Fyri at vinna stig í dag, er av týdningi, at verjan klárar at standa ímóti trýstinum, sum teir koma við. Tað sigur vinstrahenti bakkurin, Kjartan Johansen.

Føroyska manslandsliðið hevur eina tætta leikskrá. Fyrsti dystur er í dag móti Ukraina í Kiev, síðan ferðast liðið til Kekkia, har spælast skal fríggjadagin og triðji og seinasti dysturin er móti Ukraina á heimavølli sunnudagin.

Tannrøkt var á breddanum, tá tannlæknin, Sára Fossá, vitjaði morgunsendingina

Morgunsendingin, mikudagin 10. mars

Gestir:

Magni Christiansen - syngja í 57 kirkjum

Sólvá Magnadóttir, Maria Eriksen, Tóra Mouritsen og Sanna Niclasen - føroyskt pesto

Kjartan Johansen - landsdystir í hondbólti

Sára Fossá - tannlækni

Økta játtanin er ein liður í hugsjónini um, at Føroyar sum eitt ríkt og framkomið land skulu taka størri ábyrgd í altjóða samfelagnum og vera við til at menna og hjálpa, har tørvur er. Harumframt er málið at raðfesta føroyska luttøku ovarlaga. Tað sigur Jenis av Rana, landsstýrismaður. 

Mett verður, at tað eru omanfyri 40 føroyskir felagsskapir, ið hjálpa neyðstøddum úti í heimi á ymsan hátt.

Handaliga hevur altíð ligið væl fyri, men hugurin til málsligu fakini í skúlanum var sera lítil. Tað sigur Jógvan Poulsen, sum øll skúlaárini hevur livað við orðblindni.

Viðhvørt bleiv hann tikin úr flokkinum fyri at fáa stakundirvísing. - Tað gjørdi okkurt við sjálvskensluna, minnist hann.

- Eg helt tað vera skomm og føldi meg eisini býttari enn hini. 

Jógvan Poulsen bleiv kannaður í fyrsta flokki. Tá var komið fram til, at hann helst hevði okkurt slag av autismu, men orðblindni bleiv ikki staðfest. Tað hendi ikki fyrr enn nógv ár seini.

Morgunsendingin, týsdagin 9. mars.

Gestir:

Andrias Pauli Poulsen - Leikur

Jógvan Poulsen - orðblindni

Jenis av Rana, Rúna Sivertsen og Hilda Viderø - Menningarhjálp

Birita Iversen og Judith Thomsen - sjúkrarøktarfrøði og eldraøkið

– Hóast vit hava formliga líkaløn, so eru nógv viðurskifti í samfelagnum í 2021, sum vísa, at vit hava ikki líkaløn.

Soleiðis sigur Sonja Jógvansdóttir frá Samtaki, ið umboðar fakfeløgini.

Hon hevur savnað lønarhagtøl frá 1960 og fram til í dag.

Tað eru fleiri viðurskifti, sum mugu broytast, skulu vit fáa veruliga líkaløn, heldur Sonja Jógvansdóttir.

Turið Sigurðardóttir hevur savnað teir kendastu í nýggjari bók: Kvinnustríðssangir 

Bókin hjá Turið Sigurðardóttir lýsir í bitum tað, sum millum ár og dag hevur myndað føroyska kvinnustríðið.

Tekstirnir goyma í sær søguna, mynda tey ymsu stigini í orrustuni, og hvussu kvinnur vunnu sær rættindi bita fyri bita við bit og slit.

Sangur er so mangt, millum annað eitt veldigt amboð og vápn, sum sprettandi rørslur nýta til at seta orð á sín boðskap, breiða hann út og síðan til at staðfesta hann.

Gestir hesaferð:

Petur Hans Dahl

Sonja Jógvansdóttir

Turið Sigurdardóttir

Jarðskjálvtarnir, sum vóru í Vági í fyrru helvt av 1967, hava fest seg í minni hjá fleiri vágbingum.

Í morgunsendingini greiddu Anna Dánjalsdóttir, Dussan og Hans í Líðini frá, hvussu tey minnast tíðarskeiðið við buldri og ristingum í Vági í 1967.