Ynskið til aðru lúku ljóðar soleiðis:

Nú 10-mannafarið Norðingur hjá NHR riggar til kappróðrarsummarið hevði verið stuttligt, um ein lúka var tiltikni 10 mannafars kappróðurin á ólavsøku, tá Norðingur vinnur Havnabátin, og Niels Juel rópar 'hvat ger Havnabáturin' Havnabáturin leggur inn!'

Vit hava verið á kanningarferð í her í kringvarpinum og hava funnið brotið, sum ikki er frá einum ólavsøkuróðri, men frá einum serstøkum FM róðri. Tað var nemliga soleiðis at stevnurnar taldu ikki við í FM stríðnum fyrr enn frá 1973.

Nú hol er sett á desember, fer morgunsendingin eisini at lata fyrstu lúku upp í lurtarakalendaranum.

Fyrsta ynskið ljóðar soleiðis:

Eg kundi hugsað mær at hoyrt brotið, tá Málteigurin umrøddi likamslutir. Minnist, at spenningurin var stórur, tá ferðin niður eftir holdinum nærkaðist nalvanum.

Ikki kann sigast annað, enn at tað liggur væl fyri hjá vágafólki at evna til, tí cafein er full av øllum frá sjokolátu og skúmtoppum til bulald, sjampo og perlaðar jólamenn.

Tað er Kvirra við Mariu Samson Christensen á odda, sum stendur fyri jólasøluni, ið hevur verið væl vitjað.

- Her hevur verið fólk alla tíðina, men tíbetur eru tey, sum selja, sera røsk at fylla upp aftur, so her alla tíðina er nokk til, sigur hon.

Ein av teimum, sum selur sínar vørur til tiltakið er Ruth á Plógv. Hon ger sápur av ymsum slag úr oljum, sum hon sigur eru góðar fyri teg.

Tey, ið taka lut í sendingini hesaferð eru Maria Samson Christensen, Ruth á Plógv og Djóni Eidesgaard

Hoyr fuglafrøðingarnar, Silas Olofson og Jórun Pólsdóttir, greiða frá.

Seinastu árini hevur Pól Sundskarð javnan verið at sæð og hoyrt í miðlunum.

Síðani 2004 hevur hann gjørt fleiri ítróttalig brøgd. Pól Sundskarð hevur millum annað runnið sjey maraton í seks dagar, gjøgnumført spartlaton í Grikkalandi, sum er ein teinur á 246 kilometrar, og so hevur hann runnið frá týska landamarkinum og upp til Skagen.

Pól hevur eisini um nakar gingið nógvar túrar í føroysku fjøllunum, og hann hevur meir enn einaferð verið á teimum 340 fjallatindunum í Føroyum.

Hoyr sendingina her.

Prát, samrøður og tónleikur.

At útisetar senda jólaheilsanir í útvarpinum er rættiliga gamal siður.

Føroyingar í Danmark byrjaðu at senda jólaheilsanir heim til Føroya um Kalundborg radio longu í 1930'unum.

Summi væntaðu, at siðurin at senda jólaheilsanir fór at enda, tá útvarpið byrjaði at senda í 1957, men so bleiv ikki.

Gamaní eru tær ikki eins nógvar og fyrr, men framvegis er tað fyri fleiri ein heilt serstøk og fjálg løta, tá jólaheilsanirnar ljóma úr lurtinum.

Mong eru tey, sum næstan ikki duga at imynda sær eini jól uttan jólaheilsanir frá útisetum.

Hoyr sendingina her