Eyðfinn Magnussen hevur tey seinastu tíggju árini savnað inn hagtøl um haruveiðuna í Føroyum, og aftur í ár er ætlanin at fáa hagtøl til vega. Men har er ein trupulleiki. Hvørt ár gerst tað alsamt truplari hjá Eyðfinni at fáa fatur á hagtølunum, hóast tað er rættiliga einfalt at skráseta tølini í skipanini á heimasíðuni haran.fo.

Hvat kanst tú gera í urtagarðinum hesa tíðina á árinum, og hvat eigur tú als ikki at gera?

Í morgunsendingini gevur Haraldur Símunarson Hammer góð urtagarðsráð.

Gestir hesaferð:

Eyðfinn Magnussen

Poul Michelsen

Turið Christophers

Meiken Skarðenni

Haraldur S. Hammer

Í 1968 sakk ferðafólkaskipið Ritan, eftir at hon var ásilgd av Ternuni uttan fyri molan í Havn. Nú er ein forkunnugur filmur, ið vísir løtuna, komin undan kavi. Tað var Poul Michelsen, ið filmaði søguligu hendingina.

Ritan kom í flotan í 1949. Hon var bygd í Keypmannahavn og sigldi fyri tað mesta millum Sandoy, Nólsoy og Tórshavn.

Tað er ikki minst sangurin Ritukvæðið hjá Harkaliðnum, ið hevur gjørt, at henda hendingin er vorðin ógvuliga kend.

Uttan fyri Havnarmola

Hittust tey so mangan dag

Har var gaman í at trola

Gestir hesaferð:

Finn Johannesen

Jóhann Mortensen

Lis Samuelsen

Sjúrður Skaale

Tummas Lervig

Jóhann Lutzen

Lív Magnussen, Liam Ulrik Picolell Saxov og Áki Stenberg velja i dag fyri fyrstu ferð, tí hetta er fyrsta val, tey hava valrætt til.

Og tað er spennandi, umframt at tað fyllir nógv hjá teimum ungu.

- Eg merki stóran mun, tá eg møti vinfólkum á gøtuni, tí øll spyrja hvønn annan, hvat tey fara at velja. Eisini tosa vit nógv meira um tað i tímanum, sigur Lív Magnussen.

Øll trý ætla sær á val, men ikki øll høvdu fríggjadagin gjørt av, júst hvønn tey ætlaðu sær at velja. Onkur visti, meðan onkur annar var í iva.

Tey, ið luttaka í sendingini eru Andrias Klein Gregoriusen, Barbara Samuelsen, Georg L. Petersen, Kristina Fossaberg, Jógvan Fríðriksson, Lív Magnussen, Liam Ulrik Picolell Saxov, Áki Stenberg, Jóan Petur Hentze, Herman í Stórustovu

Í dag eru júst 15 ár liðin, síðan Jógvan Fríðriksson var valdur til biskup í føroysku fólkakirkjuni.

Hetta hevur verið eitt hendingaríkt tíðarskeið, og kirkjan hevur flutt seg nógv, heldur bispur.

Til dømis kundi tað fyrr koma fyri, at bløðini vóru á tremur við lesarabrøvum frá prestum, sum gjørdu vart við sína misnøgd.

Í dag hevur kirkjan lært at viðgera sínar ósemjur innanhýsis.

Hesa ferð tosar panelið um útsøgnina hjá Jenisi av Rana í Andglettinum mikudagin, har hann ikki vildi vísa á ein samkyndan forsætisráðharra. Um útsøgnina hjá forkvinnuni í næmingaráðinum á Glasi, sum tosaði um 'gamlar hvítar menn', og fall hetta mongum fyri bróstið. Og at ung fólk eftirspyrja smærri og serliga bíligari íbúðum í staðin fyri hús.

Av tí at ein mátti geva avboð í morgun, vóru tað bert teir báðir Napolion Jóhansson Magnussen og Signar í Homrum, ið mannaðu panelið hesa ferð.

Í Streymnesi er eitt vaskirúm, sum verður brúkt til nakað annað enn vaskirúm flest, tí her verður tógv í longum banum litað í alskyns litbrigdum.

Góðan Morgun Føeoyar hevur verið á gátt hjá Vár Hansen, sum hevur Hespuna, og vit sluppu at síggja, hvussu hon ger, tá ið hon litar tógvið, sum er at síggja á nógvum stokkum kring alt landið í løtuni.