Frímælt hesa ferð loftar øllum møguligum bóltum. Alt frá Bjarka Hansen, sum sang saman við Bryan Adams, til Mariannu Winther Nagata, sum bleiv interviewað av RUV, og borgarstjóran í Tórshavnar kommunu, sum krassjaði ein firmabil hjá pápa sínum.

Harumframt vitjar Sissal Jóhanna Norðberg Niclasen eisini studio, og vit fáa tí eina feska dagføring úr hennara gerandisdegi, nú tríggjar vikur eru til finaluna í Eurovision.

Gestir eru Rannvør Fríða Eyðunsdóttir, lesandi, Anna Poulsen, búskaparfrøðingur, og Sissal Jóhanna Norðberg Niclasen, tónleikari.

Vertur er Rólant Waag Dam.

See omnystudio.com/listener for privacy information.

Heiðrik á Heygum er farin undir at gera ein musical, sum hann er komin í Frímælt at tosa um. Vit skifta eisini orð um, hvat tað er, ið stríðið í Miðeystri ger við fólk í Føroyum - og hvat tað ger við Javnaðarflokkin og Sjúrð Skaale.

At enda koma vit við nøkrum viðmælum til fólk, sum eru farin í páskafrí. Alt frá konsertum til seriur og bøkur.

Gestir eru Siri Súsonnudóttir Hansen, Heiðrik á Heygum og Finnur Koba.

Vertur er Rólant Waag Dam.

See omnystudio.com/listener for privacy information.

Rani Nolsøe hevur givið út bók, har n-orðið er partur av heitinum. Hetta hevur fingið fleiri at geva ilt av sær og harmast. Tað tosa vit um, umframt at vit tosa við Rana Nolsøe sjálvan.

Vit tosa eisini um nýggja filmin hjá Sakarisi Stórá, Seinasta paradís á jørð, sum hevur fostrað eina nýggja stjørnu í Bjørg Brynhildardóttir Egholm.

Støðan í Framsókn verður eisini vend, nú Sólvit Nolsøe hevur takkað fyri seg í flokkinum, umframt at røðin White Lotus eisini verður viðgjørd, nú seinasti partur í røðini er komin út.

Gestir eru Bjørt Lind, sálarfrøðingur, Jan Vestergaard, sjómaður, og Jan Lamhauge, journalistur.

Vertur er Rólant Waag Dam.

See omnystudio.com/listener for privacy information.

Frímælt hesa ferð bjóðar tvær søgur, sum hava verið sera nógv umrøddar seinastu dagarnar. Báðar knýta tær seg at fótbólti, men hava absolutt einki við fótbólt at gera. Tann eina søgan er um ein mann, sum klípti ein annan í pissilingin. Á fótbóltsvøllinum. Hin søgan er um ein mann, sum er komin til Føroya at spæla fótbólt, men ikki tók í hondina á skrivaranum í felagnum, hann skal spæla fyri.

Vit tosa eisini um Framsókn, sum fer at vera fyri fríari fosturtøku - eftir næsta løgtingsval. Men hvørjar avleiðingar hevur ein fráboðan av tí slagnum?

Vit fara eisini ein túr í Bob & Marilyn’s, handilin, sum er bæði aktuellur við einum nýggjum poddvarpi og einum social club, sum teir kalla tað, har tey møtast eina ferð um vikuna fyri at renna ein kvøldartúr í felag.

1. apríl hevur eisini verið, nógvar aprílsøgur eru sagdar, men er tað ein farin tíð, spyrja vit - og so runda vit eisini nýggja stjóran í Kringvarpi Føroya, Magnus Dam.

Gestir hesa ferð eru Niels Uni Dam, stjóri í Nudlavirkinum, Leivur Frederiksen, skúlastjóri og miðlamaður í Televarpinum, og Høgni Mohr, eigari av Bob & Marilyn’s.

Vertur er Rólant Waag Dam.

See omnystudio.com/listener for privacy information.

Hesa ferð kava vit niður røðina, sum øll tosa um í hesum døgum: Adolescence á Netflix. Vit tosa um tematikkin, sjónleikararnar og filmslistarliga partin av bretsku røðini, sum er fýra partar.

 

Vit nerta eisini stutt við White Lotus, áðrenn farið verður á FMA í Varpinum, sum vísti seg at vera ein ógvuliga góð sjónvarpssending, fyri síðani at enda í Grønlandi, sum øll heimsins eygu eru vend ímóti í hesum døgum.

 

Gestir eru Sunva Eysturoy Lassen, fotografur, Jan Vestergaard, sjómaður, og Mikael Blak, tónleikari.

 

Vertur er Rólant Waag Dam.

See omnystudio.com/listener for privacy information.

6. juni skuldi Dania O. Tausen spæla á Maggies í Nólsoy, men tað avlýsti Terji Rasmussen - og nú skal Son of Fortune spæla henda dagin. Tað ger Benjamin Petersen saman við Terja Rasmussen, Leivi Thomsen og Kim Hansen, umframt Jan Rúna Poulsen, sum altíð spælir við Son of Fortune. Onkur hevur rópt hetta eina hevndarkonsert.

Hetta tosa vit um, umframt at vit tosa um FMA, sum verður í Varpinum fríggjakvøldið 21. mars. 

Vit tosa eisini um, at Frihedsbrevet hevur kært ein løgreglumann fyri eina óhóskandi viðmerking, sum fall í samband við eitt mál í Eystara landsrætti um blúnisbrot. Eisini koma vit inn á handfaringina av søgunum um sexchikanu á Landssjúkrahúsinum.

Somuleiðis stundar til, at matstovan Paz letur upp. Vit tosa við Poul Andrias Ziska um hetta, og um góðu umrøðuna, sum hetta fær í eitt nú danska magasininum Euroman.

Gestir í Frímælt eru Bjørt Lind, sálarfrøðingur, Barbara Holm, ábyrgdarstjóri í Frihedsbrevet, og Poul Andrias Ziska, kokkur.

 

Vertur er Rólant Waag Dam.

See omnystudio.com/listener for privacy information.

Hetta er seinasti ókeypis parturin av Frímælt. Vilt tú hoyra Frímælt framyvir, mást tú tekna hald. Tað gert tú á Frihedsbrevet.fo og trýstir á Verð limur. Velur tú Mánaðarhald, so fært tú fyrsta mánaðin fyri hálvan prís, um tú skrivar Frímælt í teigin Avsláttarskipan.

 

Í Frímælt hesa ferð venda vit talk of the town, sum er kjakið, ið kom av kjalarvørrinum av umstrídda innslagnum í sendingini Vikuskifti í Kringvarpi Føroya, sum Leivur Thomsen gjørdi um konsertina Femininomen, ið fekk Mariannu Nagata at loysa frá posabandinum á Facebook.

 

Vit tosa hava eisini ein serligan gest inni at tosa um, hvussu Tjarnir royndist sum hondbóltshøll, nú stórhøllin varð trýstroynd til landsdystin millum Føroyar og Holland.

 

Somuleiðis fara vit ein túr við Joe & The Shitboys til New York og við Kringvarpi Føroya til Grønlands.

 

Gestir eru Elsa Maria Magnusardóttir Olsen, samfelagsfrøðingur, Fríði Djurhuus, tónleikari, og Heri Wang Danielsen, lesandi, umframt Helgi Hildarson Hoydal, hondbóltsspælari.

 

Vertur er Rólant Waag Dam.

See omnystudio.com/listener for privacy information.

Hetta er næstseinasti parturin av Frímælt, sum er ókeypis. Ein ókeypis partur kemur fríggjadagin 14. mars. Eftir tað ber bara til at hoyra Frímælt, um tú heldur Frihedsbrevet.

Femifagnaður er hesa vikuna, Kvinnudagur er leygardagin 8. mars og tað fyllir nógv henda partin, har vit eisini nema við søgurnar á Landssjúkrahúsinum og sexsjikanu har, og murtamyndirnar, sum borgarstjórin í Sunda kommunu hevur sent kvinnum, áðrenn hann gjørdist borgarstjóri.

Vit tosa eisini um onnur tiltøk, sum eru, og spyrja, hvar verkakvinnan bleiv av í Femifagnaðinum og á Kvinnudegnum.

Gestir eru Sonja Jógvansdóttir, samfelagsfrøðingur, Marianna Winther Nagata, tónleikari, og Barbara Holm, ábyrgdarstjóri í Frihedsbrevet.

Vertur er Rólant Waag Dam.

See omnystudio.com/listener for privacy information.

Opið stríð hevur tikið seg upp millum Steintór Rasmussen, tónleikara, og Eyðfinn Jensen, tónleikasamskipara í Kringvarpi Føroya, nú Spæl føroyskt vika er og Ársins útvarpshitt skal veljast.
Stríðið byrjaði sum ein tráður á Facebook, flutti seg inn í sendingina Skratsj í almenna Kringvarpi Føroya og síðani í sendingina Komið øll við hjá privata miðlinum Norðlýsið.

Vit hyggja nærri at hesum, at Spæl føroyskt vikuni og FMA, har tey hava kunngjørt, hvørji eru í uppskoti at vinna virðislønir til tiltakið, sum verður í Varpinum um tríggjar vikur.

Eisini tosa vit við Fríða Djurhuus, sangara í Joe & The Shitboys, nú tað er komið fram, at føroyski punkbólkurin skal hita upp fyri Iggy Pop í Onglandi í næstum.

Og so venda vit eisini málinum um Dennis Holm, sum enn var landsstýrismaður í fiskivinnumálum, tá parturin varð tikin upp, men sum seinnapartin hósdagin 27. februar fór frá.

Gestir eru Marianna Winther Nagata, skrivari í Tónleikasambandi Føroya og samskipari av FMA, Heri Wang Danielsen, lesandi og kjakari, og Jan Lamhauge, journalistur.

Vertur er Rólant Waag Dam.

See omnystudio.com/listener for privacy information.

Hallur av Rana er journalistur í Kringvarpi Føroya, men hann er eisini sonur Jenis av Rana, formann í Miðflokkinum, sum fólk elska - og elska at hata. Í Frímælt hesa ferð tosa vit um, hvussu tað er at vera barn hjá einum politikara. Tað gera vit, tí hetta tosa Jørgen Niclasen og Høgni Hoydal um í nýggja poddvarpinum hjá Fólkaflokkinum, sum eitur Fólkapoddurin.

Vit tosa eisini um PAZ, nýggju matstovuna hjá Poul Andriasi Ziska, sum letur upp mitt í Havnini í apríl. Poul Andrias Ziska vitjar Frímælt og greiðir frá.

Vit tosa um Tjarnir og listina uttanfyri nýggja føroyska stoltleikan, sum skal savna tjóðina um bæði mentan og ítrótt. 

Umframt Hall av Rana og Poul Andrias Ziska er Høgni Mohr, ið saman við øðrum eigur og rekur klædna- og lívsstílhandilin Bob & Marilyns, eisini gestur í Frímælt hesa ferð.

Vertur er Rólant Waag Dam.

See omnystudio.com/listener for privacy information.