Tað merkist hjá Posta, at atburðurin hjá føroyingum er broyttur. Seinastu árini hevur talgildingin sum heild vundið upp á seg. Samstundis hevur korona sett ferð á eitt rák við alsamt vaksandi internethandli og færri brøvum.

Hetta hevur havt við sær, at fleiri posthús lata aftur. Mikudagin hevur posthúsið á Oyrabakka opið fyri seinastu ferð. 

Elinborg Reinert, sum hevur starvast hjá Posta í 42 ár, minnist aftur á nógvar góðar, áhugaverdar løtur. Hon heldur, at talgildingin hevur broytt nógv, og harmast um at fleiri og fleiri posthús lata aftur.

'Fat shaming' er eitt hugtak, sum alsamt fleiri skriva um. Tað byrjaði í USA; og síðani hevur hugtakið - og kjakið um tað - verið at hoyrt um allan heim.

'Fat shaming' er, tá tú hevur andstygd fyri tjúkkum fólki. Tá tú heldur, at tey hava minni virði, eru dovin og/ella nyttuleys.

Fatanin, at tjúkk fólk eru dovnari enn kløn fólk, hevur fingið fastatøkur í hugaheiminum hjá flestum okkara. Tað er heldur ikki løgið, tí nógv samfelags- og mentanarviðurskifti eru við til at halda fast í fatanini um, hvussu tjúkk fólk eru.

Savnsgull verkætlanin, sum hevur til endamáls at talgilda og gera kringvarpssavnið atkomuligt, var sett á stovn í 2014.

Morgunsendingin, týsdagin 16. februar.

Gestir:

Randarsól Kristiansdóttir - Givið nýggjan sang út

Elisa Vang - Kanning um tjúkk fólk og heilsuverk

Elsa Norðbúð - UNICEF

Elinborg Reinert - Posta

Hesa ferð verður jarðarkona umrødd.

Fuglatátturin er í morgunsendingini hvønn hósmorgun og kann eisini hoyrast á heimasíðu okkara.

Silas Olofson og Jórun Pólsdóttir leggja til rættis.

Morgunsendingin, mánadagin 15. februar

Gestir:

Petur Hans Dahl - veðurmaður

Pál Weihe - um fastalávint og korona

Sjúrður Petersen - fluttur undan koronu

Trivielli gerandisdagurin í Keypmannahavn hevur fingið Sjúrð Petersen og familjuna at venda nøsina heim til Føroya. Tey búgva annars í Keypmannahavn, har tey hava búð í 20 ár.

– Í Føroyum er alt ómakaleyst. Tað var eingin trupulleiki at líka flyta børnini inn í ein nýggjan skúla og barnagarð, greiðir Sjúrður Petersen frá.

Sjúrður er lærari og fer tí til arbeiðis umvegis telduna, har hann undirvísir donskum næmingum í framhaldsdeildini.

Morgunsendingin, fríggjadagin 12. februar

Gestir:

Bjarni Johansen - fryst vøtn

Ulrich Thomsen - TROM

Bogi Krossteig - skip til kaving

Joana Joensen, Anna Eir av Steinum, Sólja Kallsberg - Cantus

Upptøkurnar til TROM eru settar at byrja 15. mars. Millum sjónleikararnar verður millum annað heimskendi danski sjónleikarin Ulrich Thomsen at síggja. Hetta verður fyrstu ferð hann vitjar Føroyar.

Í samrøðu við morgunsendingina greiddi Ulrich Thomsen millum annað frá, at nógv av tí hann veit um Føroyar, hevur hann fingið at vita frá sínum góða granna, Lars Fodgaard Møller, ið er landslækni í Føroyum. Teir báðir eru grannar í Gentofte.

Hesaferð verður snjóspurvin umrøddur.

Fuglatátturin er í morgunsendingini hvønn hósmorgun og kann eisini hoyrast á heimasíðu okkara.

Silas Olofson og Jórun Pólsdóttir leggja til rættis.