Tað hugtekur meg at síggja, hvussu gomlu kortini vórðu gjørd, sigur Jan Hammer Egholm.

Elsta kortið, hann hevur í savninum, er frá 1570.

Tað er einastandandi, at tey hava megnað at gjørt kortini so neyv við teimum amboðum, sum vóru tøk tá, leggur Jan aftrat.

Tórarinn á Rípuni, savnslærari á Tjóðsavninum, heldur eisini kortini vera áhugaverd.

Hann vísir á, at tað er eyðsæð á eitt nu elsta kortinum, at tey, ið hava teknað, ikki hava verið í Føroyum.

Tað er bygt á frásagnir og samansetingar av øðrum kortum.

Sølubúðin hjá Verkhúsinum Virkni er mest kend fyri heimagjørda jólaprýðið, sum hongur í nógvum føroyskum heimum eftir hondini.

Eitt av hesum jólaprýðum er eisini partur av ljósareyða oktober, um tó í einum øðrum hami, tí væl kendi jólaeingilin eitur hendan mánaðin "boppueingilin" og er ljósareyður í staðin.

- Tað var soleiðis, tað heila byrjaði. Vit gjørdu jólapynt, og onkur hálaði í beinini á einglinum, sum so sóu út sum boppur, flennir Súsanna Hovgaard Clementsen, leiðari í Verkhúsinum Virkni.

Ring samvitska um ikki at strekkja til sum genta, kvinna, mamma og kona hava verið gerandisdagur hjá Thoru Eyðunsdóttur Marr í nógv ár.

Inntil hon fekk staðfest ADHD sum 42 ára gomul.

Diagnosan hevur hjálpt henni at fáa lívið og raðfestingar upp á pláss, men tað kom so langt sum til angist og strongd, áðrenn diagnosan var staðfest.

Gentur og kvinnur yvirsæddar

- Ofta gerast fólk vitjanarvinir, tí tey vilja gera nakað gott fyri onnur, men tá ein tíð er liðin, finna tey útav, at tey sjálvi gerast glað fyri sín níggja vin.

Tað sigur Bjørk Wiggins frá Reyða Krossi, tá hon verður spurd, hví fólk gerast vitjanarvinir. Í løtuni eru umleið 80 vinapør kring landið, sum hava funnið hvønn annan við hesari tænastuni.

Tað er ymiskt, hvat fólk finna uppá at gera saman. Summi fara biltúr, meðan onnur fara í kirkju, at hyggja í handlar ella fáa sær ein drekkamunn.

Føroyskt sum annað mál er ein útbúgving, sum nú ber til at taka í miðnámsskúlanum á Kambsdali. Byrjað verður um mánaðarskiftið, og til ber at søkja nú.

Tað hevur leingi verið eitt ynski hjá tilflytarum í eystur- og norðurøkinum at sleppa at taka útbúgvingina nærri heiminum, tí til nú hava tey verið noydd at leita sær til høvuðsstaðin í skúla.

- Í økinum eru nærum túsund tilflytarar, so tú kanst ætla, at tørvurin hevur verið til staðar, sigur David Im frá útlendingastovuni, sum saman við Óla Wolles, útbúgvingarleiðara á Kambsdali, vitjaði morgunsendingina.

Gestir í sendingini eru Hallur Danielsen, Johan Eli Poulsen, Maria Olsen, Bjørk Wiggins, David Im, Fía Lindenskov, Óli Wolles.

.

- Eg eri bæði glað og rørd, um at eigarin er funnin, tí eg havi alla tíðina hugsað, at hesin ringurin hevur uttan iva stóran týdning fyri tann, sum hevur mist hann.

Soleiðis sigur Tóra Tórgarð úr Havn.

Í nógv ár hevur hon havt ein ring liggjandi, sum hon fann í 2011.

Gestir hesa ferð:

Tóra Torgarð, Páll Holm Johannesen, Kári Holm Johannesen, Uni Holm Johannesen, Heini Ronnason á Heygum, Gurið Krosslá Augustinussen, Tom Jacobsen og Hans Terji Vestergaard.

Í gjárkvøldið var ein nýggjur valhagtalsbanki kunngjørdur.

Hagtalsbankin eitur Valúrslit, og tað eru brøðurnir Páll, Kári og Uni Holm Johannesen sum saman við Bartali Clementsen hava ment hann.

- Konseptið er einfalt. Vit hava savnað saman valúrslit fyri løgtingsvalini, fólkatingsvalini og kommunuvalini í Føroyum og sett tey saman, so tað eftir ætlan skal geva eitt høgligari yvirlit yvir einstøku valini og atkvøðuflytingar tvørtur um valini, siga teir tríggir, Pál, Kári og Uni Holm Johannesen.

Soltið við tilfari