Luttakarar: Jan Christiansen, Margreta Nónklett, Jón Brian Hvidtfeldt

Dagsins ynski er soljóðandi:

Kunnu tit vinaliga spæla brotið av kappróðri á ólavsøku, tá Ørnin og Svanur kappast um fyrsta plássið. Ein sera spennandi ródur um FM heitið.

Hetta er umleið 1996/1997.

Dagsins kalendarabrot er eitt kiks hjá einum av senditøkningunum í KVF.

Hetta var fyrsti dagur, tá Sámal Jákup Jakobsen, senditøkningur í útvarpinum, var einsamallur á vakt, og tá tíðindini kl. 7 byrjaðu, gekk ikki heilt sum ætlað hjá honum.

Ynskið, sum vit spæla í dag, ljóðar soleiðis:

Kunnu tit spæla okkurt brot av Gísmundi, sum var í barnaútvarpinum? Ikki bara sangin, har hann syngur vid, men eitt brot, hann var so stuttligur at lurta eftir og dugdi so væl at spyrja.

Vit hava funnið eitt brot, sum er frá barnaútvarpinum í 2000. Her er Gísmundur blivin sjúkur.

Lurtaraynskið hesaferð ljóðar soleiðis:

Eg hevði kunnað hugsað mær at hoyrt eitt gamalt brot í jólalúkuni. Tað var við Tórði á túri fyri nøkrum árum síðani. Hann var í Porkeri og tosaði við tríggjar fittar dreingir, har beiggi mín var ein. Tosaðu mest um seyð. Helt tað var so fitt og stuttligt av teimum

Tórður var á túri í Porkeri í 2015, og har tosaði hann við Baldur Egholm Petersen, Fríða Olsen og Rók Holm.

Dagsins ynski ljóðar soleiðis:

Kann eg sleppa at hoyra okkurt frá V4 sendingunum um Palleba.

Vit hava funnið eitt brot har Palleba hevur verið til ferming, og greiðir Fossaduni frá upplivingini. Røddirnar eiga Herman Jacobsen og Olivur Næss

Luttakarar: Gunnhild Helmsdal og Andras Nolsøe

Dagsins ynski er soljóðandi:

Eg kundi hugsað mær at hoyrt eitt brot frá 70-unum, haldi eg, har Finnbogi Isaksen tosaði við Janus Sørensen (Janus í Húsavík), tað var á ólavsøku úti á keiini millum kappróðarnar.

Janus, sum var ein eldri maður tá, fortaldi um onkran ólavsøkutúr, tá hann var ungur. Hetta var ógvuliga undirhaldandi og var ofta havt frammi millum fólk.

Lurtari hevur sent okkum eini boð, sum ljóða soleiðis:

Kunnu tit onkran morgun spælt brotið, tá Jákup Dahl og Sára Jógvansdóttir fóru oman í Gomlu Hoyvíkinuna at 'dyppa'. 

Tað var eitt so deiliga festligt og ósensurerað innslag at hoyra.

Ynskið, sum vit spæla, í dag ljóðar soleiðis:

Kundu tit, ein av døgunum, spælt og lagt sangin "Lítla Marin droymdi", sum ein flokkur á Venjingarskúlanum sang einaferð í 80´unum, út á tykkara fb síðu? Tað var eitt so fitt video til sangin, har sangarar spældu leiklutirnar, sum sungið varð um.

Brotið hevur ofta verið víst í sjónvarpinum um jóltíðir.

Tað var í 1984, at børn í Venjingarskúlanum í Havn framførdu hetta lagið, og hetta var í tíðini, tá livandi ljós enn vóru at síggja í jólatrænum.