Hoyr fuglafrøðingarnar, Silas Olofson og Jórun Pólsdóttir, greiða frá.

Frøist í dag er heitið á nýggjum jólasangi, sum er komin út.

Tað eru systkini Ólavur og Jona á Váli, sum lata úr hondum, og Ólavur og mamman, Charlotta á Váli Olsen hava skrivað tekstin.

Sangurin er innspældur og framleiddur í studionum hjá Ólavi, Kartney Music.

Eyðun Nolsøe spælir akkustiskan guitar, Torleik Mortensen spælir bass, Henning Hjalt Nicodemussen spælir trummur, og Kim Hansen spælir rhodes.

Restina av ljóðførunum hevur Ólavur sjálvur innspælt.

Gestir í sendingini: Hanus Kjølbro, Dávid Arge Klevand Pedersen, Steintóra Erhardsdóttir og Ólavur á Váli Olsen.

Aftan fyri lúkuna í lurtarakalendaranum í dag fjalir seg ein kend rødd.

Mads Jacobsen var partur av sendingini, Barometrið, ið var send í útvarpinum fyrst í hesari øldini, har hann ringdi til ymisk fólk og setti teimum spurningar um alt millum himmal og jørð.

Vit minnast øll, tá hann ringdi til skiparan á Dúgvuni, tí hann var í neyð, men hesa ferð hevur hann ein annan trupulleika, sum hann vónar, at Hans Eiler Hammer, prestur, kann hjálpa honum við.

.Í 2007 fór Andreas Weihe Madsen undir einstaklingaverkætlanina, Stars Divine.

Hann hevði verið í øðrum bólkum, tá hann búði í Danmark, men fluttur til Føroya hevði hann ikki hug at sleppa.

Tað var spírin til nýggja bólkin. Tað byrjaði við singer/songwriter, men í dag er ljóðmyndin blivin væl størri. Tað kemur greitt til sjóndar á nýggja sanginum, the Leper.

Umfram at gera egnan tónleik, fæst Andreas eisini við at selja tónleik.

Tað verður gjørt í Oceania Records í Klokkaragøtu í Havn, sum fyri tað mesta hevur vinyl á hillunum.

Gestir í sendingini hesa ferð vóru: Jógvan í Lon Jacobsen, Hanus á Gørðum og Andreas Weihe Madsen.

Ársins orð er sammóðir, men um hugt verður í orðabøkurnar á heimasíðuni, sprotin.fo, er orðið ikki at finna í øllum orðabókum. Til dømis er orðið ikki komið í móðurmálsorðabókina á netinum. Orsøkin er tøknilig, sigur ritstjórin á orðabókini.

Fleiri hava gjørt vart við, at sammóðir, sum er ársins orð, ikki er finna á Sprotanum. Tað er tó ikki heilt rætt, tí orðið er í summum av orðabókunum, sum liggja á heimasíðuni sprotin.fo. Eitt nú í orðabókunum, sum Sprotin eigur. Tær orðabøkurnar eru FO-EN, EN-FO og DK-FO.

Fleiri lurtarar hava ynskt sær at hoyra tilfar, ið varð gjørt eftir jólaódnina í 1988.

Starvsfelagi okkara, Gunnar Nolsøe, savnaði nógv av hesum tilfari saman í sendingini, Tíðarinnar bakspegil.

Sjónvarpssending um jólaódnina 25 ár eftir hana sæst her.

Gestir í sendingini vóru: Marjun í Kálvalíð, Martin Andreas Kruse, Zacharias Sørensen og Jóannes Huusgaard á Fløtti.

Dagsins lúkuynski er eitt brot hjá Jákupi Veyhe, um børnini á Sandi, sum ynsktu sær ein tvísporaðan undirsjóvartunnil.