Heimaføðingar vóru høvuðsevnið, tá ljósmóðirin, Lillie Eliassen, vitjaði morgunsendingina.

Í dag er altjóða ST-dagur fyri kvinnur í granskingarumhvørvinum.

Á heimsstigi eru færri enn 30 prosent av granskarum kvinnur, men øðrvísi er hjá okkum í Føroyum, tí her tíma nógvar kvinnur at granska.

Neyv tøl finnast ikki innan granskingarumhvørvi í Føroyum, men nógv bendir á, at kvinnurnar í Føroyum eru áhugaðar í gransking.

Gestir hesaferð:

Annika Sølvará

Karin Margretha Húsgarð Larsen

Turid Hammer

Regin Dalsgarð

Erika Hayfield

Barsilsskipanin bleiv sett í verk fyri næstan 20 árum síðani. Tað var í apríl 2001, men síðani tá eru nógvar broytingar gjørdar í skipanini. Umleið 27 ferðir eru broytingar gjørdar.Harafturat hevur hon líka síðani hon bleiv til elvt til nógv kjak og ósemjur.

Nýggjasta dømi er frá í vikuni, tá løgtingið skuldi viðgera uppskot um at javnseta samkynd foreldur við onnur foreldur í Barsilsskipanini. Málið hevur elvt til nógv kjak seinastu mánaðirnar.

Tann 29. januar átti Bjørg Joensen Eskildsen ein son, meðan hon var inni á vesinum heima við hús undir Gøtueiði.

Unnustin, Tórik Rouha, var til skips, og tí mátti mamma Bjørg koma at hjálpa ommusoninum at vera borin í heim.

Í morgunsendingini greiddu Bjørg og Tórik frá tí heldur óvæntaðu upplivingini.

Nærum hvørja viku er hann at síggja í donskum miðlum.

Talan er um 26 ára gamla Teit Skoubo, sum í 2019 vann í donsku reality-sendingini Paradise Hotel.

Líka síðani hevur hann luttikið í fleiri ymiskum reality-sendingum. Í fleiri sendingum ber til at síggja Teit ballast, vera fullan og í onkrum føri eisini naknan. Men tað leggur Teitur Skoubo einki í.

– Tað rørir meg als ikki. Eg eri soleiðis, sum eg eri, og tey flestu ungu ballast og tvætla, júst sum eg geri, sigur Teitur Skoubo.

Skúlin av Fløtum, sum er ein samanlegging av Kommunuskúlanum og Venjingarskúlanum, er ov lítil. Hetta hevur við sær, at komandi 1. floks næmingar í vesturbýnum í Havn verða fluttir oman í Eysturskúlan, sum liggur í hinum endanum av býnum. 

Hetta hevur fingið foreldur í vesturbýnum at rópa varskó. Tey eru nú í holt við at savna undirskriftir inn fyri at vísa sína ónøgd. Ein teirra er Jenny Old, sum býr í vesturbýnum og er mamma at einum barni, sum skal byrja í 1. flokki eftir summarsteðgin.

Forskúlabørn sleppa frammum

Herfyri vórðu átta starvsfólk á Suðuroyar sjúkrahúsi heiðraði við Dronningens Fortjenstmedalje.

Tey átta vóru:

Morgunsendingin, mikudagin 10. februar

Gestir:

Jenny Old - næmingar fluttir í Eysturskúlan (06:56)

Bjørg Joensen Eskildsen, Tórik Ábraham Rouah - heimaføðing (33:29)

Bergur Stórhamar, Sonny Ellendersen, Doris Petersen, Anna Djurhuus - 40 ára starvsdagar á Suðuroyar Sjúkrahúsi (54:00)

Lillie Ellendersen - ljósmóðir (1:33:00)

Vit eru í viku seks, og aftur í ár skipa Amnesty, Fólkaheilsuráðið, politiið og Almannamálaráðið fyri tiltakinum "Vika sex".

Tað er vikan, har ljós verður varpað á kropp, kenslur, fyribyrging, mørk og kropslig rættindi.

Tað er felagið Kyn, sum stendur fyri undirvísingini - og tey eru í hesi vikuni úti í yrkis- og miðnámsskúlum og undirvísa í seksualiteti og kropsligum rættindum.

Endamálið við øllum hesum er at menna seksualundirvísingina, tí tað hevur týdning fyri okkara trivnað, at vit vita um kropp, kenslur, fyribirging, mørk, rættindi og onnur seksuell evni.