Gestir hesaferð:

Martin Kúrberg

Napoleon Magnussen

Signar í Homrum

10. flokkur í Runavíkar og Tofta skúla innrætta Gulu Smiðju til ræðsluhús.

Fólk skulu gerast frá sær sjálvum av ræðslu, siga næmingarnir.

Aldursmarkið verður 12 ár, uttan so at tey fylgjast við einum vaksnum.

Evnið, sum skal ganga aftur, er barnaheim, og tað er tað, sum Gula Smiðja fer at líkjast.

248 kilometrar upp á 37 tímar.

Soleiðis sá næstseinasta vikuskiftið út hjá Halli Holm, tá hann var við á danska landsliðnum saman við 14 øðrum til HM í Backyard Ultra í Danmark.

Og við teimum 248 kilometrunum hevur Hallur Holm sligið persónligt met. Eisini er hann tann føroyingurin, sum hevur runnið flest kilometrar í einari kapping.

- Tað var sera strævið. Eg hevði kvalma, ilt í búkinum og ilt í knænum ein part av kappingini. Men so vóru eisini løtur, har eg hevði tað gott og hevði gott mót, sigur Hallur Holm.

- Í verandi løtu eru vit í einum aldudali, og honum ætla vit okkum skjótast gjørligt at sleppa burturúr.

Tað sigur Karstin Joensen, sum tók við sum formaður í NSÍ í gjárkvøldið.

Hann er spurdur fleiri ferðir um at bjóða seg fram at gerast formaður í NSÍ og heldur hetta vera røttu løtuna, nú felagnum tørvar hjálp.

Nýggja starvsnevndin kemur saman í kvøld og fer síðani at seta út í kortið, hvat verður gjørt frameftir.

Men nýggi formaðurin dylur ikki fyri, at felagið skal skipast av nýggjum.

Gestir hesaferð:

Fía Winther Poulsen

Jónu á Stongum

Heri á Rógvu

Búi Dam

Mike Viderø

Hallur Holm

Karstin Joensen

24 frískir menn og 24 frískar kvinnur millum 20 og 50 ár hava luttikið í kanningini.

Helvtin av luttakarunum tók heilivág fyri ov høgt blóðtrýst, sokallaðan ACE-tálmandi heilivág, og hin helvtin tók lumpitablettir (placebo).

Kanningin hjá Tóri Sjúrðarson vísir, at tey, sum tóku ACE-tálmandi heilivág, fingu minni burtur úr kropsligu venjingini.

Vígdis Skorheim, námsfrøðingur, ið hevur lisið námsfrøðiliga sálarfrøði, vísir á, at tú kanst grundgeva fyri báðum sjónarmiðum.

Børn uppliva tað fjálgt og trygt at sova saman við foreldrunum.

Hinvegin er tað eisini ein sannroynd, at tey kunnu gerast meiri sjálvstøðug, um tey sova í egnum kamari.

Hetta er eitt evni, sum flest øll foreldur hava eina meining um, og í grundini er einki rætt svar. Børn eru ymisk, og tað snýr seg um at finna eina skipan, sum er gagnlig fyri allar partar, leggur Vígdis Skorheim dent á.

Tey luttakandi hesaferð eru Stefanie Trónd Larsdóttir, Tórur Sjúrðarson, Toni Dam, Vígdis Skorheim

Í august í 1988 steig Toni Dam fyrstu ferð inn um portrið á Ryes Kaserne í Fredericia.

Har byrjaði ein drúgv og hendingarík yrkisleið í donsku verjuni.

Nú, 35 ár seinni, hevur hann loksins takkað fyri seg.

Tað var kensluborið at taka avgerðina, men tíðin var komin at gevast, sigur Toni avgjørdur.

Har standa tvey føt og smákóka. Í tí eina liggur ljós føroysk ull og í hinum mjúk útlendsk. Um eina løtu verður annað karið fylt við ljósareyðari liting og hitt við gulari.

Vit eru í grovkøkinum hjá Vár Hansen í Streymnesi, har hon litar tógv av alskyns slag, sum hon so selir til fólk at binda.

- Tað heila byrjaði, tá dótturin vildi hava eina troyggju úr einum ávísum tógvi, men eg fann tað ongastaðni. So hugsaði eg, at eg kundi tað sama royna at gera tað sjálv.