- Vinirnir halda tað vera eitt sindur ov nógv av tí góða, men soleiðis má tað bara vera beint nú, sigur Sasho Bjartson, sum eigur hugskot og handrit til familjusangleikin Julius í Likkudali, sum verður framførdur í Norðurlandahúsinum um nakrar vikur.

- Eg havi arbeitt nógv við sjónleiki, bæði á palli og aftanfyri, og nú skuldi tað roynast at gera alt frá byrjan, sigur Sasho, sum fór í gongd við arbeiðið fyrst í árinum.

Ein av høvuðsleikarunum er 11 ára gamli Bjarki Virgarsson Trondesen, og honum dámar væl at vera við, sjálvt um tað kann vera eitt sindur strævið viðhvørt.

Gongst sum ætlað, verður ein barnabók skrivað um Norsku løvu, seglskipið, ið rendi á land í Lamba í 1707.

Sunneva Lambavík, sum sjálv er uppvaksin og búsitandi í Lamba, hevur altíð verið hugtikin av søguni um skipið, sum sakk á Lambavík nýggjársaftan, 1707.

Nú hevur hon sett sær fyri, at børn eisini skulu læra ævintýrkendu søguna at kenna.

Myndirnar í bókini hevur Bjørk Jónheðinsdóttir Tróndheim teknað.

Eisini er ein ljóðmynd, ið Hans Marius Ziska hevur havt um hendur.

Í gjár tann 16. oktobur var altjóða hjartastartaradagur.

Hetta er ein dagur, har sjóneykan verður sett á hjartastartarar, hvussu teir skulu brúkast, og hvønn týdning teir hava.

Tveir, sum javnan uppliva, júst hvussu stóran týdning hjartastartararnir hava, eru Kristin Restorff Mouritsen og Rani í Líð. Teir eru ambulansuviðgerðar í sjúkraflutningstænastuni á Landssjúkrahúsinum.

Gestir hesaferð:

Andrias Klein Gregoriussen

Kristin Restorff Mouritsen

Rani í Líð

Durita Fagradal Augustinussen

Tey ungu í z-ættarliðnum eru borin í heim frá 1995 til 2010. Hetta er ættarliðið, sum nú er á veg á arbeiðsmarknaðin.

Z-ættarliðið hevur ein øðrvísi hugburð til arbeiðsgevaran, enn undanfarin høvdu.

Tey kenna ikki sama loyalitet til arbeiðsplássið, og tey krevja atkomuligheit til leiðslu.

Eitt, sum sermerkir hendan aldursbólkin, er, at tey eru uppvaksin við internetinum, og har atgongdin til allan heimin hevur altíð verið ein inngrógvin partur av teirra lívi.

- Tá vit skuldu í bankan at tosa við tey um ætlanina at lata upp Breyðvirkið, høvdu vit eina góða kenslu við okkum, tí tað tók bara 24 tímar at fáa til vega teir pengar, vit høvdu søkt um har inni, sigur Randi Olsen, annar av stovnarunum av Breyðvirkinum.

Umframt at hava fingið pengar til ein ovn, høvdu tær eisini fingið prógv um, tær ikki vóru tær einastu, ið hildu tað vera eitt gott hugskot at lata upp eitt nýtt bakarí.

Á hvørjum ári letur Sinnisbati eina sálarheilsuvirðisløn. Virðislønina hesa ferð fekk Herborg Joensen.

Í góð 48 ár starvaðist hon á Vaskarínum á Landssjúkrahúsinum. Flestu árini var hon leiðari.

Sum leiðari valdi Herborg Joensen ofta at seta seg í støðuna hjá starvsfólkunum.

- Skalt tú skilja starvsfókini, mást tú kenna teirra arbeiði, sigur hon.

Í grundgevingini hjá Sinnisbata fyri at leta Herborg Joensen sálarheilsuvirðislønina 2022 stendur:

Gestir:

Herborg Joensen

Rasmus Vigant Samuelsen

Steintór Rasmussen

Magni Thomsen

Randi Olsen

Hvar fert tú nú er heitið á nýggjum sangi, sum Steintór Rasmussen hevur givið út.

Hetta er ein sangur um kríggj, og teksturin var skrivaður, tá ið tíðindini bórust um, at Russland hevði gjørt innrás í Ukraina.

Ein veruleiki, sum hevur ávirkað sangskrivaran í Klaksvík. 

 

Videolag við myndum úr Ukraina

Eitt videolag við myndum úr krígsherjaða Ukraina er eisini gjørt, og myndirnar hevur Stanislav Senyk tikið.

Margit Joensen syngur saman við Steintóri Rasmussen og Karl Martin Samuelsen syngur kór.

Gestir eru:

Súsanna Hovgaard Clementsen, Osla Arge Ellingsgaard, Tórarinn á Rípuni, Jan Hammer Egholm og Thora Eyðunsdóttir Marr.