Biografurin í Havn varð bygdur í 1960. Síðan 7. juni 1993 hevur Jákup Eli Jacobsen rikið Havnar Bio. Hann hevur tískil staðið fyri biografinum í nærum 28 ár. Hann hevur nú valt at selja.

Nýggju eigararnir eru Mourits Clementsen og Jógvan Kruse. Teir báðir vitjaðu morgunsendingina og greiddu frá teirra ætlanum við biografinum.

Morgunsendingin, týsdagin 30. mars

Gestir:

Ragnar Mouritsen - Williamsstova

Elmar Ósá og Stefanie Lausen - spælihetjur

Mourits Clementsen og Jógvan Kruse - Havnar Bio

Nicolaj Falck og Hjálmar Dam - páskaregg

Tann 28 ára gamli Martin Nielsen úr Havn er millum 20 teir bestu spælararnar í heiminum, tá tað snýr seg um pokerspælið Short Deck Hold´em á netinum.

Martin Nielsen klárar seg so mikið væl, at pengaspælið á netinum er høvuðsinntøkan. Hetta kann mann millum annað lesa á dimma.fo.

Sambært Martini Nielsen skal nógv tíð brúkast framman fyri telduskíggjanum, um tú vilt liva av einum slíkum pengaspælið á netinum.

Morgunsendingin, mánadagin 29. mars.

Gestir:

Petur Hans Dahl - veðrið

Eyðun Christiansen, Petur Mittún - spurnarblað um frítiðarvirksemi

Hans Jákup Abrahamsen - fótbóltssangur

Martin Nielsen - poker

Seinastu dagarnar hevur ein ávísur krossur fingið nógva umrøðu. Talan er um eina ætlan at seta upp listaverk á Høganesi, sum skal ímynda ein kross. Tað hevur elvt til kjak, og nógvar ymsar meiningar eru um listaverkið.

Men hvat sigur listamaðurin sjálvur? Morgunsendingin hevur prátað við Trónd Patursson.

Fuglurin, sum verður umrøddur hesa ferð, er mýrisnípa.

Tað sigur nýstovnaði felagið, Føroyamál, sum í dag á móðurmálsdegnum hevur útgivið ein faldara til foreldur við fimm málsligum ráðum.

Granskarar viðmæla, at foreldur sum útgangstøði altíð tosa sítt egna móðurmál við sítt barn. Sagt verður, at móðurmálið er tað málið, sum foreldur duga best at læra frá sær, umframt at tað er kenslumálið. Um foreldur bara velja annað málið, so kann tað tarna ella skeikla føroyska málið hjá barninum, tí annað foreldri roynir at tosa føroyskt, sum tað kanska ikki dugir nóg væl, tí tey ikki eru uppvaksin við tí.

Gestir hesaferð:

Silas Olofson

Jórun Pólsdóttir

Ragnar Sigrunarson

Helena Kannuberg

Frida Reyná

Maibrit Reyná

Rúsevnismisnýtsla, tunglyndi og ikki minst skuldarkensla eru partur av søguni hjá Fridu og Maibrit Reyná.

Men við góðari hjálp frá eitt nú Megna títt lív, sum er eitt átak við tí endamáli at vera bindilið ímillum ungar borgarar og myndugleikar, hava tær báðar funnið hvørja aðra aftur.

- Hetta er sum at hava fingið sína rót aftur, sigur Maibrit, og leggur aftrat, at hon við hesum vil vísa á, at tað altíð er ein vón.

Í gjárskvøldi var kunningarfundur á Toftum. Ove Brim, høvuðsstigtakari, og Tróndur Patursson, listamaður, løgdu fram ætlaninar um listaverkið, sum er ein 17 metur høgur krossur. Ætlanin er, at listaverkið skal setast upp á Høganesi á Toftum.

Ove Brim sigur, at sum heild hava fólk tikið væl ímóti verkætlanini. Tey høvdu nógvar viðkomandi spurningar á fundinum, men mótstøðu heldur Ove Brim ikki, at hann upplivir.

Súni í Hjøllum, borgarstjóri, sigur, at tey eru undir viðgerð av hesum málinum.