Prát, innsløg og tónleikur.

18 ára gamla, Liza, sum er ættað úr Russlandi, vaks upp í havnarbýnum, Murmansk. Fyri sjey árum síðani flutti hon, saman við familjuni, til Føroya.

Tað var trupult at byrja í fjórða flokki og ikki duga málið, minnist Liza. Men lærarar og floksfelagar gjørdu, at hon kendi seg væl móttikna.

Nú hevur Liza fingið sítt heilsuhjálpara prógv. Ein sólskinssøga, sigur Heilsuskúli Føroya á sínum vanga.

Liza ætlar at útbúgva seg víðari og hevur søkt til heilsurøktara.

Prát, innsløg og tónleikur.

Prát, innsløg og tónleikur

Sí video.

15 ára gamla Anna Frank og familja hennara vóru handtikin 4. august 1944. Tey høvdu krógvað seg fyri nasistunum í eini loyniíbúð í hollendska býnum Amsterdam í tvey ár, men tíðliga um morgunin henda dagin hevði onkur ringt til Gestapo og smettað fyri teimum, hvar Anna Frank og aðrir jødar krógvaðu seg.

Sama dag brutu nasistarnir, við SS-Oberscharführer Karl Silberbauer á odda, inn í loyniligu íbúðina. Anna, pápi hennara Otto, mamman Edith, eldra systurin Margot og hinir jødarnir, ið krógvaðu seg í íbúðini, vóru handtikin.

Prát, innsløg og tónleikur.

Prát, innsløg og tónleikur.

- Knappliga blivu vit bidnir um at koma upp á brúnna, tí ein bátur við eini 35 flóttum var at síggja. Sjálvandi hjálpir mann tað, mann kann, í eini slíkari støðu.

Orðini eigur Jens Heri Bolstad Mortensen.

Fyri einari viku síðani hevði Jens Heri Bolstad Mortensen eina heilt serliga uppliving umborð á oljutangaskipinum Dan Sabia, har hann er skipari. Skipið hevði ligið í dokk í Portugal og var seinasta týsdag á veg til Brasil, tá manningin gjørdist varug við ein bát við eini 35 flóttum í.

Í morgunsendingini fortelur føroyski skiparin um upplivingina við flóttunum.

Hvørt ár verða millum 22 og 27 børn fødd ov tíðliga á Landssjúkrahúsinum.

Hesi børninin brúka klædnastøddir, sum eru næstan ómøguligar at finna í Føroyum - heilt niður í stødd 36.

Hesi smáu børnini skulu sjálvandi eisini hava fitt klæðir, heldur Emma Petersen úr Saltangará, sum hevur fingið hugskotið at seyma og lata klæðir til ov tíðliga fødd børn.