hans.

Umfjöllun vegna Dags heilags Patreks á Írlandi. Jón Baldvin Halldórsson fyrrverandi fréttamaður og Írlandsvinur

Fram og til baka 10.03.2019

lag dagsins - hægt og hljótt Halla Margrét Árnadóttir

Fimman - Ragna Sara Jónsdóttir, fimm bækur sem breyttu lífi hennar

Örstutt umfjöllun um 10. mars

Viðtal - Eygló Hilmarsdóttir leikkona þreytir frumraun sína í Þjóðleikhúsinu

Fram og til baka 03.03.2019

Umsjón Felix Bergsson

Lag dagsins var úr Söngvakeppninni 2015. Elín Sif Halldórsdóttir söng eigið lag, Í kvöld

Fimman - Karl Ágúst Úlfsson.

Karl Ágúst sagði frá fimm kennurum sem hafa haft djúp áhrif á hann. Þar voru listgreinakennarar í forgrunni, allt frá leiklistarkennara í grunnskóla til kennara sem var fyrst og fremst í því að deila sögum þegar Kalli var í mastersnámi í leikritun.

Umfjöllun - Söngvakeppnin Kristján Eldjárn Sveinsson og Karítas Harpa Davíðsdóttir

Söngvakeppnin 2019 var gerð upp í tali og tónum enda var lokakvöldið æsispennandi og skemmtilegt.

Fréttagetraun - höfundur Árni Freyr Magnússon

Sigurvegari - Þorgeir Finnsson í Grenivík

Fram og til baka 24.02.2019

Umsjón Felix Bergsson

Lag dagsins var Sögur sem Ingunn Gylfadóttir söng í Söngvakeppninni árið 2003

Fimman - Þuríður Sigurðardóttir

Þuríður Sigurðardóttir söngkona og myndlistarmaður varð sjötug á dögunum. Hún kom í fimmuna og fjallaði um fimm áratugi frá 1969 og hverjir hápunktarnir voru.

umfjöllun/viðtal - Lovísa Árnadóttir og Kristján Eldjárn Sveinsson komu í spjall um Söngvakeppnina 2019 en úrslitin eru framundan

Í kjölfarið ræddu þau líka um þau lög sem eru komin fram frá öðrum löndum í Eurovision 2019.

Fram og til baka 17.02.2019

Umsjón Felix Bergsson

Lag dagsins - Söngvakeppnin árið 2001. Röddin þín, Fabúla

Fimman - Þorbjörg Helga Vigfúsdóttir kom og drakk sunnudagskaffi. Hún sagði okkur af fimm bílum sem hafa haft áhrif á líf hennar. Þetta hófst allt á appelsínugulum matchboxbíl og endaði í ráðherrabílnum með Þorgerði Katrínu Gunnarsdóttur þar sem þær söfnuðu kjarki áður en haldið var á fund með kennurum í MR um styttingu framhaldskólans.

umfjöllun/viðtal - Söngvakeppnin - úrslitin í gærkvöldi. Lovísa Árnadóttir og Kristján Eldjárn Sveinsson komu í heimsókn og ræddu úrslitin í gærkvöldi í Háskólabíói en þar fóru þau Tara Mobee og Friðrik Ómar Hjörleifsson áfram í síðari undanúrslitum og komust alla leið í úrslitin 2. mars. Að auki var “Eitt lag enn“ kynnt og það reyndist vera lagið sem hún Kristina Bærentsen syngur sem fékk aukamiðann í úrslitin.

Fréttagetraun - Sigurvegari Garðar Jónsson Reykjavík